السلام عليكم
بنزور أنا وزوجي الكويت الاسبوع الجاي لمدة 6 ايام ان شاء الله نجدد فيه حياتنا ونغير من الروتين وازعاج اليهال والاهم اسوي شوبينغ
هذي اول زيارة لنا وانا اخترت الكويت لانه عمري ما رحت لها لا أنا ولا زوجي وهو متخوف لانه ما يعرف شي بالديرة ويبي نروح دبي بس أنا مصممة الكويت
بليز ابي مساعدة اذا ممكن حد يتكرم يسوي لنا جدول خلال ال6 ايام هذي وينصحنا بفندق 4 او 5 نجوم ننزل فيه مابي السفرة تفشل ويرد السبة علي
شاكرة لكم مساعدتكم جميعا
في بالمنتدي جداول كثيرة بس انا بعد حاب اضيف كم نقطة عشان تستمتعون ان شاء الله اكثر
اولا الفنادق انصح بفندق موفنبك البدع . جميل و موقعة رائع و حوالية كثر من المطاعم
او فندق سونفوني رائع بالسالمية و موقع ممتاز و رمانسي جدا
انصح بجولة علي البحر تشمل المركز العلمي + مرينا كرسنت + ابراج الكويت + سوق شرق + و العشاء في بورقر سلايدر ستيشن
وهالمجموعة علي خط واحد
و خلال الجولة في مطاعم كثيرة
اليوم الثاني من الصبح الافنيوز + السينما و العذاء هناك و بالليل سوق المباركية
اليوم الثالث الفطور بالمرينة والتسوق هناك بعدين جولة في مجمع الفنار و جولة في مجمع ليلي جلري + التسوق الخفيف في مركز سلطان و بالليل سوق السالمية الجديد
اليوم الرابع جولة في مجمع 360 و بما انة الفروانية قريبة ممكن تكملة التسوق هناك ( للعبايات و الجلابيات )
ممكن يكون في يوم ترفيهي والجو روعة انصح بزيارة المدينة الترفيهية و بالليل دخول مسرحية