روما المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
q8ya metnaqla
16-12-2022 - 11:36 pm
  1. وهذا المنظر اللي بره من صوب الريوق


بسم الله الرحمن الرحيم
السلام عليكم ورحمه الله وبركاته
شلونكم وشخباركم يا اعضاء العرب المسافرون ان شاءالله بخير
مثل منتوا شايفين اليوم تقريرنا عن بلد التاريخ والفن والحضاره انها روما
وصج لا قالوا كل الطرق تؤدي الى روما
ابتدي معاكم رحلتنا الخفيفه والسريعه الى بلد الطليان ،،
المسافرين 3 من المجندات بدايه الرحله اسبوع في بلد الضباب واسبوع في بلد الطليان ..
كانت الرحله الى روما من تاريخ 01/01/2012
الناقل الرسمي لنا الطيران البريطاني

التذكره كان سعرها 196 دينار كويتي للشخص ( كويت - لندن - روما- لندن - كويت )
السكن كان من نصيب فندق
Rome Marriott Grand Hotel Flora
على شارع فنيتو Via Vittorio Veneto

وهذا اللوبي والاستقبال

وهذا السويت ( ماعليه عفسناه اول مادشينا بعد تدرون مجندات

وهذا الكبت ( الخزانه )

واهني الحمام عزكم الله

المنظر اللي نطل عليه

وهذا الممر

الريوق كان في السطح (الرووف) وايد حلو والمنظر احلى وفيه قعدات بره بس ما كان في احد قاعد من البرد الكل داخل..

وهذا المنظر اللي بره من صوب الريوق


وجذي خلصنا من الفندق اول يوم وصلنا متأخر ريحنا وبالليل طلعنا تمشينا في شارعنا فينتو وهذيل بعض الصور عنه وفيه كافيهات ومطاعم قعدنا في كافيه وردينا الفندق وساحه باربريني pizza barberini كانت يمنا ونروح لها مشي والسفاره الامريكيه تقريبا كل شي يمنا ونقدر نروح له مشي ..
وهذا اهو الشارع واغلبيته فنادق

الساحه

واهني انتهي معاكم لليوم الاول في بلد الطليان ..
والقاكم ان شاء الله في يوم ثاني من هذي الرحله


رحلتي الى ايطاليا
التعليقات (9)
ابو طلال*
ابو طلال*
مشرفنا الغالى
تقرير باين علية شي يحمس وبصراحة
من فترة واحنا نبي تقرير يحرك مشاعرنا للسفر لروما
بداية رائعة واختيار موفق اشوفة من ناحية الفندق
وعشت الجو معاك ببداية قمة بالروعة والتصوير
واصل ابداعك
وكل الطرق بتاخذنا معك لروما بهالتقرير
تقبل ودي

q8ya metnaqla
q8ya metnaqla
ابو طلال*
اي والله الحمدالله صراحه توفقنا فيه .. يابو طلال المشاعر من غير شي تشتاق لطريج روما
ان شاء الله الياي يعجبك اكثر واتخليك تروح لروما ..
وتشرفت لمرورك

زوجة ضابط
زوجة ضابط
تقريررك رائع اسلوبك مشوق ماشاءالله عليك
ننتظر التكمله
ممكن اقدراروح وتمشي اموري واللغه الانجليزيه خفيفه

q8ya metnaqla
q8ya metnaqla
زوجة ضابط
مشكوره على كلامج الطيب .. اي تمشي امورج وسهالات ان شاءالله

