كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مشاعر طفل
03-12-2022 - 10:12 pm
لمتابعة الموضوع الأساسي بالردود
https://artravelers.com/p/re/645132
أحببت أن أضع لكم تقريري التفصيلي كباقة عرفان لما قمتم به معي من
مساعده ونصائح وتوجيهات قبل رحلتي..
وليس بيدي إلا أن أضع هذا التقرير..أقل مايمكن تقديمه
ف من القلب..اشكر كل من كتب أي تقرير او معلومه بهذا المنتدى الذي يعتبر أكبر مرجع لكل مسافر..
وأخص بالشكر _ أبجديا:
الأسفار متعتي- المغادرون - أبو ساره – خليلها – زازازا - صوت السهارى -
ماجد الفهد – وافي في زمن جافي ..والجميع بلا استثناء
وبخصوص تنسيق الصور..
أشكر ماجد الفهد على موضوع دروبكس مره ممتاز
وأشكر صاحب هذا الموضوع اللي افادني حيل
بالشرح وبالصور(تصغير الصور+وضع اطار+وضع توقيعك) ،بخطوه واحده ولو كانت الف صوره ، تفضل "Arial">/
التخطيط للسفر:
طبعا السفر لماليزيا كان يراودنا منذ العام الماضي..وبالفعل قمنا بحجز التذاكر ذهاب وعوده على الماليزيه.. عن طريق مكتب لصديق زوجي..
ولأننا قررنا السفر قبل الرحله بأقل من شهر لم يجد صديق زوجي الا الماليزيه
و جاب لنا تذكرتين بقيمة 6 الاف ريال.
ولكن تكنسلت السفره فقمنا بالغاء الحجز ..وقامت الخطوط الماليزيه بارجاع
المبلغ بعد ان خصموا منه 500 ريال
المهم ولله الحمد قررنا السفر هذا العام.. وكان التخطيط من بدري (قبل الرحله بأكثر من 3 شهور)
ولكن كان تخطيط سيء و فاشل كله مني ههه للأسف وطلعت تذاكرنا غاليه
قمت بحجز الذهاب بتاريخ 4سبتمبر على الماليزيه دايركت من جده الى
كوالا ..تذكرتين ذهاب بقيمة 3900 ريال..الحجز كان عن طريق النت
وكنت شايفه حجز على الخطوط السعوديه عوده للشخص 800 ..وانا على بالي 800 رييال اصلا
ماناظرت للرمز وشو دولار او ريال.
واقول بنفسي والله صادقين العرب المسافرين كلما حجزنا بدري كلما كان ارخص بس
عيا موقعهم لا يقبل الفيزا ابد..قالي زوجي دقي على رقمهم ودقيت قالي المقعد بألفين وشوي قلت
انا شايفتها بالنت ب800 قال يمكن دولار قلت لا ريال
قلت خلاص شكرا باي وطراخ سكرت السماعه وطيران على اللاب
والا فعلا دولار
وأكلم زوجي وأقوله ايه ترى دولار قلت ها عندي فكره (نقطينا بسكاتك بس ) المهم
قلت له عندي فكره نرسل للماليزيه ايميل نقولهم يعدلون حجزنا يخلونه
ذهاب وعوده ويصير المقعدين ب6 وشوي. وراسلهم زوجي بس
تأخروا مره ماردوا الا عقب اسبوعين أو زود..
ولما تأخروا زوجي راح لمكتب للخطوط وحجز العوده على السعوديه
بتاريخ 23 سبتمبر دايركت من كوالا للرياض .. تذكرتين إياب
بقيمة 4200 ريال.
وعقب الاسبوعين جانا ايميل من الماليزيه بخصوص التعديل للحجز وكذا
رد عليهم زوجي انكم تاخرتوا وشكرا خلاص حجزنا على خطوط ثانيه
بعد فتره ارسلوا ايميل اب قريد للرحله. اقولكم قصته تحت.
المهم عشان كذا كان تخطيط سيءموب على نفس الشركه يعني الذهاب على
خطوط والعوده على اخرى.. بحكم ان عيدنا بجده لان اهل زوجي ماشاءالله
كل العشر الاواخر يقضونها بمكه..فكنا مضطرين نحجز ذهاب من جده..
والعوده عاد على الرياض حيث أن عمل زوجي يبدأ بعد يومين من عودتنا
وكان أهم شي عند زوجي الرحلات تكون دايركت مايبي مرمطه بالمطارات .
الزبده
خط السير:
جدة- كوالا – الرياض
المسافرون:
انا وزوجي
مجموع التذاكر الدوليه:
0ريال
طبعا مثل ماقلت لكم الحجز الدولي صار من بدري..
وانتهيت من حجز الطيران الداخلي قبل الرحله بشهر ونصف
كوالا- لنكاوي على اير اسيا اللي موقعهم يغث ويجيب الهم والضيق ماصدقت أخلص حجز
وطبعا تم شراء وزن اضافي للشخص 20 كيلو ب 30 رنقت..اثنينا 60 رنقت .. وتم اختيارمقعدين ب 12 رنجت..ولما جاني الفاوتشر لقيت
مكتوب رسوم راحه ب16 رنجت
عاد والله مدري وش خبصت انا بموقعهم لليوم مادري شنو رسوم الراحه اللي طلبتها..
طبعا مجموع التذكرتين مع الضرائب والخدمات كان : 286.00 MYR
الزبده: لو ادري حاجزه على الماليزيه أريح وأصرف..
لنكاوي- بينانق – طبعا اختصرت الزحمه كلها اللي صارت بموقع اير اسيا
وحجزت على الماليزيه وكان سعر التذكره طبعا مشمول 20 كيلو للشخص:
MYR 248.00
مجموع الطيران الداخلي 435 رنقت
مدة الرحله :
من 4 سبتمبر (نوصل 5 سبتمبر ) الى 23 سبتمبر .. يعني 18ليله
موزعه كالتالي :
3 ليالي سلانقور – 4 ليالي لنكآآآآآوي – 3 ليالي بينانق –
ليلتين كاميرون – 5 ليالي كوالا – ليلة بورت دكسون
انتهيت من حجز الفنادق مبكرا قبل الرحله بأكثر من شهرين
وكانت كالتالي:
سلانجور فندق ريومز 3 ليالي ب525رنقت (بوكنق)
لنكاوي فندق موتيارا ليلتين ب 622رنقت (بوكنق)
وفندق برجايا ليلتين ب 1078 ريال (اقودا)
بينانق فندق بارك رويال ع ليالي ب1686 ريال (اقودا)
كاميرون فندق دي لي فرانس ليلتين ب608رنقت (بوكنق)
كوالا فندق دورست 5 ليالي ب1380 رنقت (بوكنق)
بورت دكسون منتجع خليلها قراند لكسز ليله ب 522رنقت (بوكنق)
مجموع تكلفة الفنادق : تقريبا 7500ريال
طبعا كلها الغاء مجاني .. وكلها شامله الفطور ماعدا برجايا لنكاوي..
الفنادق اللي من اقودا اثاري خاصمين المبلغ من وقت ماحجزت..وانا على بالي من خلال قراءتي بالمنتدى
انه مجرد حجز للمبلغ..ولما نروح للفندق يخيرونا بين كاش او فيزا ..
ولكن اقودا كانوا ساحبينها وفندق برجايا وبارك رويال ماطلبونا أي مبلغ..
عكس فنادقنا اللي حاجزينها من بوكنق.. كلها دفعناها عند الوصول
للفندق عن طريق الفيزا..
طبعا زوجي ربي يخليه كان يقول الرحله كلها عشانك اختاري الاماكن
اللي ودك تروحينها ورتبي الجدول وانا معاك باللي تبين (ايه هين تبي الفكه من الجدول ) ..
هالشي كان حلو بالنسبه لي وموب حلو.. حلو لان خترت الاماكن اللي متوقعه انها تعجبنا واماكن شاورت زوجي عليها واماكن خليتها سربرايز ..
وموب حلو لان من جد تعبت تعب يعني كل شي مسؤوليتي من حجوزات طيران
الى فنادق الى تنسيق الجدول .. بس الحمدلله صار عندي خبره
كثير بالتخطيط للسفر
المهم بعد ماحجزت تخيلوا كل شي (ماعدا الطيران الداخلي) يعني
حجزت التذاكر الدوليه والفنادق وبعد مابديت احط مخطط الرحله
واكتب الجدول اليومي... بعد هالتعب كله بالصدفه زوجي راح لمكتب
الخطوط الماليزيه لان جاه ايميل مثل ماذكرت لكم .
ايميل يقول اذا تبي تسوي ابقريد للرحله
يعطونه خصم 75%..ف راح يستفسر وقصده يرقي الدرجه.
المهم دق علي من المكتب يقول لي
زين اني جيتهم..قلت ليه؟ قال ابد لو تأخرت كانوا راح يلغون الحجز لانك
مسويه حجزين ولو اكتشفوا كنسلوا الاثنين(دنا غلبانه بس من جد شلون صارت حجزين ليومكم هذا
مادري يمكن فصل النت علي فجأه وعدت الحجز..مدري ناسيه زهاييمر مبكر جعله مايجيكم ) .
والهندي اللي بالمكتب قاله لو اكتشفوا هالشي كنسلوا الحجزين.
(بس مدري شلون يكنسلون الحجز وهو مدفوع ..عاد مدري يمكن الهندي يبي يسوي فيها ) ..
الزبده يوم قالي زوجي واء بغيت اصيح..قلت زين والله انك رحت من حسن الحظ ..
التجهيزات للسفر:
  • الشنط حاولت اقلل ملابس قدر الامكان عشان اخلي مكان للهدايا وقت الرجعه
  • جهزت الكاميرتين الفديو والديجيتال وشحنتهم
  • شرينا ميموري اضافي للكاميرا 16قيقا تقريبا ب130 من جرير.

