الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مشاري الهديب
07-12-2022 - 11:03 pm
السلام عليكم
لو سمحتوا ياشباب زي مانتوا عارفين عندنا بالسعودية نادر اماكن تناسب عرسان او بالأصح سياحه
وبغيت منكم مساعده في هذه القضيه وانا ان شاء الله ناوي اروح الجنوب في اصل برنامجي فياليت تعطونا برنامج جيد من القصيم إلى الجنوب إلى مكه إلى الرياض لمدة 10 ايام
ولكم مني جزيل الشكر...
وابي اول المدن اللي امرها في بداية الجنوب واخر الجنوب وكم المسافات
علماْ اني فاشل في الجغرافيا


التعليقات (8)
عاشق الخالد
عاشق الخالد
وعليكم السلام
حياك الله أخوي مشاري وعسى الله يبارلك زواجك وييسر أمورك وبالبركة مقدما
ماحددت لنا التاريخ ياغالي عشان نساعدك أكثر
عموما تفضل هالموضوع فيه شرح وافي للطريق وكيفية الوصول لأبها مع المسافات .
https://artravelers.com/p/re/590444
اقتراحاتي :
ليلة في الرياض - ليلة في وداي الدواسر للراحة - الوصول لأبها وحجز أحد الفنادق الفاخرة مثل قصر أبها - الانتر - ميركيور - أو أجنحة بودل وفيها قسم خاص للعرسان .
خذ لك في أبها أربعة أيام مابين المنتزهات والمولات والمطاعم - ثم طريق الساحل إلى مكة ثم إلى الرياض .
هذا باختصار فكرة مختصرة وإذا حبيت تفاصيل أكثر عن الجنوب ابشر .

عبدالله700
عبدالله700
الف مبروك مقدماً .. أخوي مشاري
شغل السياحة الداخلية بسيطة جداً .. لا تشيل هم .. والمشرف ما قصر ..

مشاري الهديب
مشاري الهديب
اخوي عاشق الخالد
اشكرك ع تقديرك وردك ع موضوعي لكن ابي رأيك ورأي الاخوان الاعضاء هل النماص والباحه تغني عن ابها يعني هل فيه اماكن حلوه لأني ماادل في الجنوب ولا عمري رحت هناك علماً وابها سمعت انها بعيده وانا من الشرقيه والقصيم وكيف تنصحني من القصيم ع الجنوب ثم بالرجوع عمره ثم الى الشرقيه و اجازتي بشهر شعبان لا اخفيك اني لم اتعدى الرياض جنوباً قط ههه الا عمره مع الاهل وارجع للقصيم*

عاشق الخالد
عاشق الخالد
مشاري الهديب
حياك الله أخوي مشاري
يارجال مافيه شي يدعو للقلق والأمور سهالة بإذن الله ، المسافة بعيدة طبعا وبإمكانك السفر عبر الطاىرة وإذا انت راعي سفر بر ماعندك مشكلة خذها ع شكل محطات ، النماص والباحة أجواءها جميلة في الصيف لكن لا تغنيك ع زيارة معشوقة الكل أبها البهية ومنتزهاتها .
إضافة لردي السابق : ليلة في الرياض - ليلة في وداي الدواسر للراحة - الوصول لأبها وحجز أحد الفنادق الفاخرة مثل قصر أبها - الانتر - ميركيور - أو أجنحة بودل وفيها قسم خاص للعرسان .
بعدها بإمكانك اختيار طريق الساحل وصولا إلى مكة المكرمة ثم الرياض ، أو تنطلق بعد زيارتك لأبها عبر خط الحجاز إلى النماص ثم الباحة ثم الطائف ثم مكة لكن الطريق طويلا ومرهق في القيادة .

نبض السفر
نبض السفر
انصحك تمر على ينبع بعد حدها حلوه الاستجمام

fawaz1974
fawaz1974
يوجد في ينبع فندق الموفنبيك علي البحر بينبع الصناعية يمكنك حجزة من booking.com
راح تنبسط الجو حلو والمنطقة هادية وتصلح للشهر العسل
والف مبروك

مشاري الهديب
مشاري الهديب
وعليكم السلام
مرحباْ نورت الموضوع يااخوان
بس مااتوقع ان ينبع تقارن في أبها وعسير بشكل عام أنا من سكان الجبيل الصناعية وينبع نفس الحكايه

عاشق الخالد
عاشق الخالد
هلا بعريسنا : )
ينبع حلوة أيام الشتاء أما الصيف فلا أبهى من أبها ولا عسير في عسير : )


خصم يصل إلى 25%