أهلا وسهلا بك في الكويت
أنصحك بالأماكن التالية :-
المركز العلمي - الجزيرة الخضراء - مجمع 360 - الأفنيوز - مارينا مول - سوق شرق - مجمع الراية - مجمع الصالحية - مجمع اولمبيا
المطاعم التالية :-
لونوتر في شارع الخليج
التسيمو في السالمية في برج النصار - سلايدر ستيشن مقابل قصر السيف - دون ماريوز في قرية الضيافة بجوار ابراج الكويت

ماقصرت حلوه الكون
وهذا ملف مطاعم الكباين
https://artravelers.com/p/re/525714
وحياكم الله

حياك الله
الاماكن انصحك تروح الافنيوز ابراج الكويت المركز العلمي 360 مول
المطاعم الكبائن قيصر - مغل محل - البلد لبناني - السوليدي لبناني - النوخذه بحري فيه كبائن ابوحليفه - مهراني - فريج صويلح - كرستال بلس
وحياك الله مره ثانيه

وعليكم السلام ورحمة الله وبركاته
حياكم أخوي بالكويت بتنور بوجودكم إن شاءالله
وماقصرو أخواني جزاهم الله خير
بما أنكم يومين بس وهذي شوي
اليوم الأول تخلونه للسالمية وماحولها
صباحا النادي العلمي ( أكواريوم ) ،،، الجزيرة الخضراء أو حديقة الشعب ،،، ومنها إلى مطعم فريج صويلح للمأكولات الكويتية وبالسالمية ،،، الرجوع للفندق والراحة ،،، أبراج الكويت قبل الساعة 4 علشان تشوفون الكويت العصر والغروب ،،، وفي الأخير تسوق بأسواق السالمية شارع الشيخ سالم المبارك وإلي بعد فيه مطعم فريج صويلح وفيه كذا مول
( أشهرهم مارينا مول ،،، الفنار ،،، زهرة ( للماركات) ،،، الثريا ( للماركات) ،،، ليلى غاليري ( للماركات وفساتين السهرة ) ،،، مجمع مريم ( للفساتين السهرة ومحل رجالي ماركة ومحل أطفال غيس ) ،،، مجمع أولمبيا ،،، وماركس وسبنسر ،،، سنتربوينت ،،، h&m ،،، مجمع منيرة و مجمع شاهه ومجمع أنفال ( متوسط ورخيص ) ،،، وغيرها من المحلات على الشارع ومطاعم
وإذا في وقت وحابين بدال أي مول من السالمية يكون سوق شرق أو يكون مارينا مول وسوق شرق
واليوم الثاني
إذا حابين مدينة الكويت الترفيهية الساعة وحدة الظهر تروحولها في منطقة الدوحة ،،، وفي الأخير مول الأفنيوز وهذا المجمع ماشاءالله يحتاج يوم كامل وفيه مطاعم بس ماني عارفة فيها كبائن ولا لا
أو
مول 360 ،،، مول الأفنيوز
ورحلة موفقة بإذن الله

صباح الخير يالغلا واسعد الله صباحك بالمسرات وتوصل اخوي بالسلامه والكويت واهلها الطيبين دائما يرحبون بالضيوف الكرام الله يسعدهم دنيا واخره
على كل حال لم يقصروا معك بس حبيت اضيف لك سوق شعبي حلو كل شي فيه ويشرح الصدر اذا حبيت تزور سوق المباركية فهو شعبي وشرح ويستاهل انك تمشى فيه وعلى كل حال اقول مثل ماقال اخينا سعود الورع في برنامجه مع الناس انا ماقلت قلت راي وقلت وجهة نظر
اتمنى لك اقامة سعيدة وزيارة مملؤه بالمحبة والتوفيق
اخيك بوخالد