الحلم الوردي3
06-12-2022 - 12:02 pm
السلام عليكم ورحمه الله رد مني لهذا المنتدى الاكثر من رائع حبيت اشارك بشي للفائده رد لبعض من الجميل لهذا المنتدى الذي هو بمثابه مرجع لكل مسافر عربي عامه وخليجي خاصه
طبعا كلنا نخطط قبل السفر بمده ونضع برامج بس ممكن الجو يخرب المخطط لاني مره كنت في دزني ونزل مطر شديد واضطرينا اننا نجلس في احد المطاعم الى ان يتوقف المطر
طبعا اكيد بتقولون نستخدم مظله صح بس بقولكم المظله صعبه الاستخدام للاطفال وماتحمي الا الجزء العلوي من الجسم بس ولا تقدر تجلس تحت المطر على اي كرسي لانها مبلوله
طيب وش الحل ....كان في دزني يبيعون بالطو بلاستيك له قبع يحمي من المطر
طيب حلو وش المشكله .....المشكله ان سعره كان غالي مااذكر كم كان بالظبط وخاصه للي بيشتري اكثر من واحد صح انا اليوم جبت لكم اسم محل في الرياض يبيع بالطو المطر عنده اكثر من شكل ولون للكبار والصغار والمفاجاه هي انه يبيعه ب 7 ريال بس
بقولكم اسم المحل ووينه فيه بس تكفون طلبتكم تدعون لي ان الله يحقق الي في بالي
اسم المحل دايسو وهو مخصص لبيع المنتجات اليابانيه ومكانه في العثيم مول الي على طريق خريص والمحل موجود في الدور الاول بعد سيتي ماكس