وترى ماستخدمتها لأن كفتني ال16 قيقا الأولى اللي موجوده بالكام
  • شرينا 5اشرطة فيديو بقيمة 50ريال..استخدمنا 3 فقط
  • من الصيدليه تم شراء سن بلوك طبعا هالنوعيه ممتازه حمايته 100% بقيمة125ريال

وشرينا مثل مو مبين لاصق طارد للبعوض ب40ريال..
  • صرف زوجي 5الاف ريال الى دولارات ورنقت وجابت لنا:

0دولار ب 4125 ريال
و 683 رنقت ب 874 ريال
طبعا تحسفنا ان ماكثرنا دولارات
ولما خلصت الفلوس كنا معتمدين بالصرف على الفيزا وعلى السحب من صرافات الراجحي المتوفره هناك
الكاميرا المستخدمه لوميكس باناسونيك موديل DMC-FH22
حلوه وبطاريتها ماتخلص بسرعه يعني ولا مره ولله الحمد خلص الشحن علي
اصعب نقطه واجهتنا في السفر
وداع اولادي حبايب قلبي اللي عمري ماتركتهم وسافرت..ودعناهم الله وتوجهنا للمطار
وهنا بالطريق للمطار
وصلنا المطار من بدري الساعه 4 العصر ..كان اقلاعنا 6ونص المغرب.. شحنا العفش
ورحنا للانتظار امام البوابه المحدده..
والحمدلله ركبنا الطياره بسلالالام
الطيران الماليزي حلو ويعيبه صوت الموسيقى
(تعودنا على دعاء السفرعلى خطوطنا ) .
وزعوا الهيدفون
وبعد شوي وزعوا كرت الدخول وعبيناه..
قدموا عصير ومكسرات
ثم بعد شوي قدموا الوجبة
انتظروني في الجزء المقبل،،
  • مع موقف طاقم الماليزيه حينما أراد جماعة من السعوديين أن يصلوا المغرب جماعة !!
  • انطباعي عن رومز هوتيل.

أختكم / أم فهد ،،


التعليقات (9)
مشاعر طفل
مشاعر طفل
  1. وصار موقف سخيف بعد،،

  2. دخلنا الغرفه على الساعه 11 كذا . صورتها لكم


نكمل،،
من المواقف اللي صارت بالطياره،،
اللي قدامنا سعودي وزوجته.. زوجته صورت المضيفه وطلع فلاش على جهة المضيفه .. وتلتفت عليهم المضيفه وبصوت عالي:
يو تيك ماي بكتشر .. يو تيك ماي بكتشر.. يوكانت تيك ات .. وتنافخ .... شوي اخذ زوجها الكام قامت المضيفه تقول دليت ات بليز.. ومسحها ووراها انه مسحها.. وراحت.. بس ماعجبني تصرفها خلت الكل ينتبه ..

وصار موقف سخيف بعد،،

زوجي قام يتوضأ وجا جلس يقول مكان الصلاة مليان.. شوي نسمع اصوات عاليه.. اثاري مساكين سعوديين يبون يصلون المغرب جماعه.. وجوا المضيفين فرقوهم وقالوا ممنوع..لازم واحد واحد.. ومن زود الوقاحه تخيلوا شغلوا علامة ربط الاحزمه..والطياره هاديه لامطبات هوائيه ولاشي..والله خلوها شغاله اكثر من ساعتين والوضع هادي .. قال زوجي هذي حركه منهم عشان يمنعون الناس تصلي جماعه..والدليل انه ماكانوا يمنعون الناس تروح دورة المياه.... مره قهر والله
المهم زوجي مسكين كل مامر مضيف قاله ابي اصلي قال لحظه فيه واحد يصلي اذا خلص قلت لك.. والله العظيم يمكن 5 مرات وزوجي يكلم المضيف او المضيفه.. كل مامر واحد كلمه .. اخر شي قال خل نصلي مكانا.. وصلينا قاعدين بمكانا..
ومر الوقت و ماطب النوم عيني.. والساعه 1 جابوا العشاء
كنت انتظر الخط الفاصل بين الليل والنهار و شفته..سبحان الله
عاد قولوا الصدق زين تصويري والا ماش؟ .. حسيت اني فيني موهبة تصوير احترافي مدفونه.. بس الكاميرا ماساعدتني
وهنا بدأت تظهر لنا ماليزيا ..
وهبطنا بسلام ولله الحمد..ونزلنا للمطار وتمت اجراءات الدخول بسهوله الحمدلله.. ولكن تأخرنا في انتظار العفش مايقارب النصف ساعه او اكثر قليلا
ماصدقنا ناخذ الشنط ومشينا.. لقينا محل التاكسي وسألتنا الموظفه على وين قلنا لها رومز هوتيل ماعرفت قلت لها صوبانج جايا وعطيتها الفاوتشر قالت 167 رنجت.. مدري ليه مع ان قالوا لي مايزيد عن 90 رنقت .. المهم دفعنا
وراح زوجي هوت لينك شرا شريحه.. يوم جا قلت بكم قال 20 رنقت قلت افا ليش غشوك مفروض ماتزيد عن 9 قال والله مدري عنهم نسى اني قايلة له ب9 رنقت..قلت يمكن مشحونه قال لا مافيها الا 2رنقت.. بعد 3 ايام زوجي شرا لي شريحه من هوت لينك (من مطار اير اسيا ب 8,5 رنقت ) مدري ليش غشونا مع انه من الشركه نفسها..
المهم رحنا للتاكسي وكان مرسيدس وقلت يمكن عشان كذا غالي..
التاكسي بالبدايه مادل مكان الفندق قلنا له تايلر يونيفرستي ماعرف بعد ..طلبنا رقم الفندق وعطيناه من الفاوتشر..بعدين عرف وين..
والآن مع اليوم الأول لنا بسلانقور:
وصلنا 10 الصبح الفندق تعبانين ومرهقين ..
للوهله الأولى انسدت نفسي وقلت وش هالمكان اللي جينا فيه..وانتظر اي علامة تعجب من زوجي وزحمة من طلاب الجامعه اللي جمبنا
قال زوجي
حاجزة لنا مع سكن الطلاب؟
قلت وش دراني ماكنت ادري انه مع السكن..أثاري الفندق يقع مع السكن
المهم رحنا للرسبشن عطيناهم الفاوتشر وخيرونا بين الدفع مقدم او عند التشك اوت ودفع لهم زوجي مقدم بالفيزا .. ماطلبوا تأمين ..يمكن لأن الثلاجه فاضيه..
وقعدنا ننتظر.. شوي جا واحد منهم قال لنا الغرفه موب جاهزه تجهز الساعه 2الظهر.. اذا تبي تخلي الشنط وتروح مكان لين تجهز الغرفه .. قال زوجي انا تعبان بنتظر هنا ماعندي مكان اروحه حاليا..
قعدنا باللوبي ننتظر ودخلنا على النت اللي كان مجانا ..واخذت كم صوره للوبي اللي مفتوح عليه مكان الفطور
هنا الرسيبشن:
وجمبه بالضبط الفطور(صورت جزء من الرسيبشن عشان تشوفون شلون مافيه مسافه) :
شوي جا واحد منهم ..شكلهم حنوا علينا .. قال فيه واحد كنسل حجزه وبنعطيكم الغرفه حقته دقايق ينظفونها وتكون جاهزه..
وفعلا شوي وقال لنا تفضلوا الكرت حق الغرفه
اول ماوصلنا للدور اللي فيه الغرفه..ابد حسيت اننا بسجن ورايحين للعنبر حقنا
ايه لاتلومونن شوفوا المنظر
ماعاد الا يوزعون لنا لبس المساجين
لا وممرات الفندق التهويه فيها جداا سيئه مره مكتوم وريحة رطووبه مره مره
وهنا رقم العنبر حقنا

