توجد خرائط لطرق المغرب تباع في مرجان وبعض المكتبات هناك اما في الرياض فلا اعلم هلا توجد ام لا؟؟
وبالنسبة لاستئجار السيارة فانا افضل استلمها من المطار واسلمها في المطار

تسلم حبيبي .... المغترب
وما قصرت يالغالي
وبانتظار باقي الردود

المغترب
اخوي مسافر مجهول السياره خذها من المطار وسلمها للمطار وريح راسك مثل ماقالك اخونا وحبيبنا المغترب
والخرايط والله ماعندي فكره عنها والظاهر ماتحتاج خرايط هناك فيه لوحات ارشاديه واضحه
وتروح وتجي بالسلامه والصور الحلوه ان شاء الله
والله يحفظك
اخوك الهائم

هلا والله أخوي الهائم ... ويا رب عساك على القوة دايم
نصيحتك .. بشأن السيارة .. أوكي .. بس أخاف تطلع علي غالية من المطار
وإذا بيحسبون الكيلوات الزايدة .. بتطلع علي .. هذيك الحسبة ، إذا كنت أبي أطلع وأسافر
من المطار إلى مراكش .. وأبي أجلس هناك .. يمكن اسبوعين ، إذا الوضع عجبني هناك
وسؤالي - لأني ما أعرف كم المسافات - كان بناء على تفكير مني ، بأن أذهب لمراكش بباص أو قطار
ومن هناك - قد أجد سيارات أرخص - أدوج فيها على كيفي داخل المدينة - وإذا صار للسيارة أي مشكلة
يكون مكتبهم قريب مني .. وهكذا .... هذا تفكيري المتواضع .. وانتم وش رايكم ؟
وكله يعتمد عندي على المسافات ... والطرق ...

اولا العداد مفتوح يعني لاتبقي شق في المغرب ما تروح لمه والسعر ثابت
بالنسبة للخرائط فخرائط الطرق مثل ما قلت لك تباع في اسواق مرجان اما خرائط المدن فما ادري عنها وحاول انك تسال في المكتبات
ولي عودة ان شاء الله

السلام عليكم..
الصراحة ..أختك من محبيي دراسة الخرائط ايضا..لذلك..سأحاول تقديم ما يناسب رحلتك واذا رغبت في المزيد..لا مانع..أو بامكانك عمل بحث صور على جوجل karte marokko..بالالمانية..لانهم السواح الاكثر نسبة و الاكثر ترحالا في المغرب..
http://www.7-dragons.com/maroc/img/carte-maroc-04BIG.jpg
وعند الوصول لا تنسى شراء..

مرحبا بك في بلدك الثاني..
أختك بنت أغادير

اخوي مسافر مجهول تحياتي لك واخونا المغترب كفا ووفا
واللي اعرفه ان مافيه فرق بالاسعار بس الفرق بالسيارات وموديلاتها
ومثل ماقال اخونا المغترب العداد اوبن حط رجلك
وبعدين المطار موقعه مناسب ومتوسط ولافيه مسافات طويله مثل مسافاتنا ابعد شي اقادير حوالي 500وشوي والباقي من 200 وحواليها والله اعلم والطرق حقتهم ونيسه بس ضيقه ولاهي وسيعه يعني انتبه شوي لاتاخذك المناظر الحلوه وتنسى السواقه وبعدين السيارات كلها مؤمنه ومافيه خوف من اي ناحيه
وتوكل على الله ورح انبسط الله يحفظك من كل مكروه
اخوك الهائم

المغترب
ما قصرت يالغالي .. ومعلومة .. العداد (أوبن ) معلومة جديدة علي .. وحلوة جدا
بس .. ما قلت لي ؟؟ وين أسواق مرجان ..؟؟ في أي مدينة ؟؟ وأي شارع ؟؟
لأني أبستأجر سيارة من المطار .. وعلى طول راح أبحث عن الخرائط
قبل كل شيء .. حتى قبل الأكل والسكن ههه

اخوي 200 كيلو تقريبا من المطار لمراكش ويمكن اكثر شوي او اقل شوي
وانت بتروح مراكش اسأل المكاتب اللي بالمطار عن المكاتب اللي لها فروع في مراكش وخذ منهم وان شاء الله ماتواجه مشاكل لان سيارتهم حليوه ولاجاها كرف مثل اللي عندنا كل خميس خمسات وتعقيد وحركة الريوس
والله يحفظك يارب