1. ابو سريع ( وربنا يستر)

اللهم صلي عالحبيب النبي المصطفى
سيدي وسيد الناس كلها
ابو الزهراء
وال بيته الطيبين الطاهرين
والصحب الكرام
اخوة الاسلام والايمان والعقيدة
نلتقي في هذا المنتدى العملاق الّي
اضحى الأول في عالم السياحة العربية
ولكل عضو الفخر بهذا الانتساب
الكل يتابع اكثر من منتدى
ويلاحظ كمية اللطش الرهيبة
copy طبعا من هنا
و paste طبعا هناك
وعلى فكرة فيه ناس من مواقع اخرى
بتغري بعض الأعضاء للانتقال اليها
((يعني اسيب المسافرون العرب واروح اتلطش هناك .. ودا معقول برضو ؟؟))
((لما تشوفوا حلمت ودانكم يبقى الباشا يغير)) معلش برضو
معلش كلام مشفر للغرب
المهم ربنا يصلح الحال
اليوم حنتوجه من اسكندرية الى قاهرة المعتدين
ازاي ؟؟
بالقطر
درجة تانية اسباني مكيف 40 جنيه
وللأسف كانت نصيحة من احد الأصدقاء
اصلي مابحبش التكييف العالي وقفلة الابواب
نتوجه الآن الى محطة الرمل للصعود الى القطر
وأتمنى بجد الاستمتاع
يالله مع الباشا وصاحبه الصايع جدا
بسم الله نبدأ المشوار
معلش اصل الي حيصور الأخ في الله

ابو سريع ( وربنا يستر)

طبعا بصور من جواة القطر . للي عاوز يسافر مش لازم حجز مسبق كل الي تعمله تروح لمحطة سيدي جابر وتختار الأولى - التانية - العادي الأولى والتانية مكيفة والعادية مفهاش تكييف احلى وأحلى وياريتني طلعت فيها اصل العادية ( القشاش) بيوقف خمس دقايق في كل محطة في الخط دمنهور -طنطا - بنها - قها
متعة لا تضاهيها متعة لما حضرتك تطلع القشاش حتستمتع متعة خيالية منها امكانية الوقوف عالباب والتصوير لو نفسك( طبعا انتا لك كرسي )
الهواء الصحي والجميل سوف يداعب شعرك المسبسب
امكانية الخروج في كل محطة سريعا والعودة ( شغل اونطه)
الاحتكاك اكثر بالناس ( ودي حاجة مش بسيطة)
حتعدي على كفر الزيات وبركة السبع والتوفيقية
وادي صورة القطر من جوا بس للأسف ممل ربنا يهديك يابو عبدالرحمن ونصايحك ودا شكل قطر ؟
مافيش احلى من القشاش والجو العائلي الي تعيشه مش حتنسى الرحلة ابدا فعلا
أول الخروج من اسكندرية
الله الله
معلش دا انعكاس نور الشمس والراقل نفسه يصور
شجر الموز يسار الصورة
معلش سامحونا اصل شباك القطر مش ولا بد مع اني كنت باحاول مايطلعش اي مشاكل في التصوير بس انتو عارفين الحركة والصوت داخل القطر
انتو عيشوا الجو معانا صورة صورة
طبعا في مصر فيه نوعين من القباب قباب من العهد المملوكي وقباب من العهد الايوبي
قفسمت المساجد والمدافن تاريخيا على حسب شكل القبة ولو عاوز تتأكد روح من طريق صلاح سالم تتعدى الأزهر على اليسار .يمينك المدافن القباب نوعين واضحين
لا برضو ييجي منه نوعا ما
ودا برضو الطريق الزراعي اسكندرية - القاهرة
طبيعة ساحرة هواء نقي
شجر الموز
بصوا عالبيت البسيط وسط الجمال دا شاري دماغه
بصوا السكن في البيت دا شمس ونور ونيل وفدادين زراعة مش حياة الشقق والخنقة