الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
peace666
02-12-2022 - 08:20 pm
  1. بصراحة كثير ...

  2. شو الحل اذا ؟؟؟


السلام عليكم ورحمة الله وبركاته ..
مساكم الله بالخير ...
بدخل في الموضوع على طول ..
انا زرت الكويت مرتين .. وان شاء الله ناوي ازور الكويت مرة ثالثة مع العايلة ..
بشكل عام العائلات الخليجية تفضل السكن في الشقق المفروشة أكثر من الفنادق .. لعدة اسباب
الشقة المفروشة تكون اكبر .. وتسع عدد اكبر من افراد العايلة .. وممكن تحصل شقة غرفتين او ثلاث غرف وصالة ومطبخ وحمامين او ثلاث حمامات .. يعني بالمختصر .. الشقة المفروشة مريحة اكثر من الغرفة اللي في الفندق ...
لكن اغلب الشقق المفروشة اللي حصلتها في الكويت عن طريق موقع بوكينج سيئة من حيث آراء الناس اللي سكنوها او جربوها ... الكل يشتكي من ان المبنى قديم .. اثاث متهالك .. حمامات قذرة .. خدمة سيئة .. واسعار مبالغ فيها ... ومثال عليها :
روم ان
لا رويال
بودل
ريتز شرق
ريتز السالمية
برج ارينزا
الواحة
بلازا أثيني
مارينا إن
مارينا هوم
طيب .. قلت اشوف الفنادق .. الفنادق الممتازة يبدأ سعرها من 1000 درهم حوالي 70 دينار !!! والفنادق اللي مستواها اقل تبدأ من 900 درهم 65 دينار ...

بصراحة كثير ...

شو الحل اذا ؟؟؟

بصراحة انا شخصيا ارتحت كثير لما زرت الكويت في المرتين اللي مضوا .. ولابد من زيارة ثالثة للكويت .. التاريخ المتوقع للوصول 25-03-2012م لمدة 4 او 5 او 6 ايام حسب البرنامج .. وابحث عن شقة مفروشة غرفتين وصالة ..
وين تنصحوني أسكن ؟؟؟
حصلت في منتدانا عدد من التقارير لشقق مفروشة .. الاعضاء ما قصروا .. لكن من خلال الصور وبكل صراحة ما تشجعت أحجز فيها ....
وين تنصحوني أسكن ؟؟؟؟
جزاكم الله خير مقدما
أخوكم أحمد
من دبي


التعليقات (9)
هدوء العالم
هدوء العالم
وعليكم السلام ورحمة الله وبركاته
هلا والله بأهلنا من الإمارات الغالية والحبيبة بتنورون الكويت وإن شاءالله تتكرر دائما زيارتكم لنا
وحسافة ماعندنا شقق فندقية مفروشة بالكويت إلا على عدد الأصابع و تكون مستهلكة وقديمة وإن شاءالله تكون عندنا شقق فندقية أربع نجوم قريبا مثل دبي
ولا تتكدر رحلتكم من أجل الفنادق أحجزو بإلي ترتاحون له من الموقع والفخامة والنظافة لأنه الفندق هو بداية الرحلة السعيدة بزيادة المبلغ
وهذا فندق Safir Marina Hotel والمميز عند مجمع مارينا ومول وموقعه الحلو والقريب من كل شئ بمنطقة السالمية
https://www.booking.com/hotel/kw/safir-marina.ar.html?aid=1300939"https://www.booking.com/hotel/kw/moevenpick-resort-al-bida-a.ar.html?aid=1300939" target="_blank">https://www.booking.com/hotel/kw/moevenpick-resort-al-bida-a.ar.html?aid=1300939"https://www.booking.com/hotel/kw/the-palms-beach-spa.ar.html?aid=1300939" target="_blank">https://www.booking.com/hotel/kw/the-palms-beach-spa.ar.html?aid=1300939"https://www.booking.com/hotel/kw/missoni-kuwait-salmiya.ar.html?aid=1300939" target="_blank">https://www.booking.com/hotel/kw/missoni-kuwait-salmiya.ar.html?aid=1300939

