باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مـــ@ـــاوي
24-09-2022 - 04:26 pm
السلام عليكم ورحمة الله وبركاته
كيفكم ان شاءالله الجميع بخير وصحه وعافيه يارب ...
انا بعد اللت والعجن والتفكير العميق وين اقضي عيد زواجنا
استقريت اخيرا على فرنسا _ باريس
وبعد اربع شهور ان شاءالله راح تكون الرحله ^_^
وحبيت افاجأ زوجي بها السفره لاني ودي اسويها له مفاجأه
وبصراحه اول مره بنروح على باريس فعندي استفسارت كثيره حابه اسألكم عليها
اول شي :
الميزانيه مالازم تكون اقل من كم ؟؟؟
للمعلوميه انا من المنطقه الشرقيه و انا و زوجي بس الي راح نسافر ان شاءالله
ثاني شي :
ابي اسماء فنادق او شقق يكون سعرها معقول يعني رخيصه لانه شفت فنادق اسعارها نار صراحه وانا ميزانتي محدوده جدا
ثالث شي :
ياليت الفنادق او الشقق تكون قريبه من الشانزليزيه او من برج ايفل لانه ودي ننزل نمشي
هو بس الشقه راح نحتاجها وقت النوم يعني ماله داعي احط مبلغ وقدره في شقه بس للنوم ! لانه طول الوقت ابي اكون برا اتمشى ماارجع الا وحيلي مهدود من الفرفره
فعشان كذا ابي شقق سعرها حلو ومعقول واهم شي نظيفه
رابع شي :
ابي اماكن للتسوق واقدر اشتري منها مابي شي تكون الاسعار فيه خياليه ونار
خامس شي :
ابي جدول يضم اهم الاماكن في فرنسا _ باريس
من ديزني وشارع الشانزليزيه والبرج والمتاحف والقصور ابي اروح اتفرج وألعب وانطنط ههه
كل شي مهم ياليت تكتبونه لي لاني مااعرف شي صراحه هناك واخاف اتوهق فياليت تفيدوني بأهم الاماكن
وللمعلوميه : ترا انا ماراح اطول هناك تقريبا اربع ايام او خمس بالكثير
ياليت تختصرون لي بها الاربع الايام او الخمس اهم الاماكن الي اقدر ازورها واهم شي تكون ممتعه
اهم شي عندي ديزني لاند كم يوم يكفيني عشان افرفر فيها
ياليت تفيدوني بارك الله فيكم بكل شي من مطاعم وكوفي وكل شي مهم
انتظركم بارك الله فيكم


التعليقات (9)
فيصل
فيصل
باختصار كم ميزانيتك ومتي تاريخك بالضبط
وكم يوم ناويه

مـــ@ـــاوي
مـــ@ـــاوي
هلا اخوي فيصل
تاريخ الروحه ان شاءالله
7/25 ميلادي
والرجعه بإذن الله
7/30 ميلاديان شاءالله خمس ايامالميزانيه هي الكارثه
بصراحه ميزانتي مره محدوده 34 الف لكل شي من تذاكر ذهاب وعوده +الإقامه هناك + التمشيه + كل شي
ياليت تفيدني
واذا احتاج اكثر ياليت تفيدني بعد

فيصل
فيصل
34 الف ل 5 ايام كويسه جدا
من نظره بسيطه علي الخطوط السعوديه بتكون التذاكر 7500 وفيه ارخص منها المصريه والتركيه والاردنيه بس فيها توقف لو تزيودون يوم مو مشكله
يبقي 28 الف علي 5 ايام بيكون كل يوم 5600 سكن وغيره يعني الف يورو تقريبا وتقولين ميزانيه محدوده
ولقيت بالفين ريال علي المصريه
http://www.skyscanner.net/flights/dmm/pari/120725/120731/airfares-from-dammam-to-paris-in-july-2012.html
يعني لو تزيدين الايام تكفيكم الميزانيه ولو تبون توفرون بتكفي يا شيخه
والفنادق حسب الافضل مرتبه اربع نجوم قري بالشانز وسعرها كل ليله تقريبا اقل من الف
https://www.booking.com/hotel/fr/california-champs-elysees.ar.html?aid=1300939
طبعا فيه الافضل بس هذا الل اعرفه
تبون خمس نجوم ميزانيتكم تكفيكم
تبون تبتعدون عن الشانز وفندق فندق فندق يعني يطق للي قبل كلهم باصبع
هذا قريب الشانز ويعتبر الافضل بنظري
https://www.booking.com/hotel/fr/keppler.html?aid=1300939
والحلو بعيد عن الشانز شويات هذا
https://www.booking.com/hotel/fr/les-jardins-de-la-villa.html?aid=1300939
يعني فرضا حجزتوا علي المصريه 4000 ريال ورسوم فيزا من اي مكتب صارت الف ذي خمسه الاف
وسكن نقول كيبلر الافضل حول 8 الاف ريال
يعني 13 الف سكن وطيران
يوميا بتصرفون مترو قولي 10 يورو بالكثير ولا باريس فيزت حقت 5 ايام اذا ما تبون التوفير يعني
وديزني لاند مصاريفها يوم الشخصين تقريبا الف ريال
بقيه الايام الاربعه نقزل كل يوم الف ريال
4 طيران
الف فيزا
8 سكن
5 مصاريف كل يوم
8الف بتكفيكم 5 ايام الفين احتياط
0الف بتكفيكم
انتي جد بالله حاطه 34 الف ميزانيه ولا تمزحين

