Moon Ambassador
06-12-2022 - 08:26 pm
بسم الله الرحمن الرحيم
اتمنى انكم بأتم صحه وعافية ,,
تقريري لايوجد به الجديد عن سابقيه ويمكن فيه ناس لها تقارير افضل مني بكثير ,,
لكن حبيت اني اطرح هذا التقرير والصور وتفصيل الرحلة على امل ان يستفيد لو القليل من المقدمين على السفر في المستقبل ,,
رحلتي كانت لأسيا الحقيقية (ماليزيا ) احد اجمل دول المناطق الاستوائية الواقعة جنوب شرق اسيا
وإليكم تفاصيل رحلتي ