أفا 24 مشاهد ولا في ربع رد ..

الله يوفقكم ويهنيكم ويسعدكم انشالله
ياليت تحددين بالضبط وش المطلوب
1-
2-
3-
عشان يسهل الرد والاجابه عليك سواء مني او من الاعضاء

هلا اخوي ... انا كتبت وش ابي بالضبط بس شكلك شفت الموضوع طويل ولا قريته كله ...
اول شي ميزانيتي 15 الف مع الطيران لمدة 4 الى 5 ايام
سكن نظيف ومرتب ويفضل بانجلو
مابي الطياره المائيه يفضل بوت سريع
بالسكن يفضل فيه مسبح خاص ..
ونهايه الشهر هذا وبداية ديسمبر مناسب للسفر او لا .
بالجزيره ابغى فيها العاب مائيه مثل جت سكي وبراشوت وبنانا و
والله يعطيكم العافيه

شهر نوفمبر وديسمبر هو بداية الموسم بجزر المالديف ويستمر الى شهر 4 ابريل والاسعار بتكون مرتفعه
ميزانية 15 الف صراحة ماتوقع راح تكفي لمدة 5 ايام
لانك عارفه المنتجعات الفخمه هناك اسعارها من 2500 وطالع
والبانجلو والفلل المائيه مع مسبح خاص معروف اسعارها من 3000 تبتدي
واغلب المنتجعات الفخمه هناك تتوفر فيها النشاطات المائيه لكن براشوت وجت سكي ماعندي علم
فيها رحلات صيد وغوص هذا اللي متاكد منه
وبعض لمنتجعات يتطلب الوصول له طائره مائيه والقريبه بتكون بالقارب السريع
يبيلكم ترفعون الميزانيه شوي على الاقل لحد 25 الف للمدة 5 ايام !
عشان نقدر نحدد لك المنتجعات المناسبه

حياك الله اختي
لا شك ان الميزانية متواضعة ولكن لاباس بالتخطيط .
اعتقد ان السفر للمالديف اخر الشهر صعب شوي لسببين اولا لارتفاع الاسعار وثانيا لعدم توفر حجوزات في المنتجعات المناسبة هذا ان توفر حجز اضافة لحجوزات الطيران .
نصيحة لكي تحولي الحلم لواقع نبدا خطوة خطوة :
اولا : ضرورة ان يكون السفر بعد شهر 4 ( للاسباب المذكورة اعلاه ) وعلى الخطوط السيرلانكية .
( حاولي عمل حجز مبدئي من خلال موقع الخطوط السيرلانكية على النت ومعرفة السعر )
ثانيا اطلعي على اسعار الوتر بنجلو في منتجع براديس ايلاند التي ذكرتيه والذي لايحتاج طيارة مائية .ايضا حاولي عمل حجز مبدئي من خلال موقع اقودا الذي يتضمن سعره تكاليف النقل بالبوت من والى المطار .
ثالثا : واخيرا احسبي التكاليف السابقة وكم يتبقى في ميزانيتكم . ونعرف ان كان الباقي كافي للمصاريف الاكل والشرب والنشاطات والمائية وغيرها من خلال مناقشتها مع الاعضاء .
ختاما .... دعائي لكم من الله عز وجل ان يحقق حلمك ويجعله حقيقه ... واعلمي ان الابواب الضخمة مفاتيحها صغيرة ... فلا تنسي الدعاء .

شوفي اختي انا عملت لك سيرش في مواقع البحث لاني كنت مروق. تكفي
تطلعو من الرياض يوم الاربعاء 7 ديسمبر الساعة العاشرة وتوصلو المالديف الساعة 12 ونص ضهرا يوم 8 ديسمبر
والرجعه يوم الاثنين 12 ديسمبر الساعة 9 صباحا والوصول الى الرياض 9 في الليل ( طبعا بتكون رحلتكم 4 ليالي في منتجع قريب من المطار وتقريبا نفس المواصفات الي تبغيها مع الملاحظة الرحلة مع ترانسيت مرة واحدة )

اما الفندق بيكون التشك اين يكون يوم الخميس 8 لمدة اربع ليالي الى يوم الرحلة
رابط للفندق عشان تشوفوة

طبعا الفندق خمس نجوم وفية خصوصية عالية ومسبح صغير وقربة من المطار ولكن يعيبة قلة الانشطة البحرية
الطيران 3790 على السرلنكية + 11349 فندق اربع ليالي
يبغالها زيادة فلوس شوي عشان تظبط الرحلة .
دمتم بود..

أختي الكريمة منتجع أداران زهيد جدا و ميزانيتك تكفي للمنتجع
هناك سلسلة منتجعات لأداران اضطلع عليها في الإنترنت
لقد تحدث عنه أخونا المغامسي عنها
أما بالنسبة للطيران فالخطوط السيرلانكية تفي بالغرض

والله يا أختي انا عندي لك رأي اذا عجبك امشي عليه واذا ماعجبك فكري فيه ولاترمينه لاني ان شالله متأكد إنه بيعجبك
رأيي أنه دام الميزانيه قليلة حاولي تأجلين السفر للموسم القادم بإذن الله وزيدوا على ميزانيتكم هذي شويتين واستانسي برحلتك
أحسن من إنك تستعجلين برحله بميزانيه ماتساعدك على الاستمتاع بالرحله وبالتالي ماتلقين من الرحله الا شيئين
اولا التعب والارهاق ثانيا اسم انك رحلتي المالديف وحتى لو انعم الله عليكم ورزقكم بأطفال ممكن تتركونهم في السعوديه لان الرحله مابتطول كلها خمس او ست ايام او ممكن تاخذونهم معك
مختصر الكلام خلي حلمك يتحقق بدون عجله بالتوفيق يارب

طلال وفهد
الله يعطيك العافيه اخوي ماقصرت ... بدخل وبطلع على الاسعار ...