جنوب افريقيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Devil427
13-12-2022 - 11:41 am

السلام عليكم
هل من الممكن اعرف جدول ليالي لجنوب أفريقيا ابديها في كيب تاون وأنهيها في جوهانسبرغ ولكن باكون محصور في 9 ليالي فقط اتمنى احد منكم يساعدني في توزيع الأيام في المدن مع الأماكن السياحية .... السفر بيكون في 20 أغسطس ولكن ابي احجز من الآن الرجاء منكم المساعده والرحلة مكونه من 4 أشخاص بالغين
تحياتي


التعليقات (3)
-' + '->ابلغ عن اساءه
-' + '->ابلغ عن اساءه

على اي خطوط ؟
محطة الوصول ؟ محطة المغادرة ؟
9 ايام .. اعتقد انها مدة قصيرة يعني لو تكتفون بالكيب تاون افضل ..

-' + '->ابلغ عن اساءه
-' + '->ابلغ عن اساءه
السلام عليكم
انا توني راجع من جنوب افريقيا وجلست 10 ايام
17/5/2012 الى 27/5/2012
بعطيك مخطط رحلتي على السريع وان شاءالله افيدك
رحلتي كانت من جدة الى جوهانسبرغ وعلى طول سافرت لكيب تاون
استاجرت سياره لمدة 7 ايام عن طريق موقع
http://www.rentalcars.com
حط في بالك بيحجزو مبلغ على بطاقة التأمين وترجع بعد ما تسلم السيارة بسبع ايام تقريبا
سكنت في شارع لندن في فندق اسمه The Hyde
وهذي احداثياته تقدر تنسخها وتسوي بحث في خرائط قوقل
  • 33.912274,18.390593

ميزاته انه نظيف مره والشارع اللي وراه بقالات ومطاعم حلال وهدوء ومواقف تحت المبنى خاصة فيه وسعره حلو وقريب مره من الووتر فروت حق دقيقتين تقريبا بالسيارة
احداثيات الشارع الحيوي
  • 33.912817,18.392261

هنا جلست 3 أيام
7- 20 < على حسب الحجر بالسكن
اليوم الاول: راح علي لاني وصلت متاخر وهلكان وابي انام لان عندي قومه من بدري
اليوم الثاني: رأس الرجاء الصالح، شاطئ البطاريق، وتمشيت شوي في ووتر فروت
اليوم الثالث: جبل الطاولة، ووتر فروت اللي فيها "معرض أسماك المحيطين" و "سفينه القراصنه -بس راحت علي لاني تاخرت على اخر جوله لهم-"
1- 22
اليوم اللي بعده تحركت الصباح على وايلدرنس ومريت على رأس الأقواس "ملتقى المحيطين" كمعلم وحبيت اشوفه
سكنت في Xanadu Villas
وهذي احداثياته
  • 33.996057,22.590525

كمان مكان نظيف وملاك الفيلا مرره ودودين
المكان كانه فيلا ومأجر الغرف.. بس خطير موقعه وقريب منه مول اهم شي فيه مطعم "اوشن باسكت" لاني اكلت منه في كيب تاون وحبيته.. وان شاءالله راح تحبه كثير
3-985307,22.504088
عشر دقائق بالكثير وانت عنده.. بس انتبه ساهر ههه صادني على سرعه 80 والمفروض امشي 60 ^^
من هالمكان رحت كهوف التانغو وحديقه حيوانات قريبه من الكهوف.. ان حبيت اعطيتك احداثياتهم
3رحت للسفاري
  • 33.934107,23.343228

سكنت فيه يوم ومنها جوله في السفاري.. كان مرره جمييل
4رجعت لنفس الفيلا Xanadu Villas لانها قريبه من مطار جورج كمان
ولكن قبل ما اوصل لها مريت على محمية القطط البرية ومحمية الفيلة
5- 27
سلمت السيارة في مطار جورج وسافرت لجوهانسبرغ واخذت سياره وسكنت في St Andrews
  • 26.164547,28.128696

موقعه جميل لانه هادي وقريب منه مول -علشان المطاعم- وكمان المطار وهذا اهم شي عندي بصراحه
انا بصراحه تحسفت على 3 ايام في جوهانسبرغ كان المفروض بوجهة نظري خليتها في 2 كيب تاون، 1 ووايلدرنس
على فكرة
بالنسبة للفنادق قارن بين موقع بوكنق وموقع الفندق نفسه
اما بالنسبه للسياره افضل شي الموقع اللي حطيت رابطه فوق
لا تنسى تاخذ معاك جهاز للخرائط.. وعني انا استخدمت خرائط الايفون وبرنامج "اي قو" في الايباد
"اشتراك تجوال انترنت مفتوح في موبايلي وشريت برنامج اي قو -برنامج اي قوم يشتغل بدون شريحه-"
والهدف اني ما اتوهق مع الشبكه او مع الغيوم ههه وصارت معي بس الحمدلله مشت الامور تمام
ويارب فدتك وراح تستفيد من تقرير ابو العصافير وباقي التقارير
موفق في رحلتك

-' + '->ابلغ عن اساءه
-' + '->ابلغ عن اساءه

الاخ الفاضل hasanksa
ياخي لو تقدر تفيدنا وتفيد الاعضاء بتقرير بسيط وجميل
مثل ما انت كاتب بس يكون اكثر ترتيب مع اضافة التفاصيل
واذا امكن صور ..
واكون لك شاكر


خصم يصل إلى 25%