- المهم ..
السلام عليكم ورحمة الله وبركاته ...
أول شي كل الشكر والتقدير لمنتدى المسافرون العرب و ل aboaziz خصيصاً ..
المهم ..
كنت مقبل على زواج وجالس أرتب أمور الزواج و في نفس الوقت قلت أبي شهر عسل من أحلى ما يكوون و كنت ضايع بين ترتيبات الزواج والسفر ...
الين جاء اليوم اللي فرجت من الله يوم قابلت واحد من زملاء الدراسة شغال في مكتب سفر و سياحة .. وفتحت معه الموضوع وقال لي ما عليك ,, ومن بعدها عزمت عالسفر .. لكن المشكلة وين أروح ,, أنا ان خرجت عن جدة أضيع ..!
المهم سددت القسايم و رفعت من ميزانية البلد سددت 9700 ريال ..
وطلعت جواز السفر و طلعت فيزا ب 1450 ريال لي و لزوجتي ... يعني 725 ريال للواحد ..
الحين باقي تخطيط الرحلة و ما بقي عالزواج غير 3 شهور التذاكر حجزتها من قبل الزواج ب7 شهور على الخطوط الجوية السعودية , وكانت (جدة_ باريس , جنيف _جدة)
وحددتها ب 14 يوم موعد رحلتي السبت 22 اكتوبر الساعة 1 الصباح , والعودة كانت من جنيف يوم 4 نوفمبر يوم الجمعة ( يوم عرفة ) يعني أكسب العيد عند أهلي ..
قبل الزواج ب شهرين قررت أن الرحلة تكون 4 أيام باريس و 5 انترلاكن و 2 آنسي و 2 جنيف
طبعاً اختيار آنسي جا عشوائي مني شفت يمكن 3 صور لانسي وقلت يا ولد اختارها أهم شي أفتك من القلق اللي انا فيه ...
تزوجت على بركة الله و من القاعة على فندق الهيلتون أخذت لي يومين فيه و يوم الجمعة طلعت من الفندق و ودعت الاهل و أخذت أغراضي ( طبعاً ملابس و كاميرا سوني مدري من فين طقيتها و شوية اندومي على معلبات و بسم الله )
رحت المطار و الامور تيسرت وانتهيت من كافة الامور قبل موعد الرحلة ب ساعتين ... قضيتها في الكوفي ..
و حان موعد الرحلة طلعت الطيارة واقلعت الرحلة ..
ملاحظة الى الآن ولا صورة .. لاني فقدت صور كثيرة من الكاميرا ولكن الخير في الموجود
وصلت باريس و كانت درجة الحرارة 3 و زوجتي بدأت تتجمد من البرد ... أعطيتها جيكيتي لان جيكيتها كان في الشنط ...
ما كنت عارف وين أروح انتظرت الناس تنزل و وراآهم طبعاً الجوازات عندهم أعطاني تحذير لازم الحرمة تكشف وجهها ولا مخالفة .. قلت طيب ..
كاسرت التاكسي كان بيوديني ب 55 يورو من المطار الى الشانزليزيه , لكن قلت تبطي يالفرنسي والله , ماعاش من يضحك علي . 50 يورو و بسم الله . وصلت Hotel Elysees8 الساعة 6 الفجر و كنت شايل هم الفرنسين يطردوني ويقولون لي تعال عالتشيك إن الساعة 2 والله الرجال كان جداً ودود و عطاني المفتاح و ماصدقت أطلع أرتاح شوي وارتب أغراضي الى قلت خلينا ننزل نفطر و ناخذ لفة نستكشف المكان .
هذي صورة للفندق من النت طبعاً
وهذي صور الجولة الاستكشافية
هذا ماركت قدام الفندق على طول
وهذي حديقة قريبة من الفندق .. بين الشانز والاوبرا
أخليكم مع الصور