دخلنا الغرفه على الساعه 11 كذا . صورتها لكم

ونووم الى 9 بالليل ..صحينا صلينا ..ولبسنا ونزلنا نبي عشاا ونبي نكتشف المنطقه المحيطه بالفندق..سأل زوجي اللي بالرسبشن وكان طالب جامعي روسي جدا محترم اسمه دمتري.. قاله ابي فاست فود قال فيه ماكدونالدز قريب من هنا 10 دقايق مشي.. وصف لزوجي وقال اذا تبي توصيل تراهم يوصلون..قلنا لامانبي شكررا بنروح له
طلعنا نستكشف المنطقه المحيطه بالفندق
طبعا ملاصق للفندق ستاربكس
وهذا الممر امام الفندق وحوله مطاعم وبقاله ومحلات :
لقينا سوبرماركت سفن ..باسكن روبنز ..ستاربكس ..بريد ستوري ..صب وي
وفيه مغسله لمن يهمه الأمر..والا انا ما أأيد شغلة المغاسل
نهاية الممر مطاعم الظاهر ماليزيه وصينيه
وهذي البحيره خلف الفندق ..تفصل بين سكن الطلاب والجامعه
بعد الاستكشاف رحنا على وصف دمتري نبي ماك.. ماعرفنا وين
شوي الا نشوف مكان الباصات ..فيه باصات مجانيه تابعه للجامعه .. وفيه باصات بسعر رمزي مثل اللي بالصوره
قاله زوجي له توصل لبيراميد.. قال ايه قلنا له وفيه ترجيع قال فيه بس الحين هذي اخر دفعه اوصلها ومافيه ترجيع خلاص انتهى الدوام..كانت الساعه 10.. قلنا زين اهم شي اخذنا فكره
رجعنا الفندق لدمتري قلنا له اطلب لنا.. دق عليهم والظاهر تلفونهم خربان.. ياليل الشقى
قالي زوجي اقعدي باللوبي بروح مع دمتري يوريني من وين الطريق.. قلت اوكي..
شوي ورجع دمتري لحاله وانا فيني الصيحه وين بعلي ..جا قالي يور هازبند ويتنق يو قرقرقرقرقر.. عاد هذا اللي فهمته قلت اوكي .. وانا مادري وين الله حاطني..ايه فهمت ينتظرني بس وين..طلعت لفيت شوي مالقيت زوجي وخفت اضيع ورجعت حق دمتري.. قلت له كلمه وحد.. وير؟
المهم فهم علي قال يو ونت مي أوصلك
.. قلت يس ولاعليك امر
مسكين وداني الله يهديه للاسلام ..واشوف بعلولي من بعيد يأشر لي واقول بنفسي لاياشيخ
يوم جيته قلت بليز لاعاد تتركني افرض اني مافهمت وش يرطن..الحمدلله بس ان ثقافتي انجليزيه
مشينا لماك يمكن 10 دقايق تقريبا مشي..
هذي الجهه مقابله للمطاعم اللي اقولكم ماليزيه وصينيه..وماك يقع في الجهه المقابله:
هنا بالطريق
قربنا
وصلنا..وطبعا كان ماك بالمحطه
تعشينا ب20رنقت (19 وشوي)
وحنا راجعين قال زوجي باخذ لدمتري هديه..ياذا الدمتري .. قال يبي له باسكن روبنز لقيناه مسكر..
ورحنا بقالة سفن شرينا عصير وبسكوت ب3رنقت وعطاها دمتري وطلعنا للغرفه بغينا ندخل نت بس الشبكه احيان تشبك واحيان لا ..
قلت لزوجي خل ندق على شاهرون السواق اللي ماخذته من المنتدى..نتفق معه حق بكره
دق عليه قال انا في بينانق موب سلانقور بس برسلك رقم واحد
وارسل لنا رقم واحد اسمه جاك دقينا وقلنا له حنا في سلانقور نبي نروح بوتروجايا بكره قال وين ساكنين قلنا له ريومز ماعرف وقال عطوني رقم الفندق وعطيناه وكل شي... اخر شي تدرون وش قال
قال انا بكاميرون .. ابو الفهاوه ياشيخ صح النوم
المهم شوي دق علينا واحد اسمه هاشم قال انا بسلانقور وبوصلكم (شكله من طرف شاهرون) واتفقنا الساعه ب25 رنقت ويجينا الصبح على 11 ..
وهذا منظر من الشباك ويظهر سكن الطلاب :
وهنا
ونمنا استعدادا لبكره،،
المصروفات لليوم الأول:
7مشوار التاكسي + 20 شريحة + ماك 20 + سفن 3 =210 رنقت
نكمل في وقت لاحق،،

مشاعر طفل
مشاعر طفل
نكمل مع اليوم الثاني بسلانقور،،
صحينا بدري على 6 شبعانين نوم.. ونزلنا اللوبي على موعد الفطور 7
طبعا مكان الفطور فاضي
ومره صغير
مافيه غير 4 طاولات طعام..كل طاوله ب4 كراسي
والفطور كل ال3 ايام اللي قعدنا فيها كان نفسه ..ماغير توست ونوع كب كيك ونوعين فطاير.. ونوعين عصير..وجح وشمام مالهم طعم
وفيه نوعين اكل صيني او ماليزي
مره قليل وغير متنوع
وهذا فطوري
بعد الفطور قعدنا شوي برا فيه جلسات بلاستيك
وهذا منظر البحيره
مشينا شرا زوجي شحن ب10رنقت من محل قدام الفندق.
المهم ودقينا على هاشم.. قال انا رايح بينانق برسلك صديقي اسمه فيجي .. قاله زوجي اجل خل يقدم الموعد على 9 قال زين..
وننتظر هالفيجي وننتظر بالاخير ما جا سحب علينا..
قال زوجي وش فيها بوترجايا ؟
قلت ابد مدينه زينه صناعيه مرتبه مافيها الا بحيرة ومسجد ومعالم مثل مبنى الرئيس وهيك اشياء..بس ترى يمدحون بيراميد اكثر ودك نروحه قال مالنا خيار
ونروح للباصات وناخذ تكت اثنينا ب3رنقت
وصلنا تمشينا و قعدنا ندور محل صرف اخبر قايلين فيه كشك بالبرميد.. بس ماعرفنا وين.
هذي كم من صوره للمول..مابي اكثر صور وتملون
وشفنا فوق بالدور الاخير ماي بانك.. ونروح له وصرف زوجي 200 دولار الى 583 رنقت
للبنات اللي يسألون عن صبغ الشعر
شفت جمب البنك محل اسمه الصالون
سلميهم شعرك ونآآآآآآآآآآمي
شرينا اغراض من السوبرماركت اللي بالدور الارضي ب27 رنقت
وشريت اغراض من محل ب268 رنقت
وتغددينا بابا جونز ب57 رنقت
فوتشيني وبيتزا بالجبن يم لذيذه وحلقات بصل ياربي عليها طعم مدري شلون ماكليناها اللهم لك الحمد
وطلعنا من المول لمكان انتظار الباصات وجا بعد ربع ساعه..وكان الباص المجاني حق طلاب الجامعه ومكتوب عليها (تايلور) اسم الجامعه(هذي صورته عند مكان الباصات اللي بجمب الفندق)
ورجعنا للفندق ونوم لين 7.. للحين ما انتظم نومنا
وصحينا ماعندنا مكان نروحه ورجعنا للبيراميد شرينا شحن ب10 رنقت ومويه ب7 رنقت وشوز لان شوزي مره تعبني ب70 رنقت..وجوس ب 8 رنقت..وطلعنا ننتظر الباص أبطى ماجا..يمكن نص ساعه ولا جا..
واستاجرنا تاكسي من الكشك الموجود امام المجمع ب9رنقت
رجعنا اللوبي وكان فيه بالرسبشن دمتري..قاله زوجي نبي نقص الصن واي اونلاين واستغرب ان فيه اونلاين ..قاله زوجي انا بحجز بس ابي تطبعونه لي لاحجزت قال اوكي
وحاولنا نحجز مره ماقبل لما نوصل للدفع بالفيزا يصير ايرور
قلنا خلاص موب لازم
ورجعنا نوم استعدادا لبكره للصن واي
المصروفات اليوم = 469 رنقت

مشاعر طفل
مشاعر طفل
نكمل مع اليوم الثالث بسلانقور،،
قعدت بدري على 6..كتبت تقريري حق البارح..
ورتبت الشنطة حق الصن واي..وشحنت الكام ..
وكويت ملابس زوجي..
زوجي قعد على 7ونص.. حطينا الاغراض المهمه.. جوازاتنا وفلوسنا والاي باد والفاوتشرات والحجوزات كلها بالسيفتي بوكس.. ودعناها الله ..ونزلنا للفطور
وتمشينا شوي عند البحيره
وعلى 9ونص رحنا مكان انتظار الباص..وركبنا كان الباص المجاني..
والساعه 10 مشينا للبيراميد..
دخلنا المول وطلعنا على الصنواي
وكان فيه ناس بس موب كثير زحمه.. مسك زوجي سرا..
وانا وقفت بطابور ثاني..بالاخير لا اللي عندي ولا اللي عند زوجي فتحوا الشباك .. نحاسه
ويروح زوجي يمسك طابور ثاني
اخذ ربع ساعه وجاب ساعتين ب200 رنقت والتأمين اكيد 20رنقت
ورحنا وقفنا بالطابور عند مكان الدخول.. وبعد العرض الراقص الترحيبي فتحوا الصن واي الساعه11.. وكانوا يفتشون على الاكل بس مانتبهوا اني حاطه شيبس وماي
اول شي مشينا على الجسر المعلق
وبعدين رحنا للدبابات حلوه و مسليه
كل اللي راكبينها سعوديين وحطينا الشنطه بالسيفتي بوكس اللي بجمب الدبابات ب5رنقت..
طبعا يمشي القائد قدامك وبعدين وراه 6 دبابات
هذا القائد يعطينا التعليمات
انا كنت ورا القائد.. عاد من سوء حظهم خلوني وراه لأني عطلت السير
لان يخوف شوي تطلعين مثل الجبل مو عالي كثير وشوي تنزلين منحدر ويقول لاتضغطين بنزين الدباب يدحدر من حاله..يماه خفت اطيح
حلوو بس فيه شوي خوف
وبعدها رحنا للقارب مدري شسمه اللي نحركه برجولنا.. وراح زوجي يجيب الكام ..ودفع 5 رنقت مره ثانيه لان موب مسموح بفتح السيفتي بوكس الا مره وحده اللي هي لما تاخذ اغراضك كلها وتروح..
ركبنا القارب حلو بس شمس مره ذبحتنا ورجعنا بسرعه ..
شرينا ماي ب3 رنقت..بعدين صرنا نشرب من البرادات اللي منتشره بالملاهي
فرينا الصن واي كلها..بس مالعبت شي..أول زحمه وطوابير
ثانيا العابهم مره تخوف .
رجيت زوجي ابي السفينه وينها ..يوم وصلنا الا اشوفها تنقلب..غير عن سفينتنا ياحليلها
وانا اللي أهون مابي اركب قال زوجي يلا عاد خل نركب ..قلت ابد نو وي لاتحاول تبي تركب رح أما انا نو مقدر
رحنا تغدينا ماري براون ب22رنقت
وراح زوجي بدل ملابسه وحط اغراضه بالسيفتي بوكس اللي عند الالعاب المائيه..
دفع15 رنقت وكان يفتح ويسكره على كيفه قال لو ادري كان من اول حطيت اغراضي فيه
كان نفسه زوجي يجرب الالعاب المائيه بس زحمه مره مره.. وراح يبي يركب الحبل اللي معلق مع الجسر.. بس بعد زحمه
ومر الوقت وطلعنا الساعه 5 من السن واي..عطيناهم الساعات ورجعوا لنا ال20 رنقت
ورحنا للبيراميد
تمشينا شوي وشرينا دونات وكوفي من المحل اللي يمدحونه j.co
ب29رنقت
ورحنا ماي بانك صرفنا 300 دولار الى 875رنقت
والساعه 7 طلعنا انتظرنا الباص وكان مجاني ورجعنا الفندق ونوم من التعب
المصروفات اليوم = 279 رنقت
نكمل غدا ان شاءالله مع المحطه القادمه
لنكآووي

