فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صـلاح القراشي
06-12-2022 - 06:02 pm
السلام عليكم
يا جماعه أحذركم من التعامل مع بوكنج انصبوا علي 580 د.ك حجزت من عندهم فندق بفرنسا بقيمت 580 د.ك وخصموا المبلغ مني وباليوم الثاني دزولي على الايميل أن تم الغاء حجزي لان تم نفاذ الغرف وسألتهم عن المبلغ قالوا بيرجعونه بعد اسبوع وبالفعل حجزت فندق ثاني وهم تم خصم المبلغ للفندق الثاني وارسلولي التأكيد للحجز وسافرت وسكنت وأنا بفرنسا راسلتهم قلتلهم ماتم استرجاع المبلغ لحسابي قالوا احنا ماخصمنا شي قلت انتوا خاصمين قالوا لا ما خصمنا واتصلت على بيت التمويل الكويتي قالوا تم خصم المبلغ وارسلولي بالفاكس صوره من تحويل الحساب لصالح حساب بوكنج وكلمتهم قالوا خلاص راح نرسلك مندوب يشوف الفاكس ولا أحد عبرني واتصلت عليهم كذا مره يوعدوني بالكذب ان يرسلون مندوب يتحقق من الفاكس ولا أحد يجيني وراحت علي 580 د.ك ديربالكم يا جماعه وياليت أحد يعرف لهم مكان او عنوان اشتكي عليهم


التعليقات (9)
الشمالي الغربي
الشمالي الغربي
صباح الخير
نامل توثيق الموضوع بالمستندات
لان تعاملي مع بوكنج فقط وعندي حجزي الان معهم
لك تحياتي

فيصل
فيصل
معوض خير
لهم موقع في بلجيكا
والبقيه مكاتب
يمكن عملوا بلوك علي المبلغ
انا اتعامل معهم كثير ويحجزو علي المبلغ فقط ويفكونه بعد اسبوع تقريبا

صـلاح القراشي
صـلاح القراشي
الشمالي الغربي
عندي كل الاوراق اللي تثبت أن تم خصم المبلغ وعندي الايميل اللي ارسلوه لي بأن تم الغاء حجزي لنفاذ الغرف وعندي رقم الفندق لان ذهبت للفندق اللي حجزت منه قالي ماوصلني شي والحين صارلي 3 اسابيع ولا رجع شي المشكله ينكرون خصم المبلغ وأنا عندي كشف حساب يبين خصم المبلغ ياريت أحد يساعدني لسترجاع فلوسي او يدلني علي فرع لهم بالكويت معتمد لان راسلتهم اكثر من مره ولا أحد يرد علي كأني لم ارسل لهم

صـلاح القراشي
صـلاح القراشي
فيصل
انا صارلي 3 اسابيع ولا رجع شي ونفس ماذكرت هم ينكرون سحب المبلغ وانا عندي كشف حساب من البنك يدل عنهم ساحبين المبلغ

بيبسي كولا
بيبسي كولا
اخي الكريم صلاح
انا اتعامل مع بوكنق تقريبا ثلاث سنوات
والحمدلله لم تحطث معي
لكن هذا لايمنع حدوثها
ممكن تحدث صح
اخوي مايضيع الحق وراه طلابه
راسلهم مره وثانيه وثالثه
وراح تحصل المبلغ

صـلاح القراشي
صـلاح القراشي
بيبسي كولا
وأنا يا خوي اتعامل معهم من سنه وشوي ودايم أحجز منهم بس المره هذي غير واقسم بالله دايم اراسلهم ولا أحد معبرني ياريت أحد يعرفلهم مكتب بالكويت وكل أوراقي ماتثبت من خصم البنك وعندي ورقه من الفندق اني دافع كاش رغم بوكنج خاصمين المبلغ
ساعدوني الله يجزاكم خير استرجع فلوسي 580 دينار مبلغ مو بسيط يعني 2300 دولار

بيبسي كولا
بيبسي كولا
صلاح القراشي
صلاح
انا وياك ان شاء الله
لكن تحملني في اسالتي
موقع بوكنق مايخصم المبلغ
عملية السحب تمت من الفندق يالغالي
يعني اول شغله لازم تعرفها ان بوكنق ماسحب

بيبسي كولا
بيبسي كولا
انا ما اوعدك لكني بستغل حجوزاتي الدائمه
باسترجاع المبلغ
هذا مو وعد لكن محاوله مني
عموما
تواصل معاي علي تويتر لانه ممنوع احط ايميل
وان شاء الله براسلهم يالغالي

ابو درر و ناصر
ابو درر و ناصر
هلا بك اخوي
تقدر تسوي مطالبه او اعتراض على العملية عن طريق البنك اللي حسابك عندهم والبنك نفسه يتابع القضية
بس تأكد انه خصم وليس حجز بس على المبلغ


خصم يصل إلى 25%