جبل لبنان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Meme.Qatar
08-12-2022 - 01:41 pm
السلام عليكم ورحمة الله وبركاته
انا من قطر وبروح لبنان ان شاء الله في عيد الاضحى .. بقعد تقريبا 5 ايام
ابي اعرف الجو اشلون بداية نوفمبر ؟؟ شهر 11 يعني من 6 ل 14 يعني
نلبس جاكيتات ولا صيفي؟
ومارحت من قبل ابي ارتب جدول يكون بيزي واستانس فيه طول الوقت وانام شوي
لاحقة عالنوم في الدوحة :P
انا كتبت اسم كم مكان من المنتدى هني بس المشكلة ماعرف المناطق واذا قريبة من بعض ولالا
فلو ممكن يعني ترتبون لي شنو القريب من بعضه عشان اسويه في نفس اليوم
انا فكرت تقريبا كل يوم بالليل بنروح السوليدير
كاتبة مطعم صبايا ومغارة جعيتا ومطعم منير ومطعم كرمنا
البيتي كافيه
مطعم القصر
جونيه والتلفريك
الجبيل
لوكاندا مطعم مكسيكي
مطعم الجنة في بيت مري
اشرايكم؟ كله اكل ههه
قريت ان متحف الشمع حلو بس ماحب هالسوالف
وبعد في قلعه نسيت اسمها بس احس ملل ولا اشرايكم؟؟
ابي بعد انشطة يعني مثلا نروح لنهر او جبل او قوارب او سكوترات
بس مابي طبيعة وبس ابي اكتفتيز واكشن
وابي بعد مدينة العاب ! شي يخرع
اي وبعد شي مهم
ابي سواق مع سيارة
اخاف يقصون علي
ولاتقولون لي الموضوع لانه فيه مليون رقم ومليون شركه
ومابي اخاطر
ابي حد مجرب واسعار زينة
وشنو احسن نتفق ان ندفع له باليوم ولا بالساعه؟
وشكرا


التعليقات (6)
DMQ
DMQ
مرحبا اختي ...
في شهر نوفمبر بيكون الجو بارد
اليوم اللي بتروحون فيه الى مغارة جعيتا روحي متحف الشمع بعدين تلفريك جونية - بعدين اتمشوا بالكسليك كلهم جنب بعض
الجبيل - السوق القديم - مطعم لوكاندة في الجبيل - اتوقع الجبيل بتعجبك فيها سوالف قوارب وطراد وتاخذين لفه بالبحر
قصر بيت الدين - قلعة موسى - بنفس اليوم
مطعم منير في برمانا - كوخ الصبايا منطقة زعرور - جنب بعض
مطعم الجنة - بيت مري ما انصح فيه خلاص راحت عليه - وهو ايضاً جنب برمانا
كرمنا وبيتي كافيه في السوليدير - وفي بيتي كافيه بالروشة
في عندهم مدينة ألعاب بس ماتخرع عادية (دريم بارك ) في جعيتا
بالنسبة للسيارة والسائق الاخوان يقدرون يساعدونك بأرقامهم
وخذي لفة بتقارير الاخوان بستفيدين كثير وبالسلامة ان شا ءالله

يحلمون
يحلمون
راح اجاوبك باللي اعرفه
بالنسبه للجدول انا في راي تخلين لكل يوم منطقه برا بيروت منها تتغدي فيها وتتمشين
بالنسبه لمطعم منير في برمانا اتوقع هذا لايفوتك
وعندك الفلمنكي جلساته حلوه للفطور
والبيتي كافيه اللي في الروشه كويس (( بس انتبهي منهم في الفواتير تراهم نصابين يزيدون في الطلبات بس انتي لاتخلينهم قولي له يعدل الفاتوره ولا قولي له بتمشين ولا راح تحاسبين لانها صارت معي بس عطيتهم العين الحمراء وغير الحساب ))
بالنسبه للسياره عندك مكتب اودنيس بتحصلينه في احد المواضيع الخاصه باجار السيارات سعره حلو ولا توقفين على مكتب واحد

ولد بابا وماما
ولد بابا وماما
حياك الله بلبنان
وعندك البرنامج ادناه
https://artravelers.com/p/re/260683
وعندك الرابط بتوقيعي عن الاماكن التي تستحق الزيارة
مع تمنياتي لكم بسفرة ممتعة

alambr
alambr
meme.qatar
أول ما توصلون مطار بيروت
في صالة القدوم على يمينك عدة مكاتب لتأجير السيارات
خذوا سيارة بسائق في حدود 70 دولار في اليوم والبنزين عليكم
وسبق لي التعامل مع مكتب ستي كار وتعاملهم ممتاز .
ورحلة موفّقة بمشيئة الله .

Meme.Qatar
Meme.Qatar
تسلمون كلكم ما قصرتو والله
يعطيكم الف الف عافيه جزاكم الله كل خير
d:

#..lamar..#
#..lamar..#
ممكن تشوفون الجدول في توقيعي وتاخذون منه معلومات


خصم يصل إلى 25%