مشاعر طفل
مشاعر طفل
  1. ورحنا للكشك حق تذاكر التاكسي وقالت لنا المشوار لموتيارا ب24 رنقت..

  2. ركبنا مع ماليزي مسلم خلوق اسمه محمد بعد..

  3. طلعنا من الموتيارا وشفنا مكان تأجير سيارات ودباابات ..


نكمل مع اليوم الرابع في وداع سلانقور والذهااب الى الساحره الجميله البديعه لنكاوي،،
استيقظنا عند الساعه 7.30 ورتبنا الملابس والشنط ونزلنا للفطوور عند الساعه 8
ثم سأل زوجي الرسبشن عن سعر التاكسي للمطار قال موب متأكد بس بحدود 60 – 100 رنقت
فذهب زوجي للتاكسي اللي برا الفندق قاله بكم توصلني لمطار ايراسيا قال اوصلك ب65 رنقت.
واتفقنا معه على 9ونص يجيبنا
هندي اسمه كاني
وهذا كرته
وجانا على الموعد
المطار شوي بعيد حول ساعه الا ربع
وصلنا بفضل الله حول 10 وثلث كذا ودفعنا له 65 رنقت ..وطلبنا 3 رنقت حق اللي دفعها بالخط..عطيناه
قصينا بوردنق من الخدمه الذاتيه
وشحنا العفش
لفينا المطار وشفنا المطاعم ماري براون وماكدونالدز وكنتاكي وباسيج ثرو انديا وكوفي بين وستاربكس..
شرا لي زوجي شريحة هوت لينك ب8.5 رنقت
وشبكنا شوي على الوايرلس المنتشر بصالات المطار..
ورجعنا تغدينا بالمطعم الهندي:
اخذنا برياني ب18 رنقت الوجبه وماي ب4 رنقت وبيبسي ب5 رنقت كله ب45 رنقت..
وفيه بالمطار صرافين محلين شفتهم..
بعد الغدا انتظرنا بالصاله جوا
واخيرا اقلعنا بعد طول انتظار وكلنا شوق وحماس للنكاوي من كثر ماقرأت عنها بالمنتدى
كان ودي اصور لنكاوي وانا بالطياره بس للاسف كل اللي من شباكي بحر ..الجزيره كانت من الجهه الثانيه.
وصلنا بحمد الله
بس السعوديين رهيبين محولين الطياره معلم سياحي.
واحد قاعده تصوره زوجته قدام الطياره..صار كل اللي ينزلون يوقفون يتصورون
ونزلنا ننتظر العفش..قلت لزوجي شف اللي نحجز من عندهم المانقروف فاضيين خل نروح قبل لايجون الشعب
رحنا أول واحد قال 300رنقت..قلت لزوجي زين سعره بس خل نشوف لو فيه ارخص..
ورحنا لواحد اسمه محمد ماليزي مسلم بشوش قال لنا 280 مع توصيل من والى الفندق..
قلت له ابي برايفت ايلاند قال اوكي مو مشكله..ٌقلت اكتبها بالورقه ..
وسألناه له كم مدة الرحله قال 3 ساعات قلت خلها 4 مع البرايفت قال اوكي (امحق ..لابرايفت ولاهم يحزنون .. تابعوني وتشوفون)..قلت اكتب بالورقه 4ساعات وكتبها (وكثيره ماكملناها حقها ساعتين ونص )
اتفقنا يجينا التاكسي الساعه10 الصبح..
سألناه مشمول الغداء..قال لا بس اذا تبون الشخص ب25رنقت ووراني صور المطعم اللي تذكرته من تقارير الاعضاء..قلنا نو ثانكس مانبي ..كفايه شكل المطعم مايأهل أبد..
قال لزوجي شف نصيحه اذا تبي تستأجر سياره أوفر لك من هالتكاسي.. أي مشوار اقل شي ب20 رنقت..واحسب كم مشوار يبي لك باليوم
وقاله بعطيك سياره ب50 رنقت ..اقتنع زوجي بالفكره...بس قال اذا بغيت استأجر بكلمك
وهذي الورقه حق المانقروف
وهذا كرت محمد

ورحنا للكشك حق تذاكر التاكسي وقالت لنا المشوار لموتيارا ب24 رنقت..

ركبنا مع ماليزي مسلم خلوق اسمه محمد بعد..

وقعد يسولف مع زوجي..وزوجي كان يقوله ان التكاسي فيهم استغلال لما يعرفون انا سعوديين يغلون السعر علينا..قال انا والله ماني كذا..انا أعطي اي مسلم سعر أرخص من السعر اللي فارضته علينا الحكومه..وتقدر تجربني وتشوف.. بس ماعاد ركبنا معه..بس كان مره محترم وخلوق
وصلنا لموتيارا على 4 العصر.. وبالرسبشن عطيناهم الاسم ..وكانوا ساحبين نص المبلغ..وقالهم زوجي..وقالوا لنا خل نراجع الاوراق وبعدين نتحاسب..قلنا اوكي..وما طلبوا تأمين
الموتيارا من الوهله الأولى ينحب..عكس اللي مايتسماش
وأول ماوصلنا الغرفه والرجال قاعد ينزل عفشنا بالغرفه..ألا التليفون يدق ورد الرجال اللي معنا.. قالوا له خل يجون يدفعون لقينا الاوراق..
حطينا العفش وردينا للرسيبشن دفعنا ودايركت على الشاطيء
واو لحظات كنت انتظرها من 3 شهور
عشقتها قبل اشوفها..ويوم شفتها حسيت اني بحلم
ما ابالغ لنكاوي غير غير.. حتى زوجي مره مره حبها قال ليتك حاذفه سلانقور من الخطه ومخليه المده كلها بلنكاوي..قلت أي والله ياليت
زوجي
من كثر ماحبها قال ابي اشتري ارض هنا وابنيها ونجي كل صيفيه..
قلت ايه هين يا الوليد
خل ناخذ لنا ارض بالسعوديه ونبنيها ثم نفكر ناخذ هنا
بوفهد ماقدر يقاوم جمال الشاطيء والبحر قال ابسبح وردينا الغرفه بدل ملابسه ونزل يسبح.
وانا قعدت على الكراسي المقابله للشاطي معي دفتري وقلمي وتفجرت القريحه الشعريه حينما تذكرت ابنائي فهد وسعود وتمنيتهم مع ابوهم يسبحون..
ودعتك الله يافهد ،، لا أوصيك .. على سعود أخوك تدير بالك
ودعتك وقلبي من الشوق يبكيك .. يبكيك قلبن كل كله فدالك
كم مرتن يافهد اسرح أنا فيك .. ويقطع خيالاتي (ياهيه وين بالك؟ )
عيت طيوفك لاتفارق محاكيك .. ارقد مع طيفك وأصحي ب خيالك
كل ما اشوف أطفال ودي أنا اجيك .. بي لهفتن أكبر من اللي طرا لك
اشتقت لعيونك لصوتك لماضيك .. اشتقت لحظات العناق ووصالك
متى تخلص رحلتي وألتقي فيك .. يا اغلى من عيوني ابا اشوف حالك
مو بس أنا حتى أبوكم يحاتيك .. تعال شوف بشنطته وش شرا لك
سافرت دونك بس ماعاد أخليك .. إما معك والا ابقعد قبالك
طلع زوجي من البحر وأشر لي .. ورحت له تمشينا عالشاطي.. في لحظات أشبه بالحلم. شاطيء رملي نظيف ناعم جميل
وصلنا لحدود شاطيء البرجايا., ورجعنا..ويقطع جمال اللحظات هالمنظر
لقينا المفتاح حق غرفتنا طايح ههه قال لي ابوفهد افا من الحين ضيعتي المفتاح
..قٌلت يمكن طاح يوم كنت اكتب
ولقينا جت تابع للفندق نص ساعه ب130 رنقت.. بس ماركبنا أجلنا لين بينانق وليت ما أجلناها
بعدين طلعنا من البحر ورحنا نستكشف الموتيارا لفيناه لف ابي أدور وين السرير اللي معلق بين الاشجار ولكن خساره ماشفناه
وشفنا هذي بداله
ولقينا مكان للمساج وسويت مساج لرجليني متكسرات من السن واي البارح
المساج للقدم مع الساق ب 45 رنقت.. لمدة ثلث ساعه ..وقدموا لي شاي زنجبيل ولزوجي بعد..
وكملنا استكشاف وقلت لزوجي خل نشوف وين مزرعة الخيول..