q8ya metnaqla
q8ya metnaqla
  1. بونسييرا شباب

  2. اليوم اكمل معاكم ثاني يوم من رحلتنا الرومانيه


بونسييرا شباب

اليوم اكمل معاكم ثاني يوم من رحلتنا الرومانيه

قعدنا الصبح وجهزنا عمرنا وتريقنا وتوكلنا على الله ندور لنا شركه اتصالات وخذينا خط بلاك بيري من شركه tim اعتقد 50 يورو نسيت بالضبط جم لمده شهر .. وبعدها خذينا الباص تور لمده يومين كل شخص 28 يورور بس احنا مااستخدمناه الا يوم ..
الباص يلف فيكم اهم المعالم والشوارع في روما ومنها :
1- ساحه فينيسا والنصب التذكاري pizza venezia
2- المدرج الروماني colosseo
3- ساحه الرسامين piazza navona
4- قلعه سانت انجلو castel s.angelo
5- الفاتيكان في ساحه سانت بيترو pizza s.pietro
6- شارع نازيونالي و دل كورسو via nazionale & via del corso
7- الدرجات الاسبانيه spanish steps - spagna وهناك في سكيك وشوارع كلها ماركات عالميه .
8- نافوره تريفي fontana di trevi
9- ساحه باربريني piazza barberini
10- كنيسه سانتا ماريا s.maria maggiore
11- محطة القطار الرئيسيه في روما واسمها تيرمني وساحه الجمهوريه pizza della repubblica & stazione centrale roma termini
تقريبا هذيل اهم الاماكن اللي يمر عليهم الباص
وهذيل بعض الصور من يومنا الثاني في روما ..
النصب التذكاري وساحه فينيسا مقابله للنصب التذكاري

المدرج الروماني

ساحه الرسامين

قلعه سانت انجلو

الفاتيكان وساحه بيترو

شارع نازيونالي ودل كورسو

الدرجات الاسبانيه

كل النوافير صالحه للشرب

المكان اللي عليه سهم هذا الشارع اللي فيه اغلب الماركات

نافوره تريفي ( بصراحه توقعتها في مكان غير هالمكان واكبر من هالحجم المكان كان وايد صغير وزحمه حيل ولافيها كافيهات مجبالينها كل المطاعم والكافيهات بالسكيك ) بس هم حلوه ..

ساحه باربريني

كنيسه سانتا ماريا

ساحه الجمهوريه

محطة تيرمني روما

وينتهي يومنا الثاني في بلد العشاق

خلصت الاسامي!
خلصت الاسامي!
شكرا على التقرير الممتع
و لا تتأخرين علينا بالباقي

q8ya metnaqla
q8ya metnaqla
العفو ان شاءالله الخير ياي بالطريج

q8ya metnaqla
q8ya metnaqla
  1. منو يبي يم يم


مساكم الله بالخير
اكمل معاكم اليوم الثالث في بلد الطليان ومع المجندات ووين راحوا ؟؟؟
كنا متفقين من امس بالليل وين راح نروح ورسينا على بر الحمدالله وتم الحجز والموعد لرحلتنا اليوم ..
الحجز كانت تكلفته 60 يورو لل 3 مجندات يعني كل وحده 20 يورو
الوقت المحدد الساعه 9 الصبح والرجوع الساعه 2 الظهر ..
قعدنا الصبح وعينا من الله خير ورحنا تريقنا

بعدها وصلت السياره بالوقت 9 احنا ماشين من الفندق ومرينا على فندقيين يبعدون عنا تقريبا 3 - 4 دقايق كمل القروب اللي معانا في السياره والاتجاه الى

castel roman designer outlet

وصارت الساعه 2 خلصوا المجندات ورحنا سيارتنا ننطر القروب اللي معانا

رجعنا الفندق على 3 صلينا ولبسنا عدل لان البرد زاد اشوي ورحنا لمكان واايد حلو ومشهوور

بيزا نافونا ساحه الرسامين piazza navona

كلها عروض وكشكات بيع العاب واكل واكسسورات والخ والرسامين اشوي اللي شفتهم وحوالين الساحه مطاعم ..

منو يبي يم يم


وبعد ما افترينا وخلصنا من الساحه كنا راح ناكل بعض وعلى اي مطعم جدامنا من المطاعم اللي على الساحه وتعشينا سامحوني ماصورت الرحله هذي صور الاكل اشوي لاني وقتها اكون يوعانه ومالي مزاج اصور كانت الطلبات (رافيلو - خبز بالثوم - بيتزا - باستا - روزيتو- 1 كولا و 2 سبرايت و جيلاتو 3 اللي اهو ايس كريم ) تقريبا 50 يورو واخذنا تاكسي ردينا الفندق ليوم يديد في بلاد الطليان وتقريبا تكلفه التاكسي 10 او 11 يورو ..
اتمنى يعجبكم اليوم هذا في بلد الفن والتاريخ روما

cenuor
cenuor
اه على روما وايامها احلى بلد انسى فيه اشياء كثيره : )


خصم يصل إلى 25%