الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
FRESNO
16-12-2022 - 01:03 pm
  1. السلام عليكم ورحمة الله وبركاته ..


السلام عليكم ورحمة الله وبركاته ..

مطعم التفاحه الخضراء . والواقع في منطقة شرق كان موعدنا معه بلا موعد . خرجت مع ام العيال للعشاء ولكن لم يكن هناك اي تخطيط مسبق على نوعية ومكان العشاء . وانما نركب السياره وبعدين نفكر وين نروح وفجأه . ظهر أمامنا مطعم التفاحه الخضراء . وقلنا ليش لأ نجرب هالمطعم وفرصه كبيره للتغير . بصراحه خوش مطعم ويستاهل . نظيف و متنوع .. وخدمه ممتازه . الدور الأرضي عباره عن القسم اللبناني . الدور الثاني عباره عن القسم الهندي صيني . الدور الثالث القسم الإيراني . بزيارتي الأولى مع ام العيال قمنا بتجربة القسم اللبناني . وتجربتي الثانيه كانت في القسم الهندي صيني كلاهما رائعان .. اترككم مع الصور
المطعم من الخارج
وهذا شكل الطاولة لعدد اربع اشخاص
وهنا الطاولات الكبيره . تصلح للعوائل
كل الطاولات تقريبا عليهم هالورده الحلوه . عجبتني بصراحه
المخلل والزيتون . بصراحه اكلت وبعدني صورته سامحوني . ترحيب من المطعم
والخبز حار . عندهم خوش تنور
حتى الخضروات نظيفه ما شاء الله
وهذي شوربة دجاج بالذره من ضمن الطلبات . خوش شوربه بس تصويري مو ذاك الزود سامحوني
وهذي شورة العدس . هم خوش شوربه تكفي شخصين
https://travel.maktoob.com/vb/picture.php?albumid=12886&pictureid=514110
البطاطا الحاره بالبقدونس .. وبما اني مو محترف تصوير هم نسيت اكلت منها وبعدين صورتها . الله يهداني مستعيل
هالصوره ما ادري اكلت قبل لا اصور والا صورة قبل لا اكل . المهم صورة . خوش حمص وسلطه خضراء
احنا شخصين . والصحن فيه عدد 6 كبه برغل .. وهذا يعبر عن سخاء المطعم
وبما اني احب الريش . بصراحه القسم اللبناني عنده خوش ريش وايد طيبه
مع الريش طلبنا تكا . نجرب شورانا اول مره ندخل المطعم
وهذا الطبق ما طلبناه .. بعد ما خلصنا العشاء نزل الطبق كإهداء من المطعم . تقريبا فته فيها باذنجان . تذوقت منها شويه
بعد طبق الفته حسبالنا خلصنا .. لا في طبق ثاني وين رايحين . والصوره تعبر عن نفسها
الحمدلله كانت زيارة المطعم موفقه . وللتأكيد من قبل ادارة المطعم رضاء العميل غايه بالأهميه . فجأه لقينا الشيف واصل لطاولتنا يسأل ويتطمأن على نوعية ومستوى الأطباق
بصراحه . مطعم التفاحه الخضراء خوش مطعم ويستحق الزياره .. وما انسى صورة الفاتورة
أتمنى عجبكم التقرير . تحياتي لكم .


رحلتي الى الكويت
التعليقات (9)
اصول2
اصول2
عليك بالعافية اخوي انت وام العيال واختيار موفق للمطعم الرائع.

اوزنجول التركية
اوزنجول التركية
عليكم بالعافية
يبدو انه خوش مطعم
ممكن تقولنا وين مكانه بالضبط

حلوة الكون
حلوة الكون
شكرا جزيلا على التقرير

اصول2
اصول2
اوزنجول التركية
بعد اذن صاحب الموضوع الرائع المطعم على الدائري الاول مقابل صالة اليوسفي يجانب قصر دسمان ولونه اسود ايبين من بعيد وان شاء الله وصفي اوكي.

توبليرون
توبليرون
عليكم بالعافية والاطباق تشهي.......
انا بعرف بعد وين مكانه بالضبط......جزاك الله خير على المطعم .

توبليرون
توبليرون
اصول2
يعطيج العافية اختي اصول ......ما انتبهت على العنوان اللي انتي حاطته ....العتب على النظر.....بس خلاص اوصلت المعلومة ...ووصفج ما يبيله بعد ..

اصول2
اصول2
توبليرون
الله يعافيج ياام يوسف ,ان شاء الله تروحين له وتستمتعين بمذاق اكله ,والله يحفظج يالغالية.

ابوحمد.
ابوحمد.
الله يعطيك العافيه على التقرير

violetq8
violetq8
انا شفتة قبل اسبوع كنت طالع من ميس الغانم و مريت على الرائر الاول
ان شاء الله اجربة


خصم يصل إلى 25%