فيصل
فيصل
بالله يا مغرور نجد خش بالخط واسدح مصاريف اليوميه صح

ابو طلال*
ابو طلال*
هلا اختى
ميزانيتك تكفي ماتشيلي هم وطالما انتى عاملتها مفاجئة بصراحة تستحقين نكون معك خطوة بخطوة
التذاكر سعرها لشخصين بهالتاريخ بحدود 7200ريال وشوفى عن طريق مكاتب سياحية
او عالخطوط بتلاقي ارخص اللى هي درجة الظيافة الاقتصادية بس الرحلات ماراح تكون مباشرة عالعموم لباريس
حتنزل بالرياض وتطير لباريس او تنزل جدة وتطير باريس
علشان كذا حاولى تكون رحلتك بالمساء يوم الثلاثاء الموافق 24 سبعة
السكن فية هالفندقين وكلها قريبة من الشانز والبرج الاول Mathis Elysées Matignon، ممكن تستاجرين جناح وفية جاكوزب
وسعرة بحدود 8500 ريال لمدة 5ليالي وهو على فكرة في اول ماتطلعين منة تاخذين يمين وعلى طول لااشهر شارع ازياء في باريس
شارع مونتين مع تقاطع الشانز
وفية فندق Residence Du Roy سعرة لخمس ليالي 5500تقريبا" موقعة ممتاز ولو تبين ارخص فية الكثير
اهم معالم باريس
شارع الشانز القريب منك اول يوم تقضونة فية وقرب برج ايفل
ثاني يوم ممكن تروحين دزني لاند علشان زحمة الويكند ماتلحقون عليها ومنها برجعتكم تمرين اوت لت القريب من دزني
ثالث يوم من الصباح تروحون لقصر فرساي ولما ترجعون المساء تروحين لنهر السين وركوب
القارب السياحي مع عشاء فية او تكتفون بجولة بتكلفكم تقريبا" مع العشاء 800ريال كحد اقصى
اليومين الاخيرة تشترون تذاكر الباص السياحي لمدة يومين وفية مواضيع كثيرة عنة وتقريبا" يمر فيكم على
اهم معالم باريس ومنها تتسوقون برضة في الاوبرا والغالري
ممكن لو حابة تصلحين مفاجئة لزوجك برضة ممكن تعزمينة على العشاء في احدى المطاعم الراقية
ولو ناسبتك الفكرة ممكن ازودك بعدة مطاعم وتحجزين كل شي لهالمفاجئة
طبعا" مطاعم مرتبة وكفيهات مرتبة برضة وتنقلات وزيارات بالتذاكر والباص والقارب ومشتريات كعطور وميك اب وملابس لك ولزوجك تكفيكم
10000الاف ريال
عالعموم لو حسبتي كل اللى ذكرتة راح يكون متبقى من ميزانيتك حدود 5000ريال
بالتوفيق

مـــ@ـــاوي
مـــ@ـــاوي
اخوي فيصل والله ماقصرت تسلم كثير الله يعطيك العافيه بجد ماقصرت
انا كتبت ردي مليون مره على تعليقك وكل مره يطير
تهئ
وهاذا رد ثاني من جديد
4الف ل 5 ايام كويسه جدا
الحمدالله الله يطمنك دنيا واخره بجد فرحتني والله قمت انطنط من الفرحه
يعني لو تزيدين الايام تكفيكم الميزانيه ولو تبون توفرون بتكفي يا شيخه
ياسلام اهم شي انها تكفي الحمدالله
طيب على طاري إن الميزانيه بتكفي اقدر اسافر ل سويسرا 4 ايام او 3 ؟!
وش رايك لو تكون رحلتي من بعد باريس على سويسرا ؟؟
او سويسرا اول بعدين باريس
وكم احتاج ازيد على ميزانيتي تقريبا ؟؟
ياليت تفيدني الله يسعدك ..
لانه انت بصراحه شجعتني يوم قلت انه تكفي ميزانتي وان شاءالله اني اقدر ازيد عليها تقريبا كم الف اذا نقصت دام فيها روحه لسويسرا , لانه بصراحه ودي اخليها مفاجأه حلوه وكبيره له يستانس فيها
يعني اذا يمديني اروح ل سويسرا ان شاءالله , بكذا راح اطول مدة الرحله , على كذا يعني بخليها بدال خمس ايام راح تكون 8 ايام او 9
انت وش رايك تشوف كم يوم يكفيني بباريس وكم يوم يكفيني بسويسرا ؟؟
ياليت تفيدني وبكون شاكره لك اخوي
والفنادق والله روعه الله يعطيك العافيه من جد ماقصرت
بس انا بستشيرك بهالفندق
Hôtel de Crillon
وش رايك فيه ؟؟ وهو قريب من وشو بالضبط ؟؟
بس شكل اسعاره نار باين من فخامته
0الف بتكفيكم
انتي جد بالله حاطه 34 الف ميزانيه ولا تمزحين
والله جد 34 ومفكره ازودها كم الف لو فيها روحه لسويسرا ان شاءالله
بس حابه استفسر عن شغله , هل تصير مضايقات من الشعب هناك للسياح ولا حركات غير مرغوب فيها ولا سرقه ولا عالم سكرانه لاني اخاف من هالشغلات اتوقع لو يصير موقف كذا بموت مكاني
لانه اقرا بمواضيع كثير انه في مضايقات تصير من البعض هناك وفيه نشالين محترفين في السرقه اخاف ينشلوني انا بكبري ههه الله يستر
بليز فيدوني بها النقطه اهم شي
لانه اتمنى يكون هناك امن وامان ان شاءالله
واهم شي كيف معاملتهم مع العرب بالذات السعوديين
والله يعطيك العافيه ويسعدك دنيا واخره من جد افدتني كثير

