بوابة الرحلات البريه و الرحلات البحرية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
**نونا**
08-12-2022 - 05:56 am
السلام عليكم ورحمة الله وبركاته..
يسعد الجميع...ترددت كثير في اعداد هالتقرير او غيره..لكن! تشجعت اكثر لما شفت
تقارير ام يوسف (توبليرون)..وكشتتهم..وفي اتصال هاتفي شجعتني بارك الله فيها..وحمستني اكثر
واتمنى ان ينال رضاكم ويحوز على اعجابكم..
  • *ملاحظة**

بعض الصور فيها تشويش لاني مستخدمة كميرة ايفون4 خاصتي..
بسم الله نبدأ
قبل الكشتة بيوم واحد..تم مفاجأتي من حبايب قلبي ابنائي وأهلي الغاليين بيوم
ميلادي..اللي مسحته من الذاكرة سنوات مضت لتحفظات لدي ..
وماقصروو بالهدايا القيمة ربي يخليني لهم ويخليهم لي..
وعلى هالأثر همست اختي في اذني وقالت بكرة رايحين كشتة نسائية بحتة في تخوم ((العزيزية)) واستراحاتها المترامية ألاطراف،
وتم الاستعداد..كان عندنا خبر يقين ان هاليوم اقصر ايام العام وبسرعة نبي نكسب خيوط النهار قبل المغيب
وتوكلنا على الباري..
بصراحة بداية ضيعنا الموقع لتشابه العديد من الاستراحات وما صورت المدخل...فعذراً..
كانت الأستراحة بجد شرحة وأجوائها جيدة..
فيها ثلاث صالات وحدة منهم مقلط للعشا..ومسبح ماصورته لانه محرصين على الحارس يقفلها عشا الأطفال..
فيها خيمة متواضعة ..
هذي الصالة
وهذا الجزء الثاني منها
وهذا مقلط العشا....
المغاسل اكرمكم الله..
وهذا المطبخ..
وهذي جلسة ترد الروح مع النسمات الباردة..
طبعا فيها مراجيح كيفو عليها الصغار...والكبار ورجعوا ايام الطفولة والشقاوة..
وأنا الف في ارجاء الاستراحة لفت نظري ركنية مناقد وتحسفنا
ان ماجبنا معنا فحم كان جمرناها وسمرنا حوله قصايد واشعار
وهذي الخيمة وياليتنا نقدر ناخذها معنا للبر كان وناسة
صحيح..
ومن داخل
وهذي زاوية بالله صبو هالقهوة وزيدوها هيل...ها
نكمل....
تواليت الخيمة اكرمكم الله..
الحلو بهالاستراحة جدرانها مرسومةاو تشكيلات
جبسية ملفتة وكانت مضفية اجواء حلوة ..
يوجد الكثير انتظروني....


التعليقات (9)
**نونا**
**نونا**
وبدينا بتجهيز الضيافة لاستقبال ضيفاتنا..
وهنا ترامس الشاي والقهوة..

وهناجهزنا الاواني اللاستيك للغرف..

وهنا ترم الضيافة جاهزة...

وهنا كشفنا الغطاء عن الشعبيات من الحلويات..

لقطة جوية...!

هذا الساقو..

حلوة الخبيص...!

والعصيدة صنع يديا وحياة عينيا..

الخنفروش او (صب القفشة)..!


بليلة بلبلوكي..

وش رايكم بشوية خبيص...تفضلوا

ولا تجربوا شوكلاتة...!

وتفضلوا بيالة شاهي ع الماشي..

والحين اخليكم وبكرة نكمل المزيد من جوانب الكشتة...!
تشاو..

oceanus
oceanus
ياسلام يانونا
على الكشته الحلوة ..
واضح انكم فليتوها فله ... بس ناقصكم ام يوسف ..
بس الحلويات هذه وين نلقلها ... والله نفسي فيها .. ترسلين dhl or aramex
وكل سنه وانت بخير ..

بوحميـــــــــد
بوحميـــــــــد
وعليكم السلام ورحمة الله وبركاته
ماقصرت ام يوسف جعل عمرها طويل
وكل سنه وانتي سالمه مشرفتنا
جعل ربي يحفظ لك عيالك واهلك ولايفرقكم يارب
متابع
تحياتي لكِ

فيصل
فيصل
روعه مشرفتنا
ابو عبدالرحمن ان وصلك شيء قوليبخليك ترجعها لي علي البردي الممتاز ولا حجه وحاجه عمره ونأخذ قسمنا
الله يديم عليكم ايامك فرح وسرور

زائر
الحين اكتب من الايفون اللي مو مخلينا نكتب عدل
بس وصلتني رساله تقول شوفي كشته نونا
وواو ونااسه نونا خوش تقرير على الماشي شفته الحين بعد نص ساعه برجع ادش عليه
الصراحة من شفت الاطباق من الايفون وان توني رجعه من البر وانواع اللاكل والحلويات
ياه جعت مرة ثانيه ابي خبيصه وعصيدة
شوفي لا تطشينه غرب لابو عبدالرحمن لا طرشيهم شمال للكويت لو عند الحدود تلاقيني انتظرك خ
يا حلاتكم برجع برجع بس شويه اضبط الجلسه وارد مرة ثانيه

زائر
روعه ام الشيخ
الله يخلي لج نونا واخوانها وبوسيهم لي وخاصة الصغير بعد هو
سمي ابو يوسف زيدي البوسات له واسطة
الله يخليهم ويبلغج فيهم بالشهادات العالية يا رب
وبوسي لي الخوات وحدة وحدة والوالدة الف بوسة على راسها
اللي انجبت هالدرة اللي اسمها س...
حبيبتي الوعد اللي بينا ترا انت ومن يعز عليج والعين اوسع لكم من المكان
تقرير لئطة ويجوع ........متابعين معك

خالد ابو مشاري
خالد ابو مشاري
ما شاء الله تبارك الرحمن
كل سنة وانتِ بخير
تقرير وتصوير جميل ماقصرتي مشرفتنا نونا
على هالتقرير الحلو الله يسعدكم دوم
متابعين معاك

* غلاتي *
* غلاتي *
يالا حالابالابالا حيو ابو الفصاد هيه
كل سنة وانت طيبة ياعسل
وش هالزين وش هالسنع ~~~>
عصيد وخبيص وحركتات حلا يجيب الدفا مع هالبرد
بالعافية على قلوبكم والله يخلي لك حبايبك ويخليك لهم ولنا
وبانتظارباقي التقرير

ارووومه
ارووومه
مشرفتنا المتألقة دائما نونا ..
كل سنة وأنت طيبة وحياة سعيدة وأعوام مديدة في طاعة الله وفي ظل من تحبين
يا حلو جمعة الحبايب .. و الله يحفظ حبايبك و يفرحك فيهم يا رب
ومتابعين ...


خصم يصل إلى 25%