طلعنا من الموتيارا وشفنا مكان تأجير سيارات ودباابات ..

وزوجي تعلق قلبه بالدباب سألهم بكم قالوا 40 رنقت قال الساعه قالوا لا 24ساعه واو بلاش حاول فيهم بوفهد يأجرونه بس ابد عيوا مره ..يقول لازم رخصة قيادة دباب لو مسكتك الشرطه تغرمك 500 رنقت وتغرمني 500 رنقت.
طلعنا من الموتيارا ونشوف لوحة مزرعة الخيول
وهذي حق اوقات دوامهم
مشينا وصلنا للبرجايا ..انا على بالي انها بين برجايا وموتيارا..اثاريها بعد البرجايا
ورجعنا للموتيارا وشفنا مكتب حق التكاسي وقلنا لهم كم التوصيل لين ماك..قالوا ماك بمنطقة كواه والتوصيل ب30 رنقت ذهاب و30 عوده..قلنا يله منها نشوف كواه ونتعشا ونرجع..ودانا مجمع لنكاوي فير مره رديءماعجبنا..هذي صوره من المول
بس شرا زوجي نظارة سباحه ب 50رنقت ..تمشينا شوي وشفنا هالكماده أخبر وحده من البنات تسأل عنها..ب25 رنقت بس ماشرينا
اللي باليمين جديده.. اللي باليسار مستخدمه ..تضغطين شي مثل الحديده جوا. وتصير حاره
ورحنا ماك تعشينا ب21 رنقت..ودقينا على السواق مره محترم اسمه عبدالرحيم ..وجا على طول كان بانتظارنا..وسوالف بالطريق مع زوجي..عاد اسمع زوجي يقول لو واحد يبي يشتري ارض هنا..يقدر؟ قال ايه عادي..والله ابو فهد تعلق من جد
وصلنا الفندق وكان حساب التاكسي 72 رنقت مع الانتظار..
ونوم من التعب..كانت الساعه حول 10
المصروفات لليوم =613 رنقت
انتظروني غدا ان شاءالله مع تجربة زوجي باستئجار السياره
أم فهد،،

مشاعر طفل
مشاعر طفل
صور من شاطيء الموتيارا نسيت انزلها أمس،،
وهنا يظهر البرجايا،،
وهنا في الجزء الاخر من الموتيارا شاطيء صخري
اليوم الخامس لنكاوي،،
استيقظنا شوي متأخرين على 8.30.. افطرنا وكان الفطور زين بس الكام بالشاحن
واصلا زحمه ماراح اقدر أصور
بس صار موقف عائله سعوديه حطوا صحونهم بالطاولات اللي برا وراحوا يجيبون بعد
الا جا القرد اخذ التوست وراح
جت المره واضح انها مستغربه وتناظر
..طبعا انا كنت بالطاوله اللي قريبه منها بس جوا موب برا
قمت لها وقلت ترى جا القرد واخذ التوست قالت لي ايه انا اقول فيه شي ناقص
بس حرام يمكن شعره من شعرات القرد طاحت بصحنها قلت لازم اقولها عشان تبدله
فطرنا ورحنا للرسيبشن سألهم زوجي كم التوصيل للتلفريك قالوا 8 رنقت
وطلعنا للتاكسي اللي برا قال 6رنقت ورحنا معه
ودخلنا القريه الشرقيه
دفعنا حق شخصين 60 رنقت..
يعطونك بطاقه ترجعها لهم لما تنزل
الحمدلله ماكان زحمه.. كان فيه مجموعة معلمات وطلاب جايين من تايلاند
قلت والله حلو ..رحلات دوليه يسوون لهم بعد..واحسرتاه
ركبنا وركبوا معنا 3طلاب صغار و معلمتهم تايلنديه مسلمه..
وسوالف انا وياها وبوفهد لين وصلنا المحطه الاولى ونزلنا..وهم كملوا لين فوق..
بالمحطه الأولى كان فيه كشك حق اليد اللي بالشمع.. وينادي علينا بالعربي: تعال سو شمء شهر أسل
قال زوجي انا عندي ولدين قال اوه شهر بصل ههه بس حلوه منه هو ونطقه
وبعدين انتظرنا المركبه لين جت وكانت فاضيه مابها احد
وطلعنا للمحطه الثانيه اللي فيها الجسر المعلق
وهنا منظر من التلفريك
الجو كان مره نايس وضباب
ونزلنا ورحنا الجسر المعلق بس مره متعب الدرج ياربي ..
وهذا من الجسر
وحنا راجعين هندي وأمه وأبوه الشيب مالي روسهم ماشاءالله رايحين للجسر..عاد انا رحمتهم اقول الله يعينهم على الدرج
قام زوجي يقول ميد الهندي: يور مذر يونقر ذان ماي وايف
قام ضحك الهندي قال كاري هير.. افا يابوفهد تتمهزا علي
المهم نزلنا الحمدلله والا التلفريك صار طوابير وزحمه
قلنا الحمدلله اللي جينا مبكر
وهذي من البحيره اللي قدام التلفريك..تمنيت اشوف ضفدع عليها يطامر من ورقه لورقه
مرينا على ركوب الفيل قالوا مية رنقت اذا مانيب واهمه..مشينا مادخلناه
ورحنا مشي للشلالات اللي بجمب التلفريك..لقينا يبيعون جوز هند..
قلت واو اخيرا لقيته هذا نفسي اذوقه من كنت اشوفه بالمنتدى..
وشرينا حبه ب4رنقت وماي برنقت ونص
ويوم ذقته ياربي لك الحمد ابد مو شي .. ماي مع نكهة جوز هند..ولا به حلا ولاشي
ما قدرت اشربه.. قلت لابو فهد عليك بالعافيه كملها .. قال اشربي قلت نو مقدر
قمنا وخليناها
ورحنا للشلالات مره تعب هذا وحنا ماطلعنا للبعيد..رحنا الشلال اللي
قريب
قربنا
وصلنا
بس بصراحه رائع سبحان الله ..يستاهل التعب قعدنا يمكن نص ساعه ورجولنا بالماي الباررد يجن راح كل التعب..
بس بوفهد مسسكين زلق بس الحمدلله ماتعور..بس طاحت كاميرا الفيديو ودخلها ماي شوي ولما رجعنا الفندق فكيناها خلينها تنشف..
ف انتبهوا الحجر اللي بالشلال يكون فيه لزوجه شوي
وطلعنا من الشلالات متكسرات رجولي قلت لابو فهد تراي ماقدر امشي ولا خطوه زياده
ولقينا تاكسي عند التلفريك..ورجعنا للموتيارا ب8رنقت
ارتحنا شوي بالفندق..
والساعه 2 دق زوجي على حق المانقروف وقاله ابي السياره اللي قلت لي ب50 رنقت
والساعه 2 وثلث جابوها لين الفندق.. سياره ماليزيه قديمه ..تمشي الحال
طبعا زوجي ماعنده رخصه دوليه..بس عادي برخصته العاديه
ودفعنا له150 رنقت حق 3 ايام..و50 رنقت تأمين..واتفقنا نسلمها بالمطار
بوفهد يقول اكتبي لهم اني انصح أي واحد يستأجر سياره أوفر وأحلى والقياده سهله..والحلو بدون عداد
ومن الساعه 2وثلث وحنا ندوج بشوارع لنكاوي..معنا الخريطه..وماشيين من مكان لمكان مارجعنا الموتيارا الا الساعه 7 المسا
اول شي عبينا بنزين من محطه قرب فندق ذا دانا 10 لتر ب19رنقت
عقب قال زوجي ها يامرشدتنا وين تبين؟ قلت الفورملا
ونمشي على موقعها بالخريطه لين وصلنا.. بس ضيعنا شوي لان زوجي يقول مكانها مو واضح كثير بالخريطه
وصلنا
كنت ابي كل واحد ياخذ سياره..الشخص ب37رنقت
بس زوجي قال لا انا مابي اسوق خل ناخذ السياره اللي يركبونها اثنين..قلت يلا
واستأجرناها ب60 رنقت..
طبعا الحرمه اللي أجرتنا قاعده تقول نو تفحيط نو تصادم..غرامه 50 رنقت..قلت سمعا وطاعه سيدتي هات المفتاح بس
وهذا خط السير..لك 10 دقايق يعني حول 4 الى 5 لفات..حنا عطونا 5لفات
ونعبي هالبيانات
وبعدها نروح للسياره ونلبس الخوذه مدري شسمه ..
وانا عشاني لابسه عباة ونقاب قامو لبسوني جاكيت بعز الحر .. لا والجاكيت له قبوع وقال لازم تلبسينه ..يعني شيله ونقاب وفوقهم جاكيت وقبوع وخوذه ياطلع علي شكل ههه.. الظاهر خايفين على نقابي لايطير مع الهوا..
الفورملا حلو بس خربها الشمس ذبحنا الحر
وبعدها طلعنا زوجي يقول ماغثه بالسواقه الا هذول...ياكثرهم
بعد الفورملا قلت له بوديك مطعم مره جميل يمدحونه بالمنتدى.. جمب الاكواريا..
مشينا على الخريطه رايحين جهة الاكواريا.. وندور المطعم الهندي بابا دام
اثاريه جمب الاكواريا بالضبط..هذا اكواريا يسار وهو يمين
المطعم متواضع تصميمه
طلبنا شوربة كريمة دجاج وبرياني سمك وايدام حمص ودجاج ماسالا و2كولا و2 خبز نان كله ب119 رنقت
بس يم لذيذ أكلهم وقلنا نبي نجيه مره ثانيه..
بعدين مشينا لنصب النسر.. بمنطفة كواه ..وللأسف كانوا يشتغلون فيه وممنوع الاقتراب
وبعدها رحنا لمجمع جت بوينت نبي دراهم ..فلسنا..بس سعر الصرف كان غالي
وقال زوجي خلاص فيه صراف بالمحطه القريبه لموتيارا..وحنا راجعين نمره
شرينا ايسكريم
وحنا بالطريق راجعين للمحطه شفنا لفه ودخلنا منها
وقفنا سيارتنا الجميله
ونزلنا نتأمل جمال لحظات الغروب في لنكاوي
ورحنا على المحطه رحنا نبي نصرف الا مسكر..الجمعه يقفل على 4ونص..وحنا رحنا 5ونص.. وحتى السبت والاحد مسكر
وسألنا بالبقاله قالوا لنا فيه صراف عند فندق ذا دانا .. رحنا له لقينا مسكر بعد..
قلنا مالنا الا المطار
ورحنا المطار وقفنا سيارتنا ب2رنقت وسالهم زوجي كم المده قال مافيه مده ..
صرفنا 200 دولار ب578رنقت
و225 ريال ب117.75رنقت ..يعني 100ريال ب75رنقت
ورجعنا المحطه عبينا ب20رنقت وشرينا اغراض من البقاله ب19رنقت وشحن هوت لينك ب20رنقت
ترى موب انا اللي حرقت الكرسي بالمكوى
مو شغلي محد قالهم مايحطون طاولة كوي
رجعنا الموتيارا قعدنا شوي باللوبي ودخلنا نت..بعدين رحنا الغرفه على 9ونص ونوم من التعب
المصروفات اليوم = 538 رنقت

