بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



Ibn-Almidan-Abarr Ibn-Almidan-Abarr
إشتئتلك يا شااااااام !!!
18-12-2014 - 05:06 am

السلام عليكم ورحمة الله وبركاته
اخواني الاعزاء

بتمنى أنكم تئبلوني بالقسم معكم... انا إبن الميدان البار

أنا موضوعي هو أني إشتئت لسوريا والشام والميدان واعشق أرضك يا بلدي... والله يجازي يلي كان السبب.

انا ما عم احكي بالسياسة هون... لكن على ئد مو معبى ئلبي ومالي عرفان وين بدي روح بحالي.. قرررت فوت لهون وأحكي شوي.. بلكي برتاح.

انا رح حاكيكن باللهجة الشامية.. لا رح أكتب فصحى ولا غيرو... هيك أحلى.. وهية هية نحنا بقسم سوريا.

بعتذر منكم على هالموضوع ولو أنو مافي شيء مهم... لكن ريحت حالي وحكيت شوي.

وإنشالله أي شي بتحتاجو عن سوريا بشكل عام والشام ... أو بالاحرى الميدان بشكل خاص, انا عيني إلكن.

اإبن الميدان البار





المشاركات

ياسمينة ستي ياسمينة ستي
إشتئتلك يا شااااااام !!!


اهلين وسهلين وميت مرحبتي فيك اخي ابن الميدان ببوابتنا

نورك غطا ع الكهربا

طول بالك ولاتزعل ولاتنقهر كان الله بعونكم والحق معك بس مامنقول الا مابعد الضيق الا الفرج باذن الله

ازمة وتعدي باذن الله ورح ترجع الشام وسوريا احلى من الاول

لانك ابن الميدان خص نص رح قدملك باقة هالورد هدية مني ألك



اسعدنا انضمامك لنا في بوابتنا الغالية

الله يعطيك العافية


Ibn-Almidan-Abarr Ibn-Almidan-Abarr
إشتئتلك يا شااااااام !!!


المشاركة الأصلية كتبت بواسطة ياسمينة ستي
اهلين وسهلين وميت مرحبتي فيك اخي ابن الميدان ببوابتنا

نورك غطا ع الكهربا

طول بالك ولاتزعل ولاتنقهر كان الله بعونكم والحق معك بس مامنقول الا مابعد الضيق الا الفرج باذن الله

ازمة وتعدي باذن الله ورح ترجع الشام وسوريا احلى من الاول

لانك ابن الميدان خص نص رح قدملك باقة هالورد هدية مني ألك



اسعدنا انضمامك لنا في بوابتنا الغالية

الله يعطيك العافية
جبرتي بخاطري الله يجبر بخاطرك.... بس شو نفع الورد إذا الجنينة عم يهرو ورداتها كل يوم؟؟؟ الله يحتسب كل مين سقا بلادنا من دمو شهيد مع الشهداء.... يااااااااااارب.

شكرا مرة تانية

ملاحظة*: نورك طفا الكهربا.. مو غطا الكهربا :))


nanaabuabed nanaabuabed
إشتئتلك يا شااااااام !!!


نحنا كمان اشتئنا للشام والميدان ..
ربي يهدي البال والاحوال ويبدل احزانكم إلى افراح انه سميع مجيب
ابن الميدان البار اهلا وسهلا وحياك الله معانا ...


ابن سينا ابن سينا
إشتئتلك يا شااااااام !!!


حبيب البي ابن الميدان الشام كلياتا واحشتنا كتير والناس والشجر وكل قطعة في الشام إلها شوق والأمل بالله كبير وترجع ايام زمان الحلوه واهلا وسهلا بيك في البوابة ((يارب عن اريب )) .....نتكلم اي لهجة لعيونك ياابن الميدان


Ibn-Almidan-Abarr Ibn-Almidan-Abarr
إشتئتلك يا شااااااام !!!