q8ya metnaqla
q8ya metnaqla
غريبه بودل الكل يمدحه والكل يحبه ليش كل انواع الشقق متوفره
هذا تقرير عن فندق يثرب زالثاني عن بودل ويمدحون بلازا اثينا في بنيد القار والاخير سويت هوم في بنيد القار انا شايفه الغرف وايد نظاف بس نسيت اذا عندهم شقق 3 غرف ولا لا
يثرب
https://artravelers.com/p/re/353560
بلازا اثينا
https://artravelers.com/p/re/230706
بودل
https://artravelers.com/p/re/544482
ساره بلازا (في ناس يمدحونهم ) انا بحاول اروح واشوف شققهم دام ييتكم ان شاءالله متأخره عالاسبوع الياي لان الحين اكيد كلهم فل هالفتره لما اتخلص الاحتفالات اروح لهم
http://www.saraplaza.com/Ar/default.aspx
سويت هوم انا شايفتهم ونظااف
http://sweethomekw.com/
وحياكم الله في ديرتكم وهدوء ماقصرت في الفنادق وسامحونا عالقصوور

peace666
peace666
أخوي هدوء العالم ... قبل كل شي جزاك الله خير على اهتمامك .. وعلى ترحيبك ..
فندق سفير مارينا فخم ووايد حلو .. لكن ينطبق عليه اللي انا قلته عن الفنادق ..
الاقامة فيه لمدة 5 ليالي بتكلف على اقل تقدير 12500 درهم يعني تقريبا 900 دينار .. بصراحة مبلغ كبير جدا !!!
فندق الموفينبيك .. للاسف ما حصلت فيه حجز ..
فندق The Palms Beach Hotel & Spa حصلت فيه حجز
ب 550 دينار ... بقول معقول ومقبول ...
وأخيرا فندق ميسوني ... بصراحة الفندق حلو وفخم ويبين عليه انه فندق جديد .. لكن ايضا غالي مثل باقي فنادق الخمس نجوم ...
تصدق بالله ... قبل حوالي 3 اسابيع .. وفي عز مهرجان التسوق .. حجزت شقة مفروشة لواحد من ربعي .. من عمان .. حضر الى دبي مع عائلته .. شقة غرفتين وصالة ومطبخ و3 حمامات .. بناية جديدة .. اثاث جديد .. منطقة راقية .. شارع الشيخ زايد .. خلف مول الامارات .. بكم ؟؟
ب 750 درهم !!! في عز المهرجان ... يعني حوالي 50 دينار فقط لا غير .....
لكن اقول لك ... ان شاء الله جايين الكويت يعني جايين الكويت وان شاء راح تتدبر ....
مشكور على اهتمامك وجزاك الله خير ...

peace666
peace666
q8ya metnaqla
جزاك الله كل خير على اهتمامك .. بالنسبة لفندق بودل .. انا ما بتكلم .. هذا رابط آراء النزلاء من موقع بوكنج ...
https://www.booking.com/hotel/kw/boudl-kuwait.ar.html?aid=1300939"https://www.booking.com/hotel/kw/plaza-athenee.html?aid=1300939" target="_blank">https://www.booking.com/hotel/kw/plaza-athenee.html?aid=1300939

cslloll
cslloll
عليكم السلام
عندك فميلي سويتس شقق نظيفه وحلوه وموقعها ممتاز
هذا الويب سايت تبعهم
http://www.family-suite.com/english/booking.html
اتصل فيهم وشوف الاسعار
لان مو ضايفينها على البوكينق

peace666
peace666
cslloll
جزاك الله كل خير على اهتمامك .. ان شاء الله بتصل فيهم ..

قطريه عسل
قطريه عسل
السلام عليكم ورحمة الله وبركاته
حبيت افيدك بما اني توني راجعه من الكويت الحبيبة
احنا سكنا بالصدفه في شقق خالد هاوس بالسالمية نظيفه وحلوه وسعرها 1000 ريال 70 دينار مع الفطور
انصحك فيها
تحياتي ورحله موفقه والله الكويت تهبل وتستحق الزيارة على طول

مسلم وافتخر
مسلم وافتخر
اولا توصل بالسلامه\\
انا توي جاي من الكويت الحبيبه وسكنت في سويت هوم في بنيد القار 40دينار لكن ماانصحك تسكن فيها ...اذا لقيت افضل منها احسن لك
وسارابلازا سكنت فيها من فتره مااعجبتني وسخه ولها ريحه وخدماتهم بطيئه
,,,,,,,,
واي استفسار حاضرين

peace666
peace666
مسلم وافتخر
هذا اللي انا قصدته من الموضوع ..... شو الحل اذا ؟؟؟
جزاك الله خير على التنبيه ... واتمنى الكل يستفيد


خصم يصل إلى 25%