مراحب ..
اول ماتوصلين مطار البحرين تبحثين عن لوحة طيران الامارات للبوردينغ ..
تدخلين الشناط وتطلبين استلامها في مطار هيثرو..
تاخذين البوردينغ لرحلتين: البحرين- دبي
دبي - لندن
وتتوجهين للبوابة ..
قبل ما توصل الطيبارة لدبي بيعرضون بالشاشة الرحلات المواصلة شوفي رقم رحلتك اي بوابة
ولما تنزلين اتبعي اللوحات للرحلات المواصلة وروحي عند بوابة الرحلة ..
اذا الانتظار طويل عندك لاونج مرحبا تدخلينها بفلوس بس ماعرف بكم بالضبط او ممكن تتجولين في السوق الحرة ..
رحلة موفقة

تسسلمين حبيبتي ع الشرح م قصرتي ..لكن أنا الوقت الي رح يكون عندي في مطار دبي بس مجرد ساعة ...
انا بصراحة كل خوفي ااضيع في المطار ولا تفوتني الرحلة ..

لما تزلين في دبي لاتروحين عند كاونتر الجوازات
امشي مع اللوحات
شوفي كلمة ترانزيت وروحي معاها وان شاءالله بتوصلين البوابه في اقل من 10 دقائق لاتخافين ماراح تضيعين
واذا ضعتي تقدرين تسألين الموظفين هناك ويفيدونك

لا اله الا الله محمد رسول الله

اختي والله سهله اول شيء مطار دبي + البحرين في لوحة عربيه بتساعدج ادلين طريقجوفي هيثرو حتى لو كانت لغتج الانجليزية بسيطة بتعرفين كل شيء وبتمشين لان كل شيء واضح وضوح الشمس
تدخلين المطار تروحين لكاونتر الرحلة تدخلين الشنط ويقصون لج البوردنق وبعدها تاخذين فره في محلات المطار
او تاكلين لج شيء ويوم تشوفين وقت رحلتج قرب تروحين للبوابة ومعلومات البوابة والرحلة وكل شيء بيكون موجود
في التذكرة يعني مايحتاج تسألين وحتى لو حسيتي نفسج ضايعه سألي الموظفين واللي يشتغلون في المطار بيدلونج الطريق وين
ويوم تنزلين من الطيارة تستلمين الشنطة وبتشوفين مكتوب لج عند كل سير الشنط رقم الرحلة و يايه من وين
انتي يوم تفكرين تشوفينها صعبه لكن الله بيسهلها عليج ان شاء الله تروحين وترجعين بالسلامة يارب

انا اعرف ياختي ان الموضوع سهل جدا عليك
ومتأكد انك جمعت معلومات كثيره جدا
لكن المشكله هي حالة
قلق السفر
وهذا جربته في بدايات السفر
استرخي
خذي نفس عميق واعرفي انك بعون الله واصله يعني واصله
اهم شي طبقي المثل المصري
اللي يسأل مايتوهش
اسالي في كل خطوه في المطار عادي جدا
هناك موظفين في المطار لخدمتك
لاتقلقي
تتبعي اللوحات مثل ماقال الاخوان والاخوات
شوفي تقارير المسافرين الى لندن تعلمي منها راح تفيدك جدا
وعند قيامك بقطع البوردنج اسألي الموظف ماهي الخطوات
واخيرا
ادخلي على موقع المطار عن طريق النت وشوفي مخطط المطار راح يسهل عليك
ورحله موفقه
ونصيحتي لك اذا مافي احد يستقبلك لاتستخدمي الا تكسي المطار الرسمي(حتى لو كان غالي الثمن) ولاتتعاملي
مع اي شخص لاتعرفيه يقدم لك خدمه وهذه نصيحه لجميع الاخوات

الكل ما قصر حقيقه
الامر مو صعب جدا ولكن نفس ما تطرق له اخونا عبدالحكيم قلق

تسلممون يَ جماعة ع المعلومات الكثيره اسستفدت كثير > نفس الشخص لكن بحساب ثانيومعك حق اخوي عبدالحكيم انا بعد اعتقد انه قلق السفر خاصه إني اول مره بسافر لحالي و صغيره وكلام الناس خوفني زياده ههه ما كنت خايفه زي كذا من قبل

تسلمين اختي والله يوفقك