اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صالح الخمعلي
08-12-2022 - 09:43 am
السلام عليكم
أمس حجزت على إندونيسيا من مكتب في بريدة وكان فيه عامل واحد بالمحل طلبت منه يشوفلي حجز على إندونيسيا وقعد يطقطق بالكمبيوتر وقال فيه على طيران الإتحاد قلت تمام على كم قال ب2200 أنا غشيم بأسعار التذاكر قلت مدير سوي تخفيض رفض وبعد شيل الحط قال خلاص ب2150 قلت خلاص وقص التذاكر وهو يناظر وهو ماهو مصدق وقبل لا اطلع قال مدير مافيه ترجيع يبغى تغيير تاريخ مافيه مشكل قلت خلاص رحت للبيت وانا مستانس فتحت الكمبيوتر بالصدفة قلت خلني اشوف سعر تذاكر إندونيسيا (ليطمئن قلبي) ويوم بحثت عن طريق موقع طيران الاتحاد وهنا إكتشفت الفاجعة سعر التذكرة ب1359 بغيت أموت من القهر بدون شعور دقيت عليه وتهاوشنا قلت يانصاب ليش كذا قعد يتكلم إنقليزي وعجزت افهمه ومع الشيل والحط قلت اسمع يبغى 1400 او جيب فلوس قعد يضحك وقال مدير ما يجي قالي خلاص ب1500 أخر كلام وإتفقنا على السعر وقال تعال خذ الباقي
لذلك تكفون يا شباب إنتبهوا إذا رحتوا تحجزون لا يصير لكم الي صار لي ،،،،،،،،،
إدعو لي بالتوفيق يا شباب ’’’’’’’’’’’’أخوكم / صالح العنزي


التعليقات (9)
أمير الروح1
أمير الروح1
لاحول ولاقوة الا بالله
النصابين كثرو لكن احسن شي الواحد يعتمد على نفسه يحجز من النت ويريح راسه

المحتسب
المحتسب
مرحبا اخوي العنزي
طبعاً السعر اللي وجدته هو ضمن عروض خاصة لفترة محدودة
ومن الطبيعي إذا نزلت عروض أن تنزل اسعار المكاتب معها
والمكتب حاول ان يستغل هذي النقطة ويلعب عليها فإذا لاحظ العميل يحاول يرضيه..وإذا ما اكتشف الموضوع مشت عليه زي الحلاوة
وانا احي فيك إنتباهك ومراجعتك لموقع الطيران والإطلاع على الأسعار وهذا ذكاء منك ومطلوب منا جميعاً الإنتباه
وشكراً لتبيهنا جميعاً لهذا الموضوع
تحياتي وتقديري

ابو ريووف
ابو ريووف
اخوي صالح
يمكن التذكره الي شفتها ع النت هذي الفي كلاس الي ما ترجع واذا تبي تستبدلها
ترفع الدرجه الثانيه .................
المفروض انه لاتحجز عن طريق المكتب لين تتأكد من النت او تحجز بنفسك بس لازم يكون عندك فيزا
شكرا ع التنويه اخوي

alhwawy
alhwawy
عزيزي صالح
كم التاريخ اللي بتسافر فيه ؟
لاني شيكت على طيران الاتحاد عن طريق النت وطلعلي 2600
ياليت تحدد التاريخ ؟ ومكان السفر

AL-MosBah
AL-MosBah
ابو ريووف
بالفعل هذا الذي يحصل ويكون العرض من خلال الإنترنت لا يسترجع ولا يمكن تغيير الموعد إلا
بالترفيع للدرجة الثانية وهنا تدفع الفرق !! حجز النت لمن هو عازم على السفر لأنه من الصعب استرداد
قيمة التذكرة إلا بجهد وتعب وحصل معي من خلال طيران الجارودا وكان الفرق بين المكتب والنت أكثر من
0ريال وحجزت عن طريق الموقع وحدث ظرف ما وعند استرداد التذكرة مشوار طويل ويجب مراجعة
المكتب الرئيسي بجدة وتنتظر مدة وحتى تغيير الموعد يجب حضورك للمكتب الرئيسي ولا يمكن لأي
مكتب أو وكيل مساعدتك !! شكراً على التنويه

romantictiger
romantictiger
انا افضل ان الشخص يحدد خطوط الطيران وسعرها من خلال الموقع الالكتروني
ثم بعد ذلك يذهب لمكتب الحجوزات ...و التأكد من الاسم قبل قص التذاكر

المسافر2
المسافر2
alhwawy
آخر عرض للشراء 3/11
العوده قبل 14 /12
السعر 1320....

استاهل الحب
استاهل الحب
اخي العزيز اهنيك اول شي على سعر التذكره والله يباركلك في سفرتك ويوفقك
بس انا لي اكثر من ثلاث اسابيع قاعد اتابع سعر طيران الاتحاد على شهر ديسمبر 12
وللحين ماسكه نفس السعر 3380
فالسعر ماشاءلله مره ممتاز

استاهل الحب
استاهل الحب
صالح ياليت تتاكد
اخاف انك شفت سعر الذهاب فقط ومانتبهت لسعر العوده


خصم يصل إلى 25%