Life is a Game
31-10-2022 - 01:59 am
السلام عليكم ورحمة الله وبركاتة
بصراحة أبدي اعجابي الشديد بمنتداكم الرائع جداً والذي يجمع خبرات الناس واسفارهم حول العالم .ويعطي الشباب القائمين على الموقع ألف عافيه وعساهم ع القوه.
ما جفت موقع أحسن من موقع المسافرون العرب لإطرح مشكلتي .
انا معرس يديد والعرس في فبراير 2012 وبخاطريه أروح شهر عسل خيالي شويه مب وايد المشكله مب عارف.
انا ودي أروح اروبا بس لما اسأل الشباب يقولون برد..
انا ودي اروح دولتين يعني دولة فيها ثلج ودوله الجو فيها معتدل.
احب الطبيعة من غابات ومناظر واحب البحر والمناطق الريفيه واخر شي التسوق .
طبعا الرحلة بتكون 20 يوم تقريبا إبتداءً من 20/01/2012
اتمنى مشورتكم وانكم اتفيدوني حول الدولتين الي فيها الجو البارد والدوله الثانية الجو المعتدل وتقريبا اسبوع في كل دوله والاماكن السياحية في كل دولة. وطريقة السفر بين الدولتين.
واتمنى من الي عنده أي معلومه ولو كانت بسيطه يساعدني فيها ويجعلها في ميزان حسناتكم
دام قلت دولتين عكس بعض يعني حط في بالك المسافه لان اكيد هدولتين مابكونون قراب من بعض
بس اذا تبي الاقرب وبحكم انت قلت تبي شمس وجو معتدل وبعد قلت تبي ثلوج
لهشي انصحك اتروح جزيرة موروشيس وبعدها اتروح لباريس
او اتروح للمالديف وبعدها اتروح لباريس
تبي الصراحه انا اشوف ان هشي تعب عليكم بس هذا طلبك
مع اني افضل اتكون الدوله جوها معتدل افضل لكم لانه شهر عسل وماتبي الجو يخرب عليكم سفرتكم