مشاعر طفل
مشاعر طفل
  1. بس هذي اللي كاتبه عليها يمم اللي بجمب الدونات حبيتها مره حلوه

  2. عاد يسولف علي بوفهد

  3. قلنا ليت انتظرنا السواق اصرف

  4. وانتهينا من الرحله بالضبط 2.10 الظهر

  5. ركبنا السياره متوجهين للبرجايا نبي نسوي تشك ان ونحط العفش


اليوم السادس
لنكاوي،،
استيقظنا مبكرين 6.30 ولكن الامطار كانت متواصله.. صلينا ورتبنا شنطتنا حق رحلة الجزيره الخاصه (برايفت ايلاند) ..
بس ماقدرنا نطلع من المطر..دق زوجي على الرسيبشن يجيبون لنا مظلات.. وأبطوا ماجابوها.. ويوم خف المطر شوي ..طلعنا للفطور..
رجيت زوجي ابي اجرب الاكل الماليزي والصيني
ويوم جابه ماعجبني
قال انتي بس تطلبين وماتاكلين
قلت شسوي عاد ماجازلي ومابي اخلي شي بخاطري ههه

بس هذي اللي كاتبه عليها يمم اللي بجمب الدونات حبيتها مره حلوه

عاد يسولف علي بوفهد

يقول يوم نمتي 9 البارح يقول ماجاني نوم من الموسيقى يقول مدري شلون نمتي رجتنا رج..وطلع يشوف من وين هالموسيقى يقول وألقى بار وناس تسكر ورقص وقلة حيا .. ويقول الشي المحزن سعودي من اللي شفناهم بالفطور قاعد يشرب..ياربي ضاق صدري يوم قاله قعدت افكر بمرته مسكينه عروس بتنصدم ربي يعينها
عاد قلت له ورني وين مكانه ابي اشوفه
وبعد الفطور رحنا له
وهنا كانوا يغنون
ورحنا مشينا على الشاطيء شوي..
ورجعنا الغرفه نبي مفتاح السياره..
وحنا راجعين تحديت بوفهد يمشي على هذي انا بس حطيت رجلي ونزلت ماقدرت .. وهو ماشاءالله قد التحدي مشى دوره كامله..وهي جمب المكان حق المساج
ولقيت سنجاب يزنن
ركبنا السياره وفكرنا وين نروح وين نروح..كانت الساعه 7.30.. وموعد المانقروف 10..
شفنا الخريطه وبعد مشاورات قلنا نبي نروح الشاطيء الأسود..
طلعنا من الموتيارا واشوف مزرعة الخيول واقول لزوجي بليز خل نركب قال نو وي لاتحاولين هذا لو طحتي من فوقه ترجعين السعوديه متكسره بس بندخل نشوف ..
ومشينا طبعا الخريطه معي واذا ماعرفت شي جنبنا شوي وأشر لي زوجي على المكان..
واشوف هذي قدامنا مسكينه تنرحم تسوق بيد وباليد الثانيه ماسكه ولدها لايطيح
ومشينا لين جت لفه توقعت انها حق الشاطي الاسود..وندخل منها وزوجي يقول وين الشاطي قلت امش امش شكله قدام ونمشي لين وصلنا مصنع اسمنت.. قال وين انتي مدخلتنا منه .. قلت دنا غلبانه الخريطه كذا شسوي
قال خلاص ماعاد يمدي الساعه صارت 9.30 نبي نرجع الموتيارا ناخذ العفشونسوي تشك اوت
وصلنا الموتيارا وانا اقول ياربي مدري راح نستانس بالبرجايا مثل الموتيارا..رتبت الشنط وخليت لهم هذي عل وعسى يفهمون لها (كان ودي اجيب كتيبات بلغتهم بس ما أمدانا)
ورحنا للرسيبشن..يعجبني بفنادقهم كلهم فيهم ثقه واحترام للنزيل..يعني مو مثل عندنا يروحون يشيكون ورانا لايكون شي انكسر والا ريموت انسرق
عاد سألونا بالرسيبشن خذيتوا شي من الثلاجه قال ايه ماي قالوا 7رنقت..دفعناها
ورحنا حطينا العفش بسيارتنا الحبيبه
وكان قصدنا ننتظر السواق يجي ونمشي وراه بسيارتنا..
دقينا على محمد حق المانغروف قال المفروض عشره الا عشر يكون عندك..مابعد جاك ؟ قال زوجي لا والله.. وانتظرنا صارت 10 و10 دقايق
راح بوفهد للرسبشن معه الخريطه وأشروا له وين مكان المانقروف..
وجاني وانا بالسياره قال مشينا يلا قلت وين ماندل قال لا عادي .. انا عرفت وين
قلت خل السواق يجي احسن وش درانا أي رجال بالمانغروف هو اللي تابع للمكتب اللي حجزنا من عنده
قال لا عادي في جوالات نسألهم..
مشينا ووصلنا المكان اللي أشروا لنا بالفندق.. ودق زوجي على محمد المانغروف قاله وين اروح لمين..ياربي ماعرفنا..بالاخير زوجي قال لواحد ماليزي خذ كلم هذا بالجوال شف وش قصده..
قام قال لنا انه رحلتك موب من هالمرسي.. اثاري فيه كم مرسى للمانقروف..وقام شرح لزوجي من وين الطريق

قلنا ليت انتظرنا السواق اصرف

ورحنا للمرسى الثاني..وننتظر السواق لين جا تأخر ماجا الا على11 ونص ..ويوم جا قال انتظروا شوي لين يجي واحد من القوارب التابعه لنا.. وما جا البوت الا على 12 الا ربع
وركبنا وكانت رحله ممتعه تجن والهواء بارد صار مع المطر اللي من البارح مستمر.. حتى وحنا بالبوت كان فيه مطر خفيف ..روعه الجو..طبعا الكل يعرف المانقروف رحنا اطعام السمك وكهف الخفافيش واطعام النسور وشفنا قرود قال لنا سائق البوت هذي القرود تسبح بالبحر
وصار المطر شوي أقوى وطلعنا منطقة البحر المفتوح ....وشفنا الفورسيزون قال لنا هذا حق الوليد بن طلال.. عاد مدري صدق او لا..
يماه الموج يخوف وبدأت الأسئله تدور في بالي
قلت لبو فهد اسأله هنا فيه اسماك قرش؟ قال لا ابد مافيه هنا يقول بس دلافين.. قلت اشوى
زين اسأله عمره صار حالات انقلاب للقارب؟ قال لا ابد.. قلت الحمدلله
طيب اخر سؤال تسونامي وين صار يوم جا بماليزيا؟ قال في بينانق في الباتو فرنجي..
الحين بس تنفست الصعداء قلت الحمدلله..بوفهد يضحك يقول تفائلي خير قلت متفائله بس هالاسئله مهمه لراحتي النفسيه
بس عاد ما انلام شوفوا البحر شكله يخووف
وقالنا السواق ماتقدرون تروحون برايفت ايلاند لان الجو ممطر.. قلت طيب بس ابي اشوفها شلون شكلها.. ويأشر لي يقول مثل هذي.. قلت هذي الحين يقالها برايفت؟
وين برايفت والشعب كله قدامي رايح جاي..
قال بوديكم بدالها مكان تلعبون فيه مع السمك وتوكلونه بدون مايعظ.. وتحس يدغدغ يدينك مايعظ.. قال بوفهد اوكي..
عاد طول الطريق سوالف بو فهد والسواق ماليزي اسمه محمد شاب خلوق عمره 21 سنه
قاله زوجي كم تاخذ من الرحله قال 20رنقت تخيلوا ! .. وهو اللي عليه اغلب التعب وياخذ هالمبلغ البسيط.. قال زوجي لو أكلمك واروح معك دايركت بدون الشركه عادي؟ والا فيه مشاكل عليك؟ قال لا عادي مافيه مشاكل..قال خلاص اذا جيت مره ثانيه لنكاوي جيتك للرحله واعطيك 150رنقت قال اوكي..

