سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
yarroo
14-06-2022 - 06:07 pm
السلام عليكم
اشكر جميع الأعضاء اللي ساعدوني في ترتيب رحلتي للسنة القادمة بإذن الله.
وتم حجز معظم الفنادق. لكن بقت انترلاكن . عجزت من البحث ..لانه المدة اللي ببقى فيها 4 ايام ..ومعظم الشقق اللي عجبتني اقل مدة للسكن اسبوع.
وهذي اللي حصلته وابيكم ترشحون لي الافضل والاحلى اطلالة:
1 - فندق Brienzersee ( حسب تقييم الأعضاء)
2- https://www.booking.com/hotel/ch/brienzerburli.en-gb.html?aid=1300939
3- http://www.homelidays.co.uk/habkern/apartment-flat-181514en1.htm
4- http://web.deskline.net/interlakenfewo/en/show_accommodation/GRI/31a5610a-8737-4938-aee8-1fd7ead9a7e5/chalet_holzwurm
5- http://web.deskline.net/interlakenfewo/en/show_accommodation/GRI/414f9eec-a444-43b2-9576-14f64fd63da4/alpenblick
6- http://web.deskline.net/interlakenfewo/en/show_accommodation/GRI/60cb67a5-6a0f-45a1-98ac-66d4d19923d1/bellevue
وانتظر رأيكم فيهم.. واذا في خيارات ثانية ممكن اشوفها
العدد 2 كبار , 2 صغار ( 5 و 3 سنوات)
المدة من : 9 - مايو الى 12 مايو
جزاكم الله خير


التعليقات (8)
أبــوعبدالله
أبــوعبدالله
ياهلا وغلا فيك عن تجربتي بالفندق هذا أنصحك في
أدخل على هذا الرابط وشوف الغرفه والفندق ولكم الاختيار
https://artravelers.com/p/re/247216

aboaziz
aboaziz
بنجور
اذا حابب تسكن في شقق فأنصحك بشقق و شاليهات خيراورنت في خرينديلفالد Grindelwald
اقل مدة للتاجير هي 3 ايام ومنها ال3 و4 و5 نجوم وتجدها في بوكينق
وتعامل اكثر من راقي لدرجة اني حجزت عندهم حجز غير مسترد وقدرت اغير مواعيد الحجز بدون اي غرامات
اذا اخذت شاليه او شقة في هالمنطقة فراح تكون أكثر من رائعة خاصة في موسم تفتح الزهور شهر 5
طبعا مو هذي هي الشاليهات
هذي صور لاكواخ مزارع في التلال المجاورة لخرينديلفالد

yarroo
yarroo
أبوعبدالله
مشكور اخوي بو عبدالله على الفندق الرائع
ان شاء الله بيكون من الخيارات اللي بحطها في بالي لانترلاكن

yarroo
yarroo
aboaziz
اذا حابب تسكن في شقق فأنصحك بشقق و شاليهات خيراورنت في خرينديلفالد grindelwald
اقل مدة للتاجير هي 3 ايام ومنها ال3 و4 و5 نجوم وتجدها في بوكينق
وتعامل اكثر من راقي لدرجة اني حجزت عندهم حجز غير مسترد وقدرت اغير مواعيد الحجز بدون اي غرامات
اذا اخذت شاليه او شقة في هالمنطقة فراح تكون أكثر من رائعة خاصة في موسم تفتح الزهور شهر 5
طبعا مو هذي هي الشاليهات
هذي صور لاكواخ مزارع في التلال المجاورة لخرينديلفالد

جزاك الله خير اخوي على الرد والمساعدة
راسلت صاحب الشقق وانتظر الرد منه . وان شاء الله يعطينا سعر حلو.
بس عندي سؤال . هل الخيارات اللي طرحتها مو جيدة للسكن؟

aboaziz
aboaziz
yarroo
الجيد منها رقم 1 لكنه بيكون صعب شوي من ناحية مساحة الغرفة لكن وبدون مبالغة الفندق روعه وممكن تشوفين تقرير كامل من زيارتي الاخيرة له
باقي الفنادق والشقق غير معروفة ومنها القديم مثل رقم 2
مهم ايضا تعرف ان الشقق اللي طرحته كخيار تقع في قرية خرينديلفاد على بعد 20 دقيقة من انترلاكن لكن ميزتهم انهم عندهم شقق كثيرة ومتنوعة من حيث الفخامة وممكن حجزها مباشرة او عن طريق موقع بوكينق
تقريبا 4 عوائل سكنت فيه هذي السنة اخرها عائلة كانت ساكنة الاسبوع الماضي واللي واجهتم مشكلة الفيزا وتاخرت سفرتهم وبعد مراسلتنا لموقع بوكينق سالوا اصحاب الشقق وغيروا موعد الحجز
للاسف ماعندي معلومات كافية عن ميزانيتكم التقريبية اللي وضعتوها للسكن والمنطقة اللي ترغبون في السكن فيها وحتى نوع السكن ومكانه وطبيعته حيث كان سؤالكم عام
من الخيرات اللي ممكن اضافتها فندق البلفيو في انترلاكن الغرفة العائلة واللي سبق ان سكناها لكن ممكن يكون سعرها مرتفع وممكن لا ترغبون السكن في المدينة وتفضلون الارياف
في رايي تجربة السكن في شقق خيراورينت مناسب للعوائل اللي يحبون السكن في الريف
اتمنى لكم التوفيق وحاضرين لاي استفسار

yarroo
yarroo
مشكور اخوي على ردودك الطيبة وسعة صدرك لاستفساراتنا الكثيرة.
الميزانية ل 3 ليالي يفضل ان لا تتعدى 2500 ريال
انا اهم شي عندي بالسكن انه يكون نظيف واثاثه مرتب واطلالته روعة سواء كان على بحيرة او جبال.
وما في مشكلة عندي اذا شقة او فندق.
ارسلوا لي شقة خرينالد السعر ل 3 ليالي = 939 فرنك = 4000 ريال تقريبا واحسه غالي نوعا ما بالنسبة لميزانيتنا
حصلت خيارين اضافيين :
1- https://www.booking.com/hotel/ch/gloria.en-gb.html?aid=1300939
2- http://web.deskline.net/interlakenfewo/en/show_accommodation/GRI/a0c60dee-d7aa-46e2-a9fa-7bcdc341f1b0/al_porto
فشنو رايكم فيهم بالاضافة لفندق برينزرسي
اي واحد فيهم اختار؟؟
ابي انهي مسألة الحجز بكرة بالكثير عشان ابحث سكن للمناطق الباقية لي
وجزاكم الله كل الخير

aboaziz
aboaziz
قلوريا رائع
وبرينزير سي ايضا رائع
اختار واحد منهم
واكيد شفت صورهم وعرفت مميزات كل واحد منهم
وانا اميل بقوة لبرينزير سي لانه اجد ولانه اقرب من كل شيء
مع ملاحظة قبول عددكم وتكون الغرفة مطلة على البحيرة

فيصل
فيصل
مع تحدثي مع مديره الفندق قالت أنا أكره السكن للعوائل الخليجيه مع أطفالهم
عاد هي معقده
ولا حقيقه المطل علي البحيره خطير جدا


خصم يصل إلى 25%