مـــ@ـــاوي
مـــ@ـــاوي
هلا فيك زود اخوي ابو طلال
ميزانيتك تكفي ماتشيلي هم وطالما انتى عاملتها مفاجئة بصراحة تستحقين نكون معك خطوة بخطوة
الحمدالله انها تكفي والله كنت شايله هم
وفرحت لما قلتولي تكفي , فقلت بخربها واشوف اقدر اروح سويسرا ولا لا

ابو طلال*
ابو طلال*
هلا اختى مهاوي
اذا كذا تبين تزودين طمعك زودى خمسة الاف ريال واظيفي جنيف
ولو تبين سفرة بنفس ميزانيتك ممكن بس تختارين فنادق بسعر اقل بالدولتين وراح يكون عشر ليالي
خمس بباريس وخمس بجنيف بحدود 7000ريال ممكن اطرح لك كم فندق ويصير حدود 7000تذاكر وتنقلات بين الدولتين 1000ريال
صار باقي 19 الف ممكن توزعينها بين زيارات وتنقلات داخل المدينتين واكل وشرب وتماشي 10 الاف
بيصير معك 9الاف 5 منها مشترياتكم بشكل خفيف واربعة احتياط للطواري
المهم لاتخافين من الافارقة ماعندهم مشاكل مع السياح بس لاتتاخرون بالليل خارج الفندق ولاتدخلون شوارع مشبوهه
بالليل وبالنسبة للحجاب مافية مشاكل معهم متعودين على العرب اللى بباريس ساكنين
التصوير مسموح بقصر فرساي ماعدى بعض الغرف ممنوعة .. واتذكر ان وام طلال صورت لين فلل مومرى الكاميرا حقتها
بالنسبة لدزني يوم من الصباح يكفيكم صدقيني
السوق او قرية التخفيضات اللى قبل دزني لاند بتاخذ منك ساعتين وعلى فكرة انتم يالحريم مايبيلكم بالسوق يوم حتى لو صغير
تحبو تفرو فية لو يومين .. اهم شي روحي للماركات اللى تبينها وبتختصرين الوقت فية
وبعدها روحي الملاهي
لان باريس متعة ومايرتاح الواحد الا بداخلها
المطاعم راح ارسلك كم واحد وانتى شوقي اي واحد يعجبك

فيصل
فيصل
اختي يبيلكم تغيرون مسار الرحله ويكون العوده من جنيف بس اذا زوجك يحب يسوق من باريس تروحون بالسياره الي انسي ووديفون وجنيف وشامونيه
تبون انرتلاكن وفندق فندق بشرط يكون مطل
كل اللي قلته يتوقف تحجزون بدري وانا اخوك لان الاسعار بتزيد
الفندق اللي اخترتي فيه افخم منه كيبلر
تبون شيء قريب دوله ثانيه روحوا بروج قنوات مائيه وحياه حلوه تاخذون فيها يومين وتردون
جنيف مو ذاك الزود
سعودي وخليجي واحد عندهم
هناك اللي يبي يكشخ وطلع فلوسه قدام الخلق ولا ساعه اللي هيا وذهب بياكلها
اما انسان نفسك نفسهم عادي
ولا تصرفون 500 يورو خذوا ميات ويوميا خذوا ميتين واصرفوهم ووزعوها بينكم ويا حبذا معاكم بطاقه مسبقه الدفع تشحنونها ولا تحطون فلوسكم فيها وتسحبون منها


خصم يصل إلى 25%