وانتهينا من الرحله بالضبط 2.10 الظهر

ركبنا السياره متوجهين للبرجايا نبي نسوي تشك ان ونحط العفش

يوم وصلنا وعطيناهم الفاوتشر.. سووا لنا اب قريد لغرفه كبيره مدري شسمها عاد.. تقول لانكم حاجزين من فتره .. طبعا حسابهم كانوا اقودا ساحبينه كامل.. وخيرتنا بين ندفع تأمين أو اذا طلبنا من مطعهم ندفع كاش؟ ..قال زوجي كاش..
وقالت لنا الفطور مو مشمول قلنا يس وقالت الشخص للفطور ب54 ولكم خصم ..الشخص ب37رنقت
وعطونا كرت حق عصير ترحيبي
ورحنا الغرفه مع السياره الخاصه بتوصيل النزلاء.. مره حلوه كانت ونظيفه..
وهذي صور من الغرفه
البلكونه
نزنا لسيارتنا ورحنا كنتاكي اللي بالمحطه القريبه.. عبينا بنزين ب10 رنقت وتغدينا ب21 رنقت
ورحنا بالسياره نبي نروح ندور مكاان اقدر أسبح فيه
قالنا محمد اللي بالبوت عن شاطيء قريب من فندق الداتاي يقول انا اودي اهلي هناك.. ورحنا شفناه كله حجر ماعجبنا والمطر بدا يقوى ف ماقدرنا ننزل من السياره من قوة الامطار..
قلنا دام المطر كذا خل نرجع للبرجايا نستكشف لسا ماشفناه
صورت لكم بوفيه العشاء كانوا يجهزونه واستأذناهم بالدخول عشان نشوف قالوا ارحبوا يالله حيهم.. كان يوم سبت وكل سبت عندهم باربكيو.. الشخص ب77 رنقت
حبيت اهتمامهم بالنظافه والاكل كله مغلف حتى الفواكه مغلفينها
حتى الصحون حاطين فوق أول شي صحون مقلوب عشان ماتتوسخ الصحون
طبعا طول فترة اقامتنا بالبرجايا ماقدرنا ننزل الشاطيء لان الامطار كانت متواصله..
سبحان الله جو لنكاوي الحار المشمس صار باارد مغيم الشمس اليوم ماشفناها..
مر الوقت وحنا ندوج بالبرجايا .. وبعدين طلعنا الغرفه نرتاح
وبعد شوي دق الجرس..وفتح ابو فهد الا جايبين لنا هديه
وبعدها نوم
نراكم في الحلقه القادمه
المصروفات اليوم = 38 رنقت !

مشاعر طفل
مشاعر طفل
  1. ورجعنا الفندق ريحنا شوي.. وحطينا الاجهزه بالشواحن..


اليوم السابع لنكاوي،،
استيقظنا عند الساعه 6.30 والمطر مرره قوي ماقدرنا نمشي لسيارتنا.
زوجي يقول جت عواصف قويه مره يقول والله ان قلت الكوخ حقنا بينقشع انا حسبته يخوفني بس لما شفت بالشوارع اثار العواصف عرفت انه صدق..
المهم كان مطر قوي وطلبنا من الرسييبشن السياره حقتهم تجينا توصلنا وجت بسرعه خدماتهم حلوه وسريعه..
ركبنا سيارتنا متوجهين لماكدونالدز للافطار بمنطقة كواه.. ولقينا بالطريق اشجار طايحه من اثر العواصف بس الصور موب واضحه لأن ماشيين بالسياره
افطرنا ب18رنقت
ثم عبينا بنزين ب25رنقت
ورحنا لنكاوي برادا على الساعه 10 الا شوي ولقينا كل شي مسكر.
كنا نبي نروح حديقة الفواكه بس كان مطر قوي مره.. قلنا ننتظر بالمول لين يفتحون..وشوي وفتحوا وقعدنا نتمشى بالمول
شرينا تمثال النسر ذكرى حق لنكاوي الحلوه كان عليه خصم ب18رنقت. لنكاوي هي الوحيده اللي حبيت اخذ لها تذكار
وشرينا اغراض ثانيه ب83رنقت
وطلعنا من المول 11ونص والمطر خف شوي..
ورحنا نتمشى ..شفنا مزرعة روبيان
دخلنا وسأله زوجي نقدر نشوف مزارع الروبيان قال لا ممنوع..
قال اذا تبي فيه ركوب خيل نص ساعه ب90رنقت وفيه صيد سمك وفيه مطعم بحري.. بغينا نجيه على الغدا بس خفنا مايعجبنا و قلنا بابادام أضمن..
وكملنا تمشيه في هالاجواء الرائعه البارده لين صارت 12.15 ورحنا بابا دام وطلبنا بس الطلب يتأخر شوي ماجابوه الا 1 الا عشر..
ومازالت الامطار غزيره
هذي صوره للشارع وانا داخل المطعم
جابوا لنا دفتر مذكرات كاتبينه الزباين
شوفوا هذا وش اعجبه بالمطعم
وكتبت لهم يستاهلون بعد..ولازم أرز اسم منتدانا العزيز
عاد لاتدققون بالخط الورق مدري شلون مايساعد
طلبنا روبيان مشوي وبرياني دجاج وايدام حمص ودجاج ماسالا و2كولا وخبز نان كله ب 155رنقت...يمي اشتهيته
هذي الفاتوره اللي يبي يشوف الاسعار التفصيليه
طلعنا واحترنا وين نروح..خاصة الامطار مستمره.. كنا نبي نروح ندور مكاتب حق تأجير الجت قال لنا عنها محمد سواق قارب المانقروف.. بس الامواج كانت مره تخوف ف هوّنا..
اخر شي ردينا الفندق لان المطر مره قوي..رحنا شربنا العصير الترحيبي..مقبول المذاق
وكان فيه اجانب يتابعون مباراه ومتأثرين..شوفوا النتيجه ياحول
بعدين خف المطر شوي ورحنا حديقة الفواكه تذاكر الدخول اثنين ب30رنقت
الاناناس عندهم مره لذيذ..كان ودي اجرب فاكهة ابوشعر بس المرشد يقول موب موسمها.. ابوكشه ههه ضحكت يوم قالها
واحد سوا لي خاتم ولابوفهد..حبينا شكله كثير
وعقب طلعنا من الحديقه نتمشى بمنطقة كواه نزلنا بالمحلات اللي بالشوارع ماعندنا شي معين خلصنا لنكاوي كلها..
وحنا راجعين شفنا الشاطيء الاسود قال زوجي يلا ننزل قلت وين ننزل كل شي مكسر
شوفوا المنظر شلون من العواصف حقت البارح..
صح يخوف المنظر؟ الحمدلله ماشفت العواصف

ورجعنا الفندق ريحنا شوي.. وحطينا الاجهزه بالشواحن..

وعلى 10 الليل طلعنا للمطار نبي نقص البوردنق حق رحلة بكره لبينانق.. وسألنا بالمطار قال ماعندهم أجهزة خدمه ذاتيه.. ورجعنا على كنتاكي شرينا عشا ب18رنقت ورحنا الفندق تعشينا وانا نمت على 11 وزوجي قعد يتابع التلفزيون.
ملاحظه: مره ما احس انا استمتعنا بالسكن في البرجايا..لان المطر ماوقف وعواصف ف ماقدرنا نروح للشاطي حق البرجايا بكل أسف.. عشان كذا تلاحظون مافيه صور للشاطيء..
المصروفات اليوم = 347رنقت

