البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
q8hunter87
08-12-2022 - 08:55 pm
السلام عليكم ورحمة الله وبركاته مبارك عليكم ماتبقى من الشهر الفضيل وعساكم من عواده .
مسافر للبحرين في اجازة العيد ان شالله مع العايله ، وحجزت في فندق سوفيتيل الزلاق وعندي استفسارين
اولا عن موقع الفندق انا بصراحة ولا مرة رحت لمنطقة الزلاق اذا احد يقدر يفيدني بوصف تقريبي للفندق من منفذ جسر الملك فهد او حتى اسم الشارع الي يودي لمنطقة الزلاق
ثانيا عن المنطقة بشكل عام هل فيها مطاعم او مجمع نقدر نقضي فيه اول ليله
ومشكورين مقدما وتقبل الله طاعتكم


التعليقات (3)
ارمـــ ARMANI ـــاني
ارمـــ ARMANI ـــاني
q8hunter87
ومشكورين مقدما وتقبل الله طاعتكم
ياهلا ومرحبا اخوي q8hunter87
وعليكم السلام ورحمة الله وبركاتة
الله يبارك فيك وكل عام وانت بخير
اختيار ممتاز وموفق ولله الحمد والسوفتيل من المنتجعات الجديده توه
منطقة الزلاق شوي بعيده ويبي لها حوالي 30 دقيقة الى 40 دقيقة على حسب السرعه والزحام
ابوي هذا وصف دقيق وتقريبي جداً جداً لأنه قريب من منتجع قصر العرين
وصف المنتجع من الجسر وهذي صورة الخريطة من المنتجع اول ماتدخل من الجسر اتبع لوحة محمية العرين وحلبة البحرين للفورملا والمدينة المائية جنة دلمون ادخل معها يجيك شارع الشيخ خليفة بن سلمان والشارع طويل بعدها تشوف اللوحات وتتبع الزلاق لأن المنتجع ذاك الصوب لين تجيك جامعة البحرين وتوقف عند الاشارة وتخليها على يسارك وانت تروح سيده واتبع اللوحات تجيك اشارة وتشوف منتجع سوفتيل الزلاق امامك مباشرة وتشوف لوحة الفندق
تروح سيده وسلامتك
بس خلك مركز على اللوحات
وان شاء الله ماتضيع

طبعاً هذي خريطة منتجع قصر العرين نفس طريق منتجع سوفتيل الزلاق
وبخصوص مول او مطاعم في تلك المنطقة لايوجد
واتمنى لكم رحلة موفقه
اخوك : https://artravelers.com

q8hunter87
q8hunter87
مشكور اخوي ارماني ماقصرت رد كافي و وافي

ارمـــ ARMANI ـــاني
ارمـــ ARMANI ـــاني
q8hunter87
ياهلا ومرحبا اخوي q8hunter87
العفو هذا واجبنا لكم
وتطمن منتجع السوفتيل فيه 3 او 4 مطاعم
البوفيه المفتوح عالمي الاكل منوع
عندك المطعم الايطالي
وعند المطعم البحري عند البحر بس عيبه انه يوجد فيه مشروبات كحولية
الفندق مرافقه جميله واطلاته روعه والحدائق والشاطىء الخاص
آمانه نافس فندق الريتز كارلتون بنفس التصميم ونفس المرافق حتى الجزيره الاصطناعيه سووها
واي استفسار حنا حاضرين
اخوك : https://artravelers.com


خصم يصل إلى 25%