عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
حمد الجسمي
01-11-2022 - 01:00 pm
السلام عليكم
كيف الحال اعضاء العرب المسافرون ان شاء الله بخير وبصحة وعافية
لدية استفسار بسيط
اذا شخص حب انه يسافر يعمل من دولته بكج كامل ولا يحجز لنفسه فنادق والخ.
هل في فرق بين التكاليف


التعليقات (9)
أمير الروح1
أمير الروح1
والله وأنا أخوك فرق كبير جدا وتوفر على نفسك كثير لو عملت كل الحجوزات بنفسك
هذا رأيي طبعا واتمنى الخبراء يتجاوبون معاك أيضا

حمد الجسمي
حمد الجسمي
يعطيك الف عافية .. بس في ناس تقول اعملك بكج من المكاتب السياحية احسن واضمن عشان محد ينصب عليك ولا تتعرض للسرقة ومن هالامور
البكج كل شي جاهز من الفندق والتوصيل والرحلات السياحية والخ .
و اتمنى من الخبراء الاجابة

مسافره 27
مسافره 27
البكج اريح لك واضمن لكن فرق السعر كبير
اذا حجزت لنفسك وقارنت الاسعار بتستغرب. حتى في تذاكر الطيران لو حجزتها انت تفرق لو اخذتها عن طريق مكتب.
دائما وابدا نتعامل مع المكاتب لانها اضمن لكن ندري ان فيه زياده علينا
.
تحياتي

جنونـ انثى
جنونـ انثى
بنفسك طبعا افضل بكثير
وليش تتعرض لنصب موقع بوكنق ما خلا شي الحمدالله

حمد الجسمي
حمد الجسمي
يعطيج الف عافية مسافرة ومشكوره ع المداخلة الطيبه وصدقج اضمن واريح بس فرق السعر كبير

alma3ani
alma3ani
شكلكم مافهمتو عليه انا الي فهمته اذا قصدك ان تحجز من ديرتك او من الديرة الي بتروح لها
فاكيد من ديرتك لان اذا رحت عندهم مباشرا راح يغلون عليك
وبنسبة للبكج بلعكس من قالك اغلى احيانا لو اتروح للقطرية للعطلات او الاماراتية او الاتحاد للعطلات
ويحجزون هم لك الفنادق والتذاكر والمواصلات يطلع لك ارخص لان يعطونك خصم على التذاكر
مثلا القطرية للعطلات يوم رحنالهم قبل السفره ب 3شهور حسبلنا تذاكر البزنس لاوربا على 9 الاف لشخص بينما هي لو تحجزها من اي مكتب عادي بيعطيك اياها ب 14 الف وهاي كله لان حاجزين الفنادق والمواصلات من عندهم هشي يطلع علينا ارخص فانا مع البكج بس اتكون حاجزة قبل سفرتك بفترة يعني اقل شي شهرين والدفع عادي تدفع ربع المبلغ وتعطيهم شيك لو تبي وقبل السفر اتروح لهم واتكمل باقي المبلوهشي احنا انسوي ومرتاحين فيه
واكيد بشكل عام النت ارخص في الفنادق واماالتذاكر سوان خذتها من مكتب ولا بالنت فنفس السعر لان ضريبة المكتب الي اخذها على التكت شالوها من 2006 بعد ماصارت التذاكر الكترونية
واحيانا في مكاتب يكون عندهم اسعار الفناد ارخص لان هم يكونون متعاملين معاهم وايد ولهم خصم خاص
لهشي خذلك لفة على امكاتب والنت وقارن واهم شي تحجز قبل السفر مو اتروح اهناك بدون حجز لان يمكن تتوهق

حمد الجسمي
حمد الجسمي
يعطيج العافية جنود انثى وماقصرتي بس تبين الصدق مره حجزت عن طريق موقع بوكنج فندق في فرنسا كان المجموع تقريبا مع الفطور والضرايب وكل شي 8500 سحب مني الموقع 10100 اتصلت في بوكنج الي في بريطانيا قالي من الفندق مب من عندنا كلمت الفندق قالي لا من البوكنج نحن مبلغنا 8050 تخيلي رجعت اكلم البوكينج و زعلت عليهم عشان يرجعولي الفلوس مارجعولي قلت هاي اخر مره اتعامل مع البوكنج

جنونـ انثى
جنونـ انثى
اوف او ف
بوكنق يسوي كذا
مشكله والله
الله يعوضك خيريارب

بوحميـــــــــد
بوحميـــــــــد
وعليكم السلام ورحمة الله وبركاته
معظم البكج يكون محدود وممكن يكون فيه اختلاف
دون علمك او سبق انذار
والفنادق ممكن ما تعجبك
مره اخترت بكج والفنادق ماعجبتني كلها 3 نجوم
اذا لديك لغه جيده احجز بالفنادق او المنتجعات
التي لديهم رحلات سياحيه وبكذا توفر على نفسك الكثير
تحياتي لك


خصم يصل إلى 25%