بسم الله الرحمن الرحيم
السلام عليكم ورحمة الله وبركاتة
اقدم خالص الشكر والتقدير لاعضاء الموقع على تفاعلهم ومساعدتهم كل استفسار وانا من ضمنهم بالعضوية السابقة
هذا اول تقرير لي في المنتدى وسأحاول ان يكون التقرير وافي وشامل وفي نفس الوقت بسيط على القارئ
الآن نتكلم بالعامية
اختيار الوجهة السياحية
كانت الرحلة مفاجأة لأني عزمت على السفر وبما اني سافرت ماليزيا وكوريا وتايلند وقعت عيني على العمة اندونيسيا وبالتحديد
جزيرة الجمال والسحر ( بالي ) وكان التخطيط قبل الرحلة ب 14 يوم فقط
الأشخاص:
2 انا وزوجتي الغالية ( بتتشقق المدام الحين )
مدة الرحلة:
7 ايام وهي كافية للتجول في الجزيرة كاملة والكمال لله سبحانة
هل تصلح جزيرة بالي للعائلة او لا .؟.؟
الجزيرة جميلة ورائعة لكن اغلب سياحها ( اجانب ) واستراليين بالتحديد واللبس حدث ولا حرج زي ماهو موجود في بلادننا العربية
يعني فهم المدام من البداية عن الوضع وراح تكون اموركم عسل
العباية والحجاب في بالي .؟.؟
العباية في جزيرة بالي عادي جداً ومحد حولك ولحد يكلمك نهائياً في اي مكان تروحلة يعني لاتشيلين هم العباية ياست
وانا اقصد العباية الكاملة بتغطية الوجة وراح تلقون خصوصية ممتعة
تم السكن في شاطئ كوتا والي يميز الشاطئ ان الحركة فيه ماتهدأ وهذا الي افضلة بالنسبة لي لكن الشاطئ لابأس فيه كنظافة
ويوجد في الجزيرة عدة شواطئ ومن اجملها شاطئ ( سيمناك ) وهو نظيف وجميل جداً وفيه كل الخدمات الي تحتاجها واهدأ قليلاً من كوتا
الجزيرة نوعاً ما تعتبر غالية بالنسبة للرحلات
لايوجد فيها مطاعم عربية وعليك بالفاست فود ( ماك - كنتاكي ) او بيتزا هت او المطاعم البحرية المتوفرة بكثرة كذلك يوجد
مطاعم هندية وايطالية في شارع ( لقيان ) المقارب لشاطئ كوتا ولاتنسى خذلك عدة معك مثل توست ومعلبات للفطور خاصة
تحتاج الجزيرة ( لغة انجليزية ) جيدة عشان تتخاطب مع الجميع الا اذا كان عندك سائق يتكلم عربي
لاتحتاج اي سائق في الجزيرة نهائياً لأن وقتك اغلبة في الرحلات السياحية الا في الليل المغرب مثلاً تبغى تروح سينما
او احد المولات خارج الشاطئ تقدر تأخذ تاكسي وخل حسابك معهم بالعداد لحد ينصب عليك اول ماتركب اطلبة يشغل العداد
يبداً العداد من 5000 روبية وتعادل بالسعودي تقريباً ( ريالين )
الجزيرة آمنة جداً وماعليك من الكلام والقيل والقال نهائياً لأن مابيتكلم الا شخص ماراحلها اساساً وهذي عوايدنا نحكم قبل لانجرب دائماً
>>تحسون اني معصب ههه
معلومات عن الرحلة
الناقل الرسمي : الخطوط القطرية
خطة الرحلة : الدمام - الدوحة - جاكرتا
ترانزيت في الدوحة ساعتين
مدة الرحلة من الدوحة الى جاكرتا 9 ساعات تقريباً وتختلف المدة على حسب نوع الطائرة لكن ماتفرق واجد
نوع الطائرة : ايرباص 200-300 فيها شاشات ونظام ترفية حلو
صورة داخلية للمقاعد
انصح المسافرين بالراحة في جاكرتا لأن الوقت طويل والقطرية لو رحلتك الى بالي عبرهم ترانزيت في جاكرتا 3 ساعات