مشاعر طفل
مشاعر طفل
  1. وطلعنا الغرفه نحط العفش


اليوم الثامن في وداع لنكاوي والذهاب الى بينانق،،
استيقظنا عند الساعه 8 تقريبا..رتبنا الشنط
وبعد شوي اشرقت شمس لنكاوي الغائبه من يومين
وطلبنا فطور من الفندق ب62رنقت..نص ساعه ووصل..
بس مره مو شي..الاومليت مو مره مستوي مع ان قالهم زوجي يطبخونه زين والبانكيك مو ذاك الزود والمافن ماطلبناه طلبنا كراسون بس شكلهم لخبطوا.
نزلنا تمشينا شوي بالبرجايا .. ولقيت اشجار طايحه..لان جت عواصف مره ثانيه..بس ونا راجعين للغرفه جيت اصورها لكم لقيت العمال قصوها لانها كنت طايحه على الشارع
الساعه 11 طلبنا سيارتهم عشان العفش ..
سوينا التشك أوت بسهوله ومشينا للمطار
ولقينا بالطريق للمطار بعد اشجار طايحه
سلمنا السياره ورجعوا لنا 50رنقت حق التأمين..
دخلنا المطار شحنا العفش وقصينا البوردنق..وقعدنا نتمشى بالمحلات القليله اللي بالمطار شرينا لعبتين ب38رنقت حق فهودي وسعودي ..
وعقب رحنا ننتظر النداء للرحله وكان الاقلاع الساعه2 ظهرا..
وداعا لنكاوي،،
وصلنا بينانق ولله الحمد..
اخذنا العفش ودايركت على محلات تأجير السيارات الموجوده بالمطار..
وسألنا كذا محل عن سعر تأجير أرخص سياره لمدة 6 ايام ونسلمها بكوالا .. الاسعار تختلف من مكتب لاخر وتتراوح بين 1400 – 2200 رنقت.
وكان هذا المكتب هو الأرخص:
وقررنا نستأجر سياره لمدة 3 ايام وهي مدة اقامتنا في بينانق وكان سعر ايجارها لليوم135 رنقت..
واتفقنا نسلمها عند مكتبهم اللي قالوا انه بمنطقة الباتو فرنجي..وقلنا لهم اذا نبي ناخذها للكاميرون عادي نمدد المده قالوا عادي..
اخذنا خريطه من الخرايط المتوفره بالمطار.
وهذي السياره
ركبنا السياره ومشينا .. قال زوجي ها وين نروح نبي مطعم نتغدا ؟ قلت اوكي يلا قرني بلازا..
مسكنا الخريطه.. ومشينا متجهين لقرني بلازا .. بس مره صعبه شوارع بينانق والخريطه ماش أي كلام.. ضيعنا بالطريق.. شوي مادرينا الا وحنا راجعين للمطار مره ثانيه .. وقعدنا اكثر من نص ساعه وحنا ندورعجزنا ندل قرني.. فجأه لقينا محطه فيها ماك بس كان زحمه مره قام زوجي جاب لنا وتغدينا بالسياره ب18رنقت.
وقال بروح اسأل أي أحد عن طريق البارك رويال.. ولقى شاب ماليزي مسكين ياحليله قال أوصلكم على دبابي وانت تمشي وراي بسيارتك ..ب2 رنقت !! والله مسكين اثاري المشوار بعيد ..عاد عطاه زوجي مبلغ على التوصيل..
ونزلنا الفندق وصلنا الساعه 5 المسا ..سوينا التشك ان وعطوني هديه ..
اخذوا تأمين300رنقت..
وطلبناهم خريطه وعطونا خريطتين وحده نفس اللي بالمطار..وخريطه ثانيه موب واضحه..اخذناها عاد شنسوي

وطلعنا الغرفه نحط العفش

الا فيها باب مشترك..واذكر اني قرأت نصيحه واحد يقول لاتاخذون غرفه فيها باب مشترك بالبارك رويال..اصلا من أول ماوصلنا وازعاج البيبي اللي بجمبنا تقول عندنا بالغرفه.. نزلنا طلبنا منهم تبديل الغرفه..قالت لنا بكره !! اليوم مافي غرف! ..
توجهنا للشاطيء وكلي حماس اشوف الباتو فرنجي والنشاطات البحريه اللي كنت اشوفه بتقارير الاعضاء وكنا نبي نركب جت..
ولكن يوم وصلنا اتفاجأنا البحر لونه أسود غريب ويخوف سبحان الله والشاطيء فاضي مابه احد ولا أي نشاط بحري...
وطلعنا من الشاطيء للسياره ندور مكتبهم اللي قالوا بالباتوفرنجي وندور مادلينا وين.. كنا نبي ناخذ جي بي اس..
قلنا مالنا الا ندوج بهالشوارع لين نعرف للطرق..
ومشينا على الخريطه نبي نروح قرني بلازا.. الشوارع عندهم متداخله ومتشابكه ومعقده تقول متاهه..
صدّع راسي وانا ماغير مبققه عويناتي بهالخريطه ... قلت لزوجي خلاص بليز سلم السياره مانبي سياره..ولكن لايأس مع الحياة ولا حياة مع اليأس على راي بوفهد
وبالصدفه وحنا ندور لقينا قرني وقفنا سيارتنا ب2رنقت.. ونزلنا تمشينا بقرني لين الساعه8 وطلعنا للفندق.
يوم وصلنا قلنا خل نشوف الرسيبشن اذا عندهم غرفه ثانيه..وكان بالرسيبشن رجال طيب قال فيه بالدور 7 قلنا اوكي..
بدلنا الغرف وريحنا شوي وعقب نزلنا نبي نشوف السوق الصيني
ولقينا احتفالات وزحمه
و تمشينا بالسوق الصيني حلو ويونس شرينا ب82 رنقت..
وعلى 10ونص ركبنا السياره نبي كنتاكي اللي قريب من السوق الصيني.. شرينا ب25رنقت وكان زحمه واخذنا العشاء للفندق
ونوم ،،
المصروفات اليوم = 362رنقت (حسبت للسياره فقط135 لاننا ردينا من بكره وردوا لنا باقي المبلغ)

مشاعر طفل
مشاعر طفل
  1. وهذا غدانا

  2. واكتب منشفه ويطلع معناها تاول..وجبت له وحده..


اليوم التاسع بينانق،،
صحينا على الساعه 7 ونزلنا للفطور
بعدين رحنا للغرفه اخذنا الخرايط واغراضنا وطلعنا على 8 الااربع نجوب الشوارع قاصدين الهضبه..
درنا و درنا
وحسنا حوسه
ولفينا ورجعنا نفس المكان
ولكن لايأس مع زوجي والا انا يائسه منذو مبطي
ونجنب شوي ونبقق عويناتنا بالخريطه الفاشله عل وعسى ندل
ومرت الثواني والدقايق
ومازلنا ندوج بالشوارع من شارع لشارع وصارت الساعه 9 وحنا ندور..
نلف يمين نلقى جورج تاون
نلف يسار نلقى جوج تاون
نمشي سيدا نلقى جورج تاون
واخيرا قرر زوجي تسليم السياره وأعلن الاستسلام
بس قلنا نبي نسلمها على2 الظهر..
وقررنا تمضية الوقت بالمولات اللي تصادفنا
أول شي لقينا برج كومتار ونزلنا قصينا تذاكر حق رحلتنا لكاميرون على باص يونيتي الله لايربحه حرام عليهم رنقت واحد.. شرينا تذكرتين ب70رنقت وكان موعد تحرك الباص الساعه 1 الظهر وقالوا تعالوا قبل بربع ساعه..
ولقينا تايمز سكوير بينانق
وكان فيه ناس يتدربون
المول شكله حلو بس جيناه بدري على 10 الا شوي وكل المحلات مسكره
بس هالشي الوحيد اللي كان فاتح..ركن حق اير اسيا
وطلعنا
لقينا هالمول ونزلنا دفعنا حق الموقف 3رنقت اظن
لقيناه اغلبه مسكر لان شغالين فيه ترميم
وطلعنا لقينا مبني اسمه تسكو شريت كفر مره نايس للاي باد ب88رنقت فقط
وتسكو ترى موب حلو ولايستحق الزياره اغلبه مطاعم
ورجعنا لقرني تمشينا وشريت غرض ب60 رنقت
وعلى الساعه 1وشوي تغدينا بناندوز حلو ولذيذ ب112رنقت

وهذا غدانا

وبعدها طلعنا لقرني هوتيل لان فيه صراف الراجحي.. كنا نبي نسحب 3الاف..ماقبلت الماكينه قالت لنا الموظفه اسحب 1500 على دفعتين... سحبنا 1500 مره وحده بس وطلعنا عبينا السياره بنزين لان استلمنها فل ونرجعها فل ب32رنقت..
وكلمنا الشركه قلنالهم نبي نرجع السياره قالوا اوكي بنرسل واحد للفندق.. استلمها ورجع لنا الباقي..
ورحنا الفندق ارتحنا شوي وعقب نزلنا للشاطيء وكان احسن حالا من البارح ولكن لانشاطات بحريه لما سألنا قالوا الحكومه تمنع الالعاب البحريه في مثل هالاجواء..
وزوجي راح يسبح وانا رحت للوبي بعد ماطلبتهم الباسوورد حق النت ..
زوجي قال وانتي جايه اطلبي لي منشفه من الكشك حق المناشف..
عاد رحت ابي اطلب توهقت مدري شسمها وافتح الايباد فيه برنامج مره جميل حق ترجمه اسمهQuickDict

واكتب منشفه ويطلع معناها تاول..وجبت له وحده..

على المغرب قلت لزوجي خل روح فندق الباي فيو نشوف كم ايجار البركه عندهم؟.. يوم وصلنا قالوا 160 رنقت وترى البركه بارده بدون هيتر..وهوّنا .. وترى السعر يختلف من شهر لشهر..ورانا الشهر اللي فات كانوا يأجرونه ب175 .
ورجعنا للسوق الصيني تمشينا شرينا اغراض ب130رنقت ..
وقعدنا باللوبي وفتح زوجي جواله السعودي يشوف المسجات لقى ان شركة السيارات ساحبين الف رنقت من الفيزا وفندق دي لا فرنس كاميرون ساحبين 50 رنقت..
كلم زوجي شركة السيارات وقالوا سحبناها حق التأمين بس كنسلنا العمليه وبكره نجيب لك ورقة الالغاء للفندق.
طلعنا برا لواحد من التكاسي قاله زوجي كم توصلنا لين بيتزاهت ؟ قال 50رنقت قاله غالي..قال البنزين غالي.. قال بوفهد خل نرجع ونطلب عشا من الفندق..
وطلبنا ب94رنقت
المصروفات اليوم =589رنقت


خصم يصل إلى 25%