al jory
15-11-2022 - 07:07 am
السلام عليكم ورحمه الله وبركاته
اخواني ابغى منكم مساعدتي في اختيار وجهتي السياحيه لاني الحين جدا محتاره وملخبطه بين دولتين اللي هم ماليزيا وتركيا
انا بصراحه ودي بماليزيا وقريت عنها كثير تقارير وسألت في بوابه ماليزيا وما قصر اخوي وافي وجاوب على استفساراتي وصرت تقريبا اعرف عنها اللي محتاجته
بس زوجي طلع لي الحين بتركيا وده فيها وينتظر ردي النهائي رغم اني ما اعرف شي نهائي عنها ولا قد قريت الا اشياء بسيطه جدا عن تركيا
ابيكم تقولون لي اي افضل من كل النواحي ياريت الاجواء و تنوع الاماكن السياحيه والاسعار والامان
وكل دوله منهم كم يوم يكفيها
وكل شي تعرفوه علما بان السفر ان شاء الله في شهر سبتمبر والميزانيه تقريبافي حدود 22الف شامله التذاكر شخصين فقط
وشاكره لكم تعبكم وجزاكم الله خير الجزاء
الفنادق في تركيا غاليه وتغث القلب بالصراحه..مافيها شي راقي وسعره مناسب..
بينما بماليزيا اغلب فنادقهم مستواها ممتاز واسعارها جدا مناسبه..
والاهم..ماليزيا افضل بواجد من ناحية اهلها.. طيبين بالحقيقه ..
تركيا ماارتحنا ابدا لاهلها (خصوصا اسطنبول) مافيهم لطف ابدا.. وكثير واجهنا تهكم وسخريه
يعني خصوصا اذا انتي منقبه ماراح تكون مريحه
وهذا كلامي من واقع تجربه يمكن يجي احد بعدي يخالفني ويعصب.. بس والله ماقلت الا اللي شفت وعانيت منه شخصيا هناك..
وحتى قريبتي عانت من نفس الموضوع..