1. تكاليف الرحلة:


2. فيزا 1600ريال


3. جوازات 300ريال

السلام عليكم ورحمة الله وبركاته
بداية اشكر كل من ساعدني على هذه الرحله والتي كانت ولله الحمد ناجحة بفضل الله ثم هذا المنتدى الرائع
ولا يسعني إلا أن أدعو الله تعالى ان يجعل كل ماخطته أقلامكم في موازين حسناتكم وان يوفقكم في الدنيا والاخره.
ولأني استفدت من كل معلومة أخذتها من تقاريركم كتبت كل شي حصل معنا في السفر حتى يستفيد من سيسافر أول مره
وأتمنى من كل قلبي أن لا أزعج القارئ بكثرة التفاصيل .
وياليت قبل قراءة تقريري فتح موضوع (عدنا من السفر ) الموجود في توقيعي.
بصراحة لا اذكر بالضبط كيف اخترنا النمسا لكني من ثلاث سنوات تقريبا وانا افرفر بين مواقع السفر واكتشفت هذا الموقع الرائع و انبهرت بتقارير الأعضاء عنها حطيت عيني عليها ونويت نروح إذا الله أراد .
كنت أظل بالساعات وأنا اتامل في الصور وأقول سبحان الله العظيم. وكان الشوق يعصر قلبي لرؤية هذه المناظر على الطبيعة وكان زوجي مستبعد تماما لما كنت اقله إن شاء الله رايحين يقلي أوروبا صعبه .
ماقبل السفربالفعل في صيف 2010 بدأنا البحث عن مكاتب السفر للحجز وعملونا جدول الرحلة وبدينا بالتجهيز لكن ظروف عمل زوجي لم تسمح لنا واجلنا الرحلة وكل تأخيره فيها خيره كانت فرصه اكبر للتجهيز والترتيب وتجميع الفلوس ههه واعتمدنا بعد كذا على نفسنا بلا مكتب بلاهم أسعارهم مبالغ فيها . اغراض السفرمع التكاليف :
تجهيزات السفر ب5250 ريال سعودي.ادري كثيره لكن تنفع للسفرات القادمه باذن الله
شنطتين متوسطة الحجم لي وزوجي للملابس بكفرات من النوع الممتاز عشان ماتنكسر كفراتها مع كثرة السحب وشنطه هاند باق للعلاجات والمكوى والشمسيات والتقارير المطبوعه والاحذيه أكرمكم الله وإغراض بسيطه للخياطه ضروريه خصوصا لازرار العبايات والمنظفات من ديتول وشامبو وليفه وغيرها رغم أن الفنادق توفر الصابون وبكثره .
العبايه للسيدات ضروري ماتقل عن ثلاث عبايات و اكثر أفضل لأنها تتسخ يسرعه ونصيحة مهمة تكون العبايه فوق كعب الرجل لان العبايه الطويلة المعتاده بهذله عشان المشي كثير ومعاناة رفع العبايه عشان كذا فصلي عبايه ملونه أفضل من الأسود تكون فوق الكعب أو تحت الركبه بشبر اقصر من كذا لا.
شنطة يد لزوجي تعلق عل الجنب وضع فيها الجوازات وحجوزات ا لفنادق وحجوزات القطارات والفلوس موزعه بيني وبينه والكاميرا .
بس بعدين صرنا نخلي الجوازات والحجوزات في خزنة الغرفه اطلبو الموظف يفهمكم عليها واستخدموها بكل سهوله اامن وأفضل لان الحقيبة حمل ماله داعي وممكن ينساها الشخص في مكان خصوصا الرجال فالافضل تركها في الخزنة وحمل النقود فقط.

تكاليف الرحلة:

تكاليف الرحله من تذاكر وفيزا وفنادق ومنتزهات وغذاءوتسوق =33022 ريال سعودي بدون تجهيزات السفركان بالامكان توفير 5365 ريال من هذه التكاليف اذا لم نقع في بعض الاخطاء ومنها :*- لاتدخل أي مطعم غالي المطاعم سيئه جدا بدون استثناء واقتصر في اكلك على برجر كنج او ما ك او اغراض من السوبر ماركت والافضل طبخ في الشقق . وراح اذكر المطاعم السيئه اثناء حساب المصروفات اليوميه

• - بعض المنتزهات صدمه وسحب فلوس عل الفاضي وراح اذكرها.
• - التسوق للنساء ليس له أي داعي بضاعتهم عاديه جدا وغاليه .

التكاليف مفصلة كالتالي:
رسوم بطاقة فيزا الراجحي 100 ريال مع شحنها 14000 ريال
تحويل 9600 ريال الى 1900 يورو تقريبا من باب شريف في جده.
تذاكر 7122 ريال شخصين عل الاردنيه

فيزا 1600ريال

جوازات 300ريال

موعد الرحلة:6 جولاي 2011 الموافق 5 – شعبان على لخطوط الجوية الاردنية- تم الحجز عن طريق مكتب الخطوط الاردنيه في جده - الطائرة مريحه ورائعة والخدمة ممتازه لكن مطار عمان سئ والتعامل فيه اسوأ والموظفة اللي تفتش السيدات تعاملها سئ إلى ابعد درجه ممكن تتصورونها مع الخليجيات خصوصا المنقبات والله المستعان.
خطة الرحلة:مدتها 15 يوم مقسمه كالاتي:
فيينا – (ثلاث ليال) – فندق ميركوري وين زنتروم ب 387 يورو
سالزبورغ – ( ثلاث ليال)- فندق رديسون ساس- ب 318,60 يورو
كابرون -(ست ليالي)- شتيقن برجر-985,80يورو
فيينا – (ليلتين)- ميركوري وين زنتروم ب 258 يورو
الفنادق:تم حجزها عن طريق موقع البوكينج قابله للالغاءقبل السفر باسبوع وبعضها يوم وكل ماحجزت بدري كل ماكان ارخص إحنا حجزنا قبلها باسبوعين تقريبا .
1- فندق ميركوري وين زنتروم في فيينا– رائع ونظيف وهادئ وسعره مناسب وموقع استراتيجي بناء على نصيحة الأخ فوكس الله يرضى عنه في الدنيا والاخره ويوفر لكم غلايه وسكر وشاي وقهوه مجانا وكل يوم .
2- فندق راديسون ساس في سالزبورغ - غير نظيف ميزته الوحيده إن قدامه محل غسيل الملابس (سيتي سينتر) طبعا أنا حجزت فندق رمادا الرائع والقريب جدا من محطة القطار بناء على كلام الأخ فوكس لكن لما وصلنا لهم قالولنا انه حصلت لخبطه في النظام وانهم مايقدرون يستقبلونا مافيه غرف بس طبعا حجزولنا بنفسهم في راديسون ساس بنفس السعر وقالو روحو الآن الراديسون تلاقون غرفتكم جاهزه وفعلا رحنا من غير أي مشاكل بصراحه امتصو غضبنا لأنهم عالجو الموضوع على طول .
3- فندق شتيقن برغر في كابرون نظيف جدا بس غالي على غير فايده سعره مبالغ فيه .
التنقل كان بالاندر قراوند في فيينا -والباصات في سالزبورغ وسيل ام سي وكابرون
ان شاء الله اعدل حجم الصور وانزل لكم اليوم الاول قريبا.