الهند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بياله بدون عروه
06-12-2022 - 08:54 pm
بسم الله الرحمن الرحيم
اللهم صل على الحبيب واله الطيبين الطاهرين واصحابه والتابعين
مساء الخير
بالنسية لاستخراج الفيزا
بصراحه انا جيت من برى الرياض ورحت لمكانهم القديم بالسليمانيه في عمارة الصفوة بوابة 2 مقابل السدحان
الا واحد الاشخاص من الجنسية الهندية عند الباب يقول لي فيزا قلت ايوه على بالي انه شغال معاهم بالسفارة
الا يقول لي 480 ريال وانا اصلحها لك ماتسوى علي جاي مشوار قلت لا ابغي السفارة قال بام الحمام في هايبر بنده
واخوكم يالله يدل المملكة والفيصليه بالرياض وخذ مشاوير واروح للسفارة على بالي انها تخلص بسرعه الا يقولي السيكورتي اللي ببوابة السفارة لا روح لشركة الاعتماد مافيه الا ذا الحل طبعا شركة الاعتماد في ام الحمام قبل مقبرة ام الحمام في هايبر بنده بس مافيه شي يدل على المكتب لالوحات ولا شي واروح هناك الا ومجموعه من الهنود يخلصون لك الاوراق قبل تدخل السفارة من مكاتب انا رحت لمكتب مقابل هايبر بنده وصلحه لي مقابل 80 ريال على انها ماتسوى بصراحه لكن مافيه وقت اني اجلس اصلحها واللغة يالله بالخير
طبعا المطلوب:
1- تعبئة ورقتين ببيانات تحصلها بموقعهم علي النت او من السفارة او اي مكتب
2- صورتين شخصيه
3- صورة لبطاقة الاحوال
4- صورة لحجز الطائرة باللغة الانجليزيه
5- صورة من حجز الفنادق في الهند
طبعا لهم وقت من بعد الظهر الى الساعه الثانية ظهرا راحه
بعد الساعة 2 اخذت رقم وقدمت الاوراق ودفعت لهم 238 ريال واخذت منهم وصل وبعد اربعه ايام ان شاء الله استلمه على طريقهم مب لازم نفس الشخص يستلمه على حسب كلام السيكورتي اللي كان بالمكتب
الحجز بالطائرة الحمد لله حصلت سعر زين من الخطوط القطرية ب1517 بموقعم
خط الرحلة الرياض - الدوحه - ترافندرام
الاياب ترافندرام - الدوحه - الرياض
بالنسبة للتوقف بالدوحه لايتجاوز الساعه بالذهاب والاياب
انا رايح لوحدي للعلاج واسال الله ان يكللها بالعافية ان شاء الله والشفاء اولا واخيرا من الشافي الله سبحانه وتعالى
ادري ان كثرت الكلام لكن المقصد اني اوضح لكم المطلوب وتقبلو تحياتي


التعليقات (9)
لا مشكلهـ
لا مشكلهـ
حلو .. بالتوفيق آخووي .
استخرجتها ب 350 وكلت مكتب وافتكيت من الروحات والجيات .
وسعر الطيران ممتاز جدا
اسأل الله الكريم أن يشفيك

المراهق الكسلان
المراهق الكسلان
شكرا لك واسال رب العرش العظيم ان يشفيك
لكن اتمنى لو تعطيني مكان السفارة بأم الحمام بالظبط ؟؟؟

بياله بدون عروه
بياله بدون عروه
لا مشكله
حياك يالغالي

بياله بدون عروه
بياله بدون عروه
المراهق الكسلان
جزاك الله خير
الوصف يالغالي وانت جاي علي طريق مكه ومتعدي كوبري طريق الملك خالد
تمسك الخدمة بيكون علي يمينك منطقة عسكرية وبعدها على طول طريق ام الحمام شمالا معاه لاول اشارة ترجع على نفس الطريق بيكون هايبر بنده علي اليمين ادخل لمواقفها بتشوف واجهة محل سوداء اهي السفارة

بوحميـــــــــد
بوحميـــــــــد
ماعليك شر ياغالي
والسعر جدا ممتاز للطيران
تروح وتجي بالسلامه
تحياتي لك

مُلاعب الأسنه
مُلاعب الأسنه
موفق اخوي تروح وترجع وانت بأتم صحه وعافيه
انا سويت التأشيره من مكتب قبال السفاره الجواز الواحد خذ عليه 350 ريال ولا حجز طيران ولا فندق ولا غيره بس صورتين و الجواز ووصورة البطاقه وقروشك قبل كلش .
اما بالنسبه لتذاكر اخذتها من الخطوط السعوديه يوم 15 اكتوبر ب 1900 ريال .

aywan
aywan
السلام عليكم ورحمة الله وبركاته
الف مبروك استخراج الفيزا
والله يشفيك يا رب
بالنسبه للهند ايش فاهمين بالعلاج اتمنى تفيدنا وشكراً

lo45871
lo45871
نعم عزيزي أنا سويتها بنفس في أم الحمام و دفعت 238 و بعد خمسة ايام استلمت الفيزا سياحية ثلاثة شهور
المطلوب
1- نماذج التقديم ( يوجد واحد اصلي ) و نموذجين إضافيين حسب الجنسية
ق صور
3- الجواز
4- حجز فندق
5- تذكرة طيران
6- 238 ريال
7- خروج وعودة لغير السعوديين
8- أن يكون التقديم قبل 15 يوم من الرحلة
9- خطاب من الكفيل - لغير السعوديين

رهين عيونك
رهين عيونك
يالله ان شاء الله تروح وترجع بالسلامه يارب
وأسأل الله العلي القدير رب العظيم أن يشفيك يارب ويكتب لك الشفاء يارب


خصم يصل إلى 25%