LooLi278
07-12-2022 - 07:22 pm
مرحبا بالجميع ..
أنا بأذن الله نازلة مع زوجي للكويت ثاني أيام العيد و أبغى استفسر عن عدة أشياء
السكن : أبغى استفسر عن بودل + السعر، و برضه عن شاليه حلو ما يتعدى 600 ريال يعني تقريباً 160 دولار.
برضه مطاعم حلوة و مطاعم لبنانية خاصة و( مطعم فريج صويلح) أيش هو؟؟
كفيهات حلوة من ناحية الجلسات و الأكلات؟
أيضاً فعاليات العيد أيش فيه فعاليات و حفلات؟ كمان بسأل نساء الكويت لبى قلوبهن.. أبغى البوتيكات حقات المصممات الكويتيات فين الاقيهن؟ أيش هي المولات اللي موجودين فيها؟ ضروري الله يخليكن حيثي أنوي الدخول في مشروع تصاميم الأزياء و أبغى أشوف طبيعة شغلهن + بوتيك هديل اللي تصمم لهدى حسين في " خادمة القوم" فين الاقيه؟
أيضًا محلات راقية للأثاث و الأواني خصوصا الصينية و الأنقليزية.
بالنسبه لبودل اتصلي عليهم علشان اتشوفين الاسعار واذا في غرف متوفره - في روم ان مقابل بودل
وعندج فندق ايبيس في السالميه وشرق دامكم 2 اعتقد ارخص ..
شاليه بحدود 160 دولار ما اعتقد اتحصلين هالسعر
دشي على هالموضوع وبتحصلين كل شي ان شاءالله اسامي فنادق وشقق والخ
https://artravelers.com/p/re/643470
المطاعم اللبنانيه : ميس الغانم - فيلا فيروز - الصنوبر - ياميجانا في الكوت
فريج صويلح اكل كويتي
الكافيهات مارينا ويفز - والبدع عند فندق الموفنبيك - مول 360 والافنيوز وبرج الحمرا- مجمع الكوت
( من الكافيهات اللي انا احبهم : شوكليت بار - كاكاو - فوشون-بوش - بول )
الحفلات بعد مافي اعلانات عنهم بس في مسرحيات
البوتيكات روحي 52 degrees واخذي فكره وايد مصممات اهناك وعندج برج جاسم ومجمع البستان وشارع البلاجات في جم اتيليه لمصممات ومنطقه الجابريه وفي حق منى الكندري مجمع غاليريا 2000 بالسالميه..
الاواني في بالضجيج بس مااعرف اسم المحل والاثاث ابيات ومجمع التلال في الشويخ فيه اواني واثاث وان شاءالله البنات يفيدونج اكثر
وحياكم الله