طيب شباب وصبايا.. انا حابب حس حالي بحارتي... مين حابب يناقشني باللهجة الشامية لنشوف؟!؟!؟!؟! انا ميداني ... بس بصراحة من الجيل الجديد يلي ما بيفهم على جدو كتير منيح.... بس حلوة حاول شوي.. خلونا نشوف شو ممكن عمل... وبرد بئلكن ياها مرة تانية, انا هون لحتى نرددلكن على اي سؤال بيخص الشام والميدان حصرا... وما أدراكم ما الميدان !!!!! لك بعشئ ترابك يا ميدان انا !!


Ibn-Almidan-Abarr Ibn-Almidan-Abarr
إشتئتلك يا شااااااام !!!


المشاركة الأصلية كتبت بواسطة ابن سينا
حبيب البي ابن الميدان الشام كلياتا واحشتنا كتير والناس والشجر وكل قطعة في الشام إلها شوق والأمل بالله كبير وترجع ايام زمان الحلوه واهلا وسهلا بيك في البوابة ((يارب عن اريب )) .....نتكلم اي لهجة لعيونك ياابن الميدان
معلمنا إبن سينا وعلى راسي حارتك كمان..... مو طولة بإذن رب العالمين.. الله عالظالم... الله معنا بإذن رب العالمين... ورح نرجع كمان وأعزمكن لعنا على شي أكلة من تحت ديات الوالدة الله يخليلي ياها ويفظها من كل شر يا رب


Ibn-Almidan-Abarr Ibn-Almidan-Abarr
إشتئتلك يا شااااااام !!!


انا رح ساويلكن هلئ رحلة سريعة بس بدون صور للعجلة:

اول شي بناخدكن من هالمطار يلي مالنا غيرو والله ساترنا فيه ونطلع لعنا عالميدان
طبعا بالطريق بنمرئ بنسلم على أبو شاهر حبيب ئلبي بالغزلانية (( ميداني الاصل)) وبناخدو معنا.

تاني شي بنروح لبيت ستي وجدي (( لأنو بيت عربي وبيوسع أكتر بصراحة)) وبتتعرفو عالعيلة الكريمة

بعدها الغدا رح بيكون جاهز وهو (( كبة مقلية ومشوية ونية, شوربة عدس, فتوش وتبولة, يالنجي من تحت إيدين خالتي, ومحاشي من تحت إيدين أمي "الله يحفظها", طبعا لا غنى عن الشاكرية الخيالية والمقلوبة يلي مالها حلة ")) هيك بيكفي اليوم. يمكن الوالدة يطلع معها شي تاني.

بعدها بيكون صار المغرب وغابت الشمس بنعد بارض هالديار وبنشربلنا كاسة شاي إكرك عجم مع ريحة الياسمينة يلي ما بتروح من بالي وياما آكل أتلة لأني بقطف منها.

بعدها بنطلع بنتمشى شوي بالجزماتية وبدوئكن اطيب حلويات بالعالم ما رح أذكر أسماء خليها مفاجأة :))

بعدين بنعد بئهوة التراث ونفس اركيلة على كيف كيفكم.

بعدين بنرجع بنام عالاسطوح لأنو أرطب :))))

هي اول يوم... بكرة بكملكم اليوم التاني :)))

آسف لو طولت عليكن, بس أفكار عم تطلع براسي وعم أكتبها, احسن ما تبقى جواتي ومالها شغل.


ابن سينا ابن سينا
إشتئتلك يا شااااااام !!!


الله عليك يااخي الغالي ياابن الميدان تسلم اياديك على ابداعاتك وفعلاً حركت البوابة بعد هالركود ويارب تُفرج عن قريب ونجي نسوي هالبرنامج اللي انت عامله بحذافيره ونختمها بنفس الأرجيلة على خير .
على فكره!!! انا متشوق لليوم الثاني اذا كان هذا اليوم الأول فكيف بيكون الثاني ..... تسلم لي ياغالي ويسلموا غواليك. ( اليوم كلمتك بلهجتي السعودية)


الشام العدية الشام العدية
إشتئتلك يا شااااااام !!!


الله يعجل لكم بالنصر القريب العاجل حتى ترجع لبلدكم وتعمروها من جديد وتنظفوها من وسخ الماضي



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25% خصم يصل إلى 25%

Share

إشتئتلك يا شااااااام !!!