لبنان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Fawzia Alb
07-12-2022 - 11:40 pm
السلام عليكم
معليش احس اني ازعجت القسم هذا ههه
حاولت ارسل رساله خاصه للعضوه اصول بس للاسف مدري ايش وضع هالمنتدى
المهم بما انك كويتيه والنعم فيك والله ف اكيد لك خبره بكل اشياء البنات فلبنان . سالت الاخت عبير
وماعرفت وين بالضبط . حابه اسئلك عن الشباشب اللي صناعه يدويه لبنانيه اللي تكون على شكل كرفتات
وهي من جلد مره حلوه وكشخه واتوقع انها بسوق بشارع الحمرا وحتى كله محلات بجنب بعض شباشب وصنادل
وجزم وكلها صناعه لبنانيه ف احنا اخذنا مجموعه والحين ودي لما يروح اخوي اوصيه بس مادري وين ادله
وهل تعرفين كم يكونون اسعارهم بالدولار مره ناسيه بصراحه وميته عليهم ودي اخذ كثير وافكر بعد
اتعامل مع حرمه ويكون بيني وبينها فيدكس تجيب لي بضاعه من عندهم
وهذي صورة الشبشب صورةه بجوالي صوره سريعه
اتنتف من كثر ماالبسه واحبه
ياليت تعرفين عن هالشباشب وادعيلك من قلبي


التعليقات (4)
اصول2
اصول2
  1. وبشارع مار الياس شي روعة في محل اسمه على ماظن vercn


عليكم السلام ورحمة الله وبركاته
حبيبتي ماازعجتي القسم ولا شي حقج انج تسألين يالغالية
ماتقدرين ترسلين رسالة خاصة لان مشاركاتج حبوبة قليلة في هالمنتدى لاتتضايقين,والنعم فيج يالغالية وبأصلج
شوفي حبيبتي قبل كل شي ودي اقولج اني في لبنان احرص على الاستمتاع بالطبيعة اكثر من الشوبنق بس لما اشوف شي حلو بالصدفة مايمنع اني آخذه
شفت نفس شحاطتج انواع بالسوليدير بس بعدي عنه لانه غالي وبتلقين نفسه مثل ماقلتي بالحمرا بس ماعرفهم بالاسم وياليت انتي بنفسج تروحين وتشوفين عشان تختارين على نظرج
عندج سوق الزلقا فيه شغلات وايد حلوة من هالنوع وسعرها معقول ومعظمها صناعات لبنانية وعلى فكره راقية وحلوة

وبشارع مار الياس شي روعة في محل اسمه على ماظن vercn

وبعاليه آه ياعاليه فيها فناتق تهبل مايوصلون 100دولار من حلاتهم بس مادري الحين في شي مفتوح عشان هالفترة برد الجو في الجبل بالذات محل اسمه صبايا 009611318179
وطبعا شفت بفرن الشباك اغلب المحلات من هالنوع واو صناعة لبنانية وتهبل ,وودي اوضح شغلة حبيبتي بما انه دخل الموسم الشتوي اتوقع ماراح يلقى من هالنوع او مومتوفره بشكل اوسع لاني يوم رحت من اسبوعين شفت ان المعروض اغلبه بوتات وبروح ان شاء الله بثالث يوم عيد الاضحى جان قلتلج بس حسافة ان اخوج الله يحفظه بيكون رايح بس خل يسوي جوله عاللي قلته لج اذا عنده وقت وان شاء الله يطول باله ويلقى باذن الله تعالى
وسامحيني على القصور حبيبتي ماكان ودي تحتارين .
اختج اصول

Fawzia Alb
Fawzia Alb
ياخساره
تمنيت اني اذكر المحل او عالاقل اخذت رقم اللي تشتغل فيه واتعامل معها
اخوي بيروح قبل العيد بيوم يعني يوم 9 ذو الحجه لو قدرتي تدخلين نت من لبنان ومريتي على اي مكان ولقيتي
ياليت تردين علي هنا وتخبريني واوصيه واذا ماقدرتي خيرها بغيرها وان شاءالله ربي يكتبلي روحه قريبه ههه
ودي بصراحه اكلم صاحبة اخواتي لبنانيه وطالعه على لبنان بعد كم يوم بس استحي منها بس شكلي مالي الا هي
واخوي مدري عنه ماتوقع بيطول باله ويدور لي من محل لمحل
مشكوره والله وماقصرتي يعطيك الف عافيه تروحين وترجعين بالسلامه
سلمي لي على لبنان واهلها .. جد ماقصرتي حبيبتي

اصول2
اصول2
الله يسلمج حبيبتي وان شاء الله الله يكتب لج زيارتها بس في هالوقت مثل ماقلت لج كله شتوي ماتلقين ليما آخر الشتا السنة الياية ,ومثل ماقلتي احاول اني ادور اذا لقيت ابلغج ماراح اتاخر حبيبتي لاتحاتين وادري ان الشباب مالهم خلق الفرارة وايد ,وكلمي صديقة خواتج منتي خسرانه شي احسن بعد لاتستحين ولاشي لان سؤالج عادي الكل بيسأل بخصوصه.
وكان ودي اني اساعدج حبيبتي وماسويت الا الواجب والشكر موصول لج ويوصل سلامج للكل ولو.

عبير لبنان
عبير لبنان
للأسف ما فتحت الصورة متل ما قالت الاخت اصول هلأ بيكونوا شالوا الصيفي


خصم يصل إلى 25%