zezo0500
15-12-2022 - 06:56 am
السلام عليكم ورحمة الله بركاته
حبيت اكتب لكم هذا التقرير المتواضع عن سيؤل
طبعا في البدايه اشكر كل من ساعدني في تخطيط الرحلة
إحقاقا للحق لابد من شكر
الأخ رجل شرقي لأني استفدت منه في تعديل الصور
الرحلة كانت
بتاريخ 15 / 7 إلى 21 /7
أعضاء الرحلة أنا واحد أصدقائي
اعتذر عن التأخير في كتابة التقرير نظرا لأنشغالي وما حبيت انزلة على قترات متقطعة
وأنا سبق أني وعدتكم بتقرير ولا بد من أني أوفي
وهذا أول تقرير لي رغم اني عضو في هذا المنتدى من فترة واستفدت منه في سفرات سابقة
وأصبح فرض علي اني ادخله يوميا نستمتع بالتقارير
أتمنى انكم تعذروني على الأخطاء
الرحلة ماكانت سيؤل لحالها كان معها الفلبين
طبعا الرحلة كانت المدينة الرياض الرياض مانيلا
على الخطوط السعودية قبلها بيوم ريحنا في مانيلا
ثم انطلقنا إلى سيؤل على خطوط سيبو بتاريخ 15 / 7
كان سعر التذكرة للشخصين
Total: PHP 8,904.00
اتجاه واحد فقط
اما الرجعة كانت بسعر
Total: KRW 614,753.46
كانت أغلى من الذهاب بكثير
طبعا السعر شامل الضرائب + وزن شنط 20 كيلو + حجز المقاعد+ التأمين على السفر
هذي طلباتنا عاد شوفو الضرائب والخرابيط الثانية
المهم كان وصولنا للمطار تقريبا الساعة 8 ليلا ثم اتجهنا للفندق
كان 3 نجوم شامل الفطور
كان سعرة 335 ريال
هذي الغرفة من الداخل سريرين منفصلة كان واحد عائلي والثاني صغير نفر
الغرفة طبعا ما كانت كبيرة مرة صاحبي اتضايق شوي بس أنا عادي كان الوضع عندي لأني سافرت هونج كونج وشفت أصغر من الغرفة هذي
طبعا كان أكبر شي فيها التلفزيون
طبعا كان في الغرفة كمبيوتر مكتبي فيه نت طبعا وكان عيبة إن النت ماكان واي فاي كان شبكة
بس عاد على مين فصلنا السلك وشبكناه في الاب توب الي معانا
الواي فاي كان بس في اللوبي
هذه صورة الحمام ماكان فخم مرة بس كان نظيف
طبعا الفطور ماكان فيه تنوع كثير لدرجة أخر شي ملينا الله يديم النعمة
كان الفطور شبه ثابت
بس كانت عليهم شربة ولا أروع بصراحة
وكان المكان صغير جدا
وهذي صورة مدخل المطعم
وهذي صور للفندق من الخارج
وهذي صورة ثانية من الخارج
مميزات الفندق رخص سعرة بالنسبة لأغلب فنادق سيؤل بالإضافة لوجود الفطور وهذي كان اهم شي لنا ووجدنا انها ماهي متوفرة في أغلب فنادق سيؤل
الفندق كان نظيف بصراحة وكان صغير 7 أدوار وقريب من محطة المترو 350 متر تقريبا
المنطقة الي بجنبه عادي جدا مافيها أسواق ولا شي مجرد محلات صغيرة
هذى الجزء الأول
حبيت أني اكتفي بهذا القدر
حتى أشوف التقرير هل فيه أخطاء والا سليم
تعرفون أول تجربه لابد فيها من أخطاء
رحلتي الى اسيا
واصل والله معاك