عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
crafty milan
07-11-2022 - 03:04 pm
السلام عليكم
لو تكرمتوا طحت في مشكله عويصه والحين ما ادري خايف تخرب علي السفره
حجزت حوالي خمس فنادق في عدة دول مختلفه عن طريق الفيزا الحجوزات كلها الغاًء مجاني
الحجوزات من شهر 11 السنه الي فاتت وكلها اكسبتيد
المشكله الي عندي الفيزا مكتوب فيها الاسم كا
alharbi,Faisal A
وهذا الاسم الي حجزت فيه جميع حجوزات السكن
الاسم بالجواز
alharbi,Faisal Ali M
يعني بالفيزا مختصرين اسم الوالد بينما بالجواز كاتبينه كامل واسم الجد محمد مختصرين ب m بالجواز ولاكاتبينه بالفيزا
فصراحة ما اعرف هل تمشي الامور هناك او ماتمشي؟!!!!!!!!!!!
الفنادق مستحيل الغيها ماخذها باسعار واماكن خرافيه الزبده احس ان السفره بتتكنسل ههه
يعني هل يمكن اني احجز بفيزا ووقت التسديد هناك بالفندق اسدد بفيزا ثانيه
تكفون ابي حل مناسب
ابي فزعتكم واستشارتكم تكفون


التعليقات (6)
oceanus
oceanus
هلا بولد العم ..
وين المشكلة ... لا يوجد مشكلة اي شي .
.
عند الوصول راح يطلب منك الجواز فقط . واهم شي الاسم واللقب
اما الدفع ..،، راح تخير بالدفع كاش او بالفيزا ،، انت ادفع كاش عند الوصول وما راح يطلب منك الفيزا ،،

crafty milan
crafty milan
اهلين فيك ياغالي
المشكله مبلغ الفنادق الي حجزته فوق 4000 يورو فصعبه اني اشيله كاش معي خصوصا اني راح اتنقل في كذا دوله احسها صعبه
ما ادري فيه ناس تقول عادي الفنادق مايدققون بالفيزا ما ادري عن صحة كلامهم

oceanus
oceanus
بس اخوي الفيزا عندك مافيها مشكلة ..
يعني عادي راح يخصم من الفيزا مباشرة ... ومافي اي مشكله ..

crafty milan
crafty milan
شكلي ياغالي بسحب الفلوس الي بالفيزا وبسوي لي محفظه خاصه بفلوس السكن واحاسبهم كاش اصرف وافضل وافتك من وجع الراس

aboaziz
aboaziz
هلا بك اخوي
مثل ماتفضل مشرفنا ماعندك اي مشكلة بالنسبة للفيزا
انا عندي اختلاف كبير بينها وبين الجواز وعلى مر السنين ماوجهتني اي مشاكل
وممكن ايه تدفع ببطاقة ثانية وقت الوصول هناك ان شاء الله
اما موضوع انك تسحبها كاش فانصحك لا من ناحية الامان
كنت في جنيف قبل كم يوم وكان لي صديق كان في الكمبنسكي وانسرقت شنطتهم من اللوبي وفيها الكاش كله
اوروبا عموما انصحك ماتحمل معك كاش الا فقط للضرورة والمصروف اليومي

راعي خطوط
راعي خطوط
يارجال سافر وتوكل على الله مافيها شيء اهم شيء صاحب الفيزا والفيزا المحجوز منها يكونون موجودينبالتوفيق


خصم يصل إلى 25%