1. اليوم حبيت أشاركم تقريري المتواضع عن رحلتي إلى ماليزيا


2. وإسمحولي لإن التقرير مب مرتب 100% لأن ما أتذكر التفاصيل عدل


3. ومن هني ماصورت الين قبل الوصول بنص ساعة


4. وصلنا الحمدلله بالسلامه وبعدها اتوجهانا الى الفندق وكان الجو !!

السلام عليكم ورحمة الله وبركاتة

اليوم حبيت أشاركم تقريري المتواضع عن رحلتي إلى ماليزيا

وإسمحولي لإن التقرير مب مرتب 100% لأن ما أتذكر التفاصيل عدل

المهم ندخل في صلب الموضوع كان رحلتي 7 ليالي و 8 أيام على طيران الماليزيه لان ما حصلنا حجوزات إلى على الماليزية وحجزنا أول ليلتين من مكتب عدنا ف البلاد وقلنا من نوصل هناك رواحنا بندور فندق حق اليالي اليايه وكان ترتيبنا كالتالي :
4 ليالي : كوالالمبور (العاصمة)
ليلتين : جزيرة لنكاوي
وآخر ليله ف العاصمه مرة أخرى
وتنطلق الرحلة
وصلنا مطار دبي وخلصنا الاجراءات وخذينا كم لفه ف السوق الحره
وحالياً نتريا الين ما يدخلونا الطيارة وهذة بطل الرحلة
وهذى محدثكم

ومن هني ماصورت الين قبل الوصول بنص ساعة

وصلنا الحمدلله بالسلامه وبعدها اتوجهانا الى الفندق وكان الجو !!

وكان فندقنا في الحي الصيني ما اذكر شو اسمه واسمحولي ما عندي صور متوفرة للفندق ..اصلاً ما يستاهل التصوير والفندق تعبان وحتى الحي الصيني ما انصح حد يسكن فيه لان النظافة فيه 0% بس اخطف وروح ولا أقول لا تزورونه بعد
المهم ريحنا ف الفندق ساعتين وطلعنا نتغدى وبعدها أنطلقنا إلى جينتنق
وركبنا التلفريك ...الصراحه عيبني
وهذا كان يصورني بس تغديت فيه قبل لا يتعشى فيني وصورته
وهذي بعض الصور من داخل التلفريك
هني معالم الوصل بدأت تظهر
وصلنا وكان الجوو روعة وبارد وهذي صورة الفندق الملون
دخلنا مركز وتمشينى ولعبناا بس ما طولنا لأن الحديقة تسكر الساعة 6
وهذي صورة للحديقة من فووق
يلسناا ع الرصيف شوي وكاان الجو يقول تموو أكثر وبعدها توكلنا ورجعنا ادراجناا ركبنا التلفريك ونحن راجعين بند التلفريك علينا ف نص الدرب لمدة عشر دقايق أو أقل
رجعنا الفندق وتعشينا و سليبنق تايم حتى اليوم الثآآآآآني
ومع أشراقة يوم جديد ف ماليزيا ننطلق إالى سن وي لاقون
الي عجبني في ها المكان انه كان منوع مركز تجاري و العاب مائيه والعاب ترفيهيه و انواع الحيوانات ولكن العابها المائيه لا تقارن وايلد وادي و اتلانتس عندنا ف دبي ولكن مع ذلك مكان جميل ويستحق الزيارة
وهذي بعض الصور
والمكان يحوي على انواع مختلفة من الحيوانات ولكن اسمحولي ما حطيت كل الصور
وهذي صور ل سن وي
صور للجسر
لعبنا وأستانسنا وبعدها رجعنا ونحن راجعين كالعاده جو مفاجأت الرجوع
رجعنا الفندق وتمشينى ف السوق الصيني والمناطق المجاورة وحجزناا لليوم الثالث في فندق ع شارع العرب وكان المكان يريحك نفسياً يوم تكون بين العرب تعشينى ورجعاً لآخر ليله ف الحي الصيني و سليبنق تاايم
للحديث تكملة :-
يتبع..