حسب مافهمت من كلامك
انك تتكلم عن سيارة بنظام التاجير المنتهي بالتمليك
حبيبي رح لهم وجدد التوكيل
راح يجددو ماعندهم مشكلة اذا انت منتظم في الاقساط
بالتوفيق

والله يا اخي اعتقد انة مصرح لك يوم 4 محرم ولكن بما انك في نفس اليوم مسافر ماراح يرضو انك تطلع لان في العودة راح يكون التوكيل منتهي
اذا عودتك بنفس اليوم ممكن يسمحو لك وتكتب تعهد بانك ترجع بنفس اليوم

الله يعطيك العافية ابو لين .
ردك شافي ووافي .
وبما انك قستها على الجواز .
برأيك هل أهمية الجواز مثل اهمية التوكيل .
انا اعتقد ان التوكيل ليش مهم مثل الجوااز .
والمرور عندنا رفض يطلع لي توكيل جديد الى بتاريخ 5 محرم . وانا ماشئ 4 محرم .
والله انا محتار

اولاً
طال عمرك
اذا التوكيل بينتهي يوم 4 محرم ما راح تطلع نهائياً
حتى لو باقي على انتهائه يومين ما راح تطلع
ثانياً
مراجعة المرور

• لابد يكون الفحص جديد للسياره
• الرخصه جديده
• الاستماره جديده
• عدم وجود مخالفات -اذا عندك واسطه يمديك تمشيها
• التختيم من الغرفه التجاريه

تحياتي لك

يا ابو حميد طولتها وهي قصيرة.
وش دخل الغرفة التجارية بموضوع السيارة الله يرحم والديك .
توكيل السيارة من المرور فقط .
انا سبق وطلعت توكيل اكثر من مرره اهم شئ ما عليك مخالفات والرخصة غير منتهية الصلاحية
هذا فقط

خذها مني وانا اخوك إذا السفر للخارج بالسياره
خويي تو مسوي توكيل
ونفسها الوكاله بلغوه يختمها بالمرور وبعدها الغرفه لإن السياره على نظام التمليك

035990894
هذا رقم مرور البطحاء
انا اتصل عليهم اذا احتجت شيء لما بسافر للخارج ومايقصرون
اتصل عليهم واسئلهم افضل شيء تتصل الصباح
وهم بيعطونك العلم الاكيد بإذن الله
ماابغاك تعكر مزاجك بكثرة الردود وربي يسهل امرك
ودعواتك لي يالغالي

السيارة ملك وليس ايجار منتهي بالتمليك .
انا كلمت الرقم الموجود في ردك
مرور البطحاء يقول حسب النظام تقدر تطلع . لان يوم 4 يعتبر من ضمن ايام التوكيل
بنهاية يوم 4 محرم . ينتهي التوكيل .
ولكن قال آخر شئ . كل شئ بيد الجمارك . حنا المرور ما نقدر نسوي لك شئ
وقلت له اذا الجواز باقي فيه اسبوع اقدر اطلع ولا لا .
قال لا تقارن الجواز بتوكيل السيارة . هذا جواز وثيقة مهمة .
اما التوكيل يعتبر سماح لك بالقيادة . بعدين السيارة بأسم أبوك يعني مش واحد بعيد ..

بحمد الله وشكره
المشكلة انتهت وتم استخراج توكيل جديد
وشكرا لجميع الاخوان اللي ما قصروا بالردود
ليموندا - ابو لين - بو حميد
بيض الله وجيهكم ..