F A J R
15-12-2022 - 12:41 pm
سلامي لجميع محبين الأسفار وبخاصة الإستجمام والهدوء والبحر .. :12 (97):
وجهتنا كانت الى السيشل والموريشيوس..*
وسأكتب عن السيشل فقط في هذا التقرير لاني حبيتها اكثر ولان الكثيرين لا يعرفون عن هذه الجزيرة الساحرة...
رحلتنا كانت في اول شهر يوليو
المدة 5 ايام فالسيشل و6 في الموريشيوس
الطيران كان الامارات وبين الجزيرتين السيشل بادارة الاتحاد
رحت انا وريلي و ولدي سنتين وبنتي سنة
وما خذت بشكارة والحمدلله ماتعبت وايد
الجو كان متقلب من غائم جزئيا الى ممطر الى مشمس:44 (21):
المنتجع كان الconstance ephelia *والي بيكون التقرير مركز عليه بشكل خاص
أهم شي اختيار المنتجع لان البلد مافيها سياحة تسوى
اختيار المنتجع لازم يتم وفق الميزانية وسماحه لوجود الاطفال و نشاطاته وموقعه وشواطئه وتنوع مطاعمه
وادفعوا عليه كل الميزانية لان هناك مابتكون هناك صرفيه تذكر خاصة اذا الافطار والعشا عالمنتجع
انا اخترت هالمنتجع لان سعره كان رائع يمكن 1700 للسويت المطل عالبحر مع الافطار والعشا.. حجزناه عن طريق agoda
يسمح للاطفال وعندهم نادي العاب.. وفيه سبع مطاعم حلوة ... كبير وفخم وحديث.. فاتح في 2010
فيه غير السويتات المطله عالبحر فلل حلوة بغرفتين وثلاث بحوض سباحة خاص
الاكل فيه حلال وهذا اهم شي .. واحتمال يكون في اغلب الجزيرة والمنتجعات لان اقتصاد البلد قايم عالسياحة وهم يبون يرضون كافة الجنسيات والاديان
أهم وافخم منتجعاتهم على ما خبرونا هناك هم الميرا والفور سيسن وبنيان تري... بس الثلاث مايسمحون للاطفال :12 (96):
يعني للمعاريس بيكونون بيرفكت ولو ان اسعارهم غالية شوي!
اترككم مع الصور والتعليقات عليها
هذا من الطايرة لما قربنا ننزل
مطارهم صغير ومتواضع
رحلتي الى الجزر السياحية
مدخل المنتجع
الرسبشن*
يستقبلونك بالفوط الباردة والعصير ويلسونك ترتاح لين اتخلص اجراءات الشيك ان .. ومن حضنا سوولنا اب قريد من جونيور سويت ل سينير سويت لان المنتجع كان مليان
خذونا بسيارات البقي للغرفة.. المنتجع كبير جدا والتنقل فيه لازم بسياراتهم الي اتي بالطلب او الانتظار دقائق معدودة غند مواقفها الخاصة.. مطعم الافطار كان بجانبنا .. لكن كنا نستخدم السيارة للذهاب لمطعم العشا ونادي الاطفال
مدخل سويتنا .. مهم تطلبون بالطابق الارضي خاصة اذا عندكم اطفال وبعد اسهل للذهاب للشاطئ من الجهة الاخرى للغرفة الي تفتحها البلكونة
الغرفة .. فخمة ومريحة والتنظيف عندهم مرتين فاليوم
وفيه مجموعة افلام مجانية في الغرفة تتسلون فيها
البلكونة ... مطلة عالحديقة والشاطئ بعد الحديقة ع طول
الحلو ان مافي بلكونة تكشف عالثانية
الحمام
والباب الي ورا الستارة يفتح ع حديقة ورود صغيرة مسورة وساترة كانها حوش صغير بس حلو منظرها خاصة ان طاح مطر
الغرف من جهة الحديقة ونحن راجعين الها من الشاطئ
احلى مافيها .. هذا الشاطئ الساحر الي ماينشبع منه.. وبالمناسبة فترة الصبح والعصر انسب فترة لتجنب مشاهدة المناظر الخليعة*
والشاطي كبير وممكن تلاقين مكان خاص للسباحة باللبس الشرعي طبعا :12 (64):
مطعم الافطار .. بوفيه.. موجود فالحديقة الي بين الفلل والبحر
والجو فيه جميل تفطر وانت تسمع صوت البحر