- هذة اول مشاركة لي في هذا المنتدى الرائع الذي استفدت منه كثيراا ..
- نستعرض الصور
- وكانت محطة المترو مزحومة موت .. لكن الامور مشت بسلاسلة
بسم الله الرحمن الرحيم
هذة اول مشاركة لي في هذا المنتدى الرائع الذي استفدت منه كثيراا ..
كنت اود طرح تفاصيل هذة الرحلة في وقت سابق .. لكن كان عندي عدة مشاغل و ما امداني .. و على قولة المثل .. ان تصل متأخرا خير من ان لا تصل ..
كنت احلم بمشاهدة مباراه كالكلاسيكو الاسباني العريق في ارض الحدث مباشرة .. من اجل الترويح عن النفس و تعلم ثقافة الاخر و الوناسة .. بداية كانت مجرد فكرة متبادلة بيني و بين اثنين من اعز اصدقائي لحضور مباراة الكلاسيكو بين الريال و البرشا في مدريد ( السانتياغو برنابيو ) .. و للمعلومية انا لست مدريدي او برشلوني .. انا ارسنالي متعصب .. لكن ذهبت للمتعه و الاستمتاع بأفضل فريقي كرة حاليا .. اما الاثنين اللي معايا فهم متعصبين لمدريد بشكل لا يصدق .. عموما دارت الفكرة بأذهاننا و قدمنا على احد المكاتب السياحية في الرياض لإستخراج الفيزا الاوربية .. و حجزنا تذاكر السفر و ايضا تذاكر الملعب عبر الانترنت و الفندق كذلك .. الان استعرض معكم تكاليف و تفاصيل الرحلة
1- استخراج الفيزا عبر مكتب سياحي بقيمة 800 ريال للفيزا الوحدة
2- حجز تذاكر السفر الى مدريد عبر الخطوط المصرية و كان خط السير كالتالي ( الرياض-القاهرة-مدريد) ذهاب و عودة .. الشخص 1650 ريال
3- حجز تذاكر مباراة الكلاسيكو (ريال مدريد-برشلونة) عبر موقع تيكيت سباين ( حيث يقوم الموقع بتوصيل التذاكر لباب الفندق تبعك) ب 1900 ريال للمقعد الواحد. في مدرجات ال cat3. بملعب السانتياجو
4-حجز الفندق عن طريق موقع بوكنغ و هو فندق pension lemus >>gran via street وكانت تكلفه الليلة فية 300 ريال ( غرفة واحدة ل 3 اشخاص) طبعا هو يعتبر نزل اكثر مما انه فندق لكن اخترناه عشان موقعه اللميز اللي ما خيب الظن.
تاريخ السفرة 8 ديسمبر 2011
العودة 11 ديسمبر 2011
تاريخ المباراة 10 ديسمبر 2011
نستعرض الصور
وصلنا مدريد الساعه 3 ظهرا .. خلصنا امور الجوازات و استقلينا المترو الى شارع ال garn via >> حيث كان فندقنا هناك .. والحمد لله وصلنا الفندق و شيكنا على الحجز و تمت الامور بسلالسه .. حطينا شنطنا و ارتحنا كم ساعه ثم بالليل نزلنا نتجول و نستطلع و كانت المدينة مكتضة بالزاور و اعلام مدريد و برشلونة بكل مكان
مبنى المتروبلوس الشهيرر
اكيد عرفتوهاا .. ساحه احتفال الملكي بالبطولات
واحنا نتجول .. لقينا الماركا كافي .. و زيدان و الشلة متصورين فية .. و صراحه مقهى خورافي
بعدها رجعنا غرفتنا و نمنا لين الصباح (يوم الجمعه) وهذي شرفة الغرفة و الغرفة المتواضعه
الفندق من الخارج
ومع ساعات الصباح الاولى وفي الاجواء الباردة كان فية مقهى مقابل الفندق .. طلبنا منه هوت شوكلت خطير مع قراءة لصحيفة الاس
تقريبا الساعه 10 الصباح توجهنا الى ملعب السانتياجو برنابيو بالمتروو و سوينا جولة سياحية فية .. ب 80 ريال للشخص و استمتعنا مرة و ايضا دخلنا المتجر الرسمي للنادي و اشترينا فانيلات و كذا
http://dl.dropbox.com/u/15739093/New%20folder%20%288%29/DSC_1050.JPG
انتهينا الجولة تقريبا قرب المغرب ورجعنا الفندق و تمشينا في منطقة الفندق و تعشينا مكرونة من مطعم ايطالي
نمنا من الساعه 12 ليلا لحد الصباح الباكر الساعه9 .. عشان نتجهز للمباراه .. و وصلتنا التذاكر من الشركة و سلموها لأستقبال الفندق و اخذناها و طلعنا نفطر و نتمشى .. و اخذنا city toure >> تقريبا ب 100 ريال للشخص و كاانت مررة حلووة .ز يوديك كل معاالم مدرريد الحالمة .. ميزة الباص انه فية سماعات لكل شخص يوزعونها اول ما تدخل الباص و تختار اللغه العربية و هو يقدم لك شرح سماعي عبر السماعات لكل معلم يمر فيك .. و يمديك تنزل بأي محطة و ترجع تركب مرة ثانيه بباص اخر .. اجمالي المحطات 32 محطة تقريبا
انهينا جولتنا الرائعه تقريبا الساعه 3 عصرا .. رجعنا الفندق و قمنا نتجهز للمباراه .. و خرجنا مع المغرب عبر المترو والى السانتياجو برنابيوو لحضوور المبارااه
وكانت محطة المترو مزحومة موت .. لكن الامور مشت بسلاسلة
بعد المباراه.. خرجنا من الملعب و الاثنين اللي معايا مقهوورين من الهزيمة 3-1 .. اما بالنسبة لي فكان الامر عادي .. مع اني كان ودي يفوز مدريد عشان يفرحون اصحابي .. رجعنا الفندق و نمنا لين الساعه 12 ظهرا بعدها توجهنا المطار و ودعنا مدرريد
دمتم بود و حب
ملاحظة : لي عضوية بمنتدى الرياضة للابد بأسم beelloo ونزلت الموضوع هنا .. حتى يستفيد منه الجميع.
ذكرتنا بأجمل الذكريات بمدريد ..
تصوير روعه وتقرير اروع ولو انه مختصر ..
وهاردلك على الخساره .. مع انا مفروض مانقولها لكم لأنكم متعودين
بسألك .. ايش اسم الفندق اللي سكنتوا فيه .. وبكم استأجرتوه؟
ايضاً .. ايش رأيك بالأجواء في مدريد قبل المباراه؟
والحمد لله على سلآمتكم ..