الطائف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
البيت الابيض 100
04-12-2022 - 11:23 am
  1. انا بقولم السالفه


سلام عليكم
رجعت بفضل الله من مكة ومريت الطائف وجلست ثلاث ايام اول يومين بمنتجع(روز جاردن)
الحقيقة حلو وروعه وومتاز لابعد الحدود تحس لاول مرة كانك بشرق اسيا
الكلام عن منتجع الميرلاند بالهدا بجنب روز جاردن
الحقيقة ما ادري كيف يسمى بالمنتجع والمنتجع تعني الرفاهية مو بس الاساسيات

انا بقولم السالفه

الصبحيات تمشيت على المنتجعات ومريت على المنتجع المذكور انفا صراحه كشكل حلو مرة وبه العاب ومسبح ومطعم وحلويات وبقالة وكل شي وهذا الشي الي شجعني رؤحت شفت الشقق الي بالمنتجع ويعني حليوه مو ذاك الزود وقلت اوكي وكتبت العقد لمدة يوم واحد ورحت لشقتي الاولى وكم ساعه وطلعنا وجينا لمنتجعنا الجديد(المير لاند )
لحد الان الامور طيبة
فترة ساعه والولد اعزكم الله راح لدورة المياه
ومن بعدها قمنا نشم رائحه كريهه وقمنا نعلق عليه على اساس تروح الريحه بعد السيفون
وما فيه فايدة ابدا كانها رائحة بيارة اعزكم الله
شوفوا وش لقينا
ناظروا للصورة
شفتوا البيارة اعزكم الله موجودة بداخل الشقة وهذاي اول مرة تعمل
لان هالبلاوي لما تنزل تروح لبيارة الي بداخل الشقة وهنا تبدا الريحة
ولاحظت باكثر من شقة يبون يرقعون الوضع حاطين على البيارة مثل السليكون بس ما فيه فايدة لان الرائحة تطلع تطلع
وهذا انا داخل من شقة وطالع من شقة عندهم وكلهن نفس الشي البيارة داخل الشقق
اخر شي رضخت للامر الواقع وقبلناها على علتها لان الفلوس وراحت ولا فيه فايدة من المطالبة واصلا ما ابي اخرب يومي ابي ابسط العيال
والله ياجماعه انواع البخور والعود والمرشات واشوا خفت الريحه بس بجد شي يرفع الضغط وين الرقابة
لا والادهى والامر العمال الي يشتغلون به مروني بالليل كنت اتمشى بالمنتجع ويضحكون يقولون هاه راحت الريحه يعني متعودين على هالامر
واليكم الصور


التعليقات (7)
وصايف الحجاز
وصايف الحجاز
وعليكم السلام والرحمه ...
للاسف هذا مستوى المنتجعات والفنادق عندنآ .. اقل ما يقال عنها سيئة ..
والرقابة في سبات عميق للاسف
ياليت لو عندك صور عن الروز جاردن تنزلهآ عشان يستفيد منهآ الاخوان ...

البرق سامي
البرق سامي
شكراً على نقل هذه التجربة
تحيتي

محد يعرفني
محد يعرفني
ما أقول الا الحمد لله والشكر
ياليتك شديت معهم وطلعت العيون الحمر عشان يعرفون ان الله حق
وش هالكلام الفاضي استأجر شقه وبالاخير القى بياره فيها ؟؟؟؟؟
أسأل الله العلي العظيم إني ما أمر بموقف زي هذا لأني بصراحه حفقد أعصابي لو ما رضخت ادارة المنتجع ورجعو الدراهم
بصراحه صارلي موقف بمدينة الباحه قبل فترة
طبعا الباحه مافيها الا فندق واحد وهو قصر الباحه
وللأسف دائماً فل
ورضيت بالامر الواقع ورحت ادور على اي سكن نظيف وانا اصلاً ما احتاج الا ليوم واحد لأني رايح حق شغله بسيطه
وبعد جهد جهيد لقيت شقه يوم استأجرتها اتصلت عليهم طلبت صابون يد قالو مافي
طلبت مناديل قالو مافي
وطلبت وطلبت وطلبت وطلبت قالو مافي
واللي ضايقني اكثر طلعت ريحة من دورة المياه
اتصلت عليه قلت ترى انا وشنطتي نازلين الحين بلقى فلوسي ريال ينطح ريال على طاولة الاستقبال
وقفلت السماعه
ونزلت يا طويل العمر وقام يستهبل
قلت لهم اسمعو ترى انا مجنون ههه ان ما عطيتن حسابي وربي لأخسركم اضعاف مضاعفه
قال تهدد
طرت بعيونه قلت اجرب ؟؟
ههه
بيني وبينك خفت يقول جرب ههه
يارجال انتفض مكانه وطلع الفلوس وللأمانه ومن عندي حاسبتهم حق ساعه عشان الله لا يحسبن عليها
ورحت جلسة بلوبي قصر الباحه انتظر بعد ما طفشت الموظف وسبحان الله تسخرت لي بفضل الله غرفه وجلسة بالفندق
من بعدها تعلمت ما اروح الباحه للعمل الا وانا حاجز بالفندق لو باضعاف مضاعفه
وتوته يا توته
خلصت الحتوته ههه

البيت الابيض 100
البيت الابيض 100
وصايف الحجاز
هذي صور لروز جاردن الحقيقة روعه وعائلياليوم ب600 ريال

البيت الابيض 100
البيت الابيض 100
محد يعرفني
مصيبة مدينة ما بها الا فندق واحد
حلو اخذت حقك بس انا هو يوم وماشين مالي خلق
والمنتجع صراحه حلو بس مشكلته هذي وهي مشكلة تخرب على جماليات المنتجع

أغلى الغاليات
أغلى الغاليات
وعليكم السلام
يعطيك العافيه على الطرح
شكل البياره مقرف كيف بتكون الريحه ما شاء الله عليكم كيف استحملتو

ام عزيـــز
ام عزيـــز
لا حول ولا قوة الا بالله ...
و يقولون سياحه داخليه ..؟؟؟
الله المستعان ..
.
.
.


خصم يصل إلى 25%