ثم الوصول الى بالي الفجر وكذا بتوصل تعبان وبتنام وبتخلي يوم يروح عليك غير ان التذكرة اغلى
الطيران الداخلي : طيران ليون
راحة في جاكرتا نصف يوم والاقلاع الى جزيرة بالي
ارتحت في جاكرتا في فندق FM7 Resort Hotel
موقع الفندق :
اول من يستقبلك في اللوبي ههه
نظرة على الشارع
صور من الشاطئ ويمتاز بموج مرتفع شوي لكن يعيبة عدم وجود وسائل ترفية مثل الالعاب البحرية فقط متوفر لعبة ركوب الامواج
على طول توجهت للمكاتب السياحية في المدينة وفريتها كلها ههه وحجزت عند ارخص واحد وكانت شركة BMI والأسعار تختلف عن الي
في الكوبانات الي يطلعونها لك كاسرهم لين يكرهونك ههه
تقريباً مجمل الرحلات سعر الشخص الواحد 60 الى 80 دولار بالكثير
الا في رحلة يودونك تأخذ جي تي سكي ولعبة البنانا والطيران الشراعي هذي فقط ب 30 دولار وأقل انتبه تأخذها اساساً لأنك بتحصلها في برامج ثانية دايركت
الرحلة الأولى كانت غواصة بالي ( Odyssey Submarine Bali ) مع الغداء
وموجودة ثنتين فقط في العالم وحدة في بالي والثانية الظاهر في امريكا ان ماخاب ظني
الموقع الرسمي :
الاتجاة للغواصة تبعد عن الجزيرة مدة 3 دقائق فقط
سطح الغواصة
داخل الغواصة ( هذه الصورة مأخوذه من الموقع الرسمي ) لأن الصورة الي عندي ماتصلح للعزابية
وقت النزول لقاع البحر
الصور تتكلم
لحظة الخروج من الغواصة والتوجة الى الجزيرة لتناول وجبة الغداء
اثناء العودة للفندق مناظر منوعة وحنا في السيارة
اليوم الثاني : رحلة التجديف ( الرافتنج ) RAFTING
يوجد شركتين للرحلة الفرق بينها ان هذي تمشي فقط دقيقتين عشان توصل الشلال والثانية تمشي مدة 15 دقيقة واقل
وفرق السعر بسيط جداً
مدة الرحلة من الساعة 7 صباحاً الى الساعة 3 عصراً
الرحلة ممتعة وفوق الخيال وماتتفوت ابداً وعادي يااهل العبايات البساط احمدي تقدرين تجربين التجديف بدون اي مشكلة
طبعاً جربتها انا وزوجتي والأمور ممتازة وللحين المدام منصدمة مو مصدقة انها جربتها
نبذة بسيطة عن الرحلة (واهم مافي الرحلة لاتنسى تاخذلك ملابس سباحة وملابس سبير والمدام خذيلك عباية ثانية وملابس سبير )
تطلع من الفندق بسيارة خاصة وتروح الجبل الي فيه الشلال وراح تحصل كوخ يستقبلونك فيه ويعطونك شاهي او قهوة وتريح شوي
وألبس ملابس السباحة وألبس الستر الواقية وتمشي فقط مدة دقيقتين وتوصل للمقر في كل يخت 3 اشخاص من غير السائق طبعاً
وراح يعطونك تعليمات السلامة وكلمات مهمة للرحلة مثل ( نزل راسك ) ( جدف ) ( قف ) ( تمسك جيداً )
طريق الذهاب
الوصول لكوخ الشلال وتشوفون مزارع الأرز والمطر والمناظر الخلابة
.
حاولت ارفق لكم مقطع فيديو بتقنية hd للمنظر المحيط للشلال
لكن مالقيت مركز يرفعه للأسف
هذا الي عندي اليوم وكان ودي اكمل التقرير لكن عندي مبارة مهمة للأرسنال
ودعواتكم يفوز ههه
اشوفكم على خير ولاتنسونا من التشجيع
لاتنسونا من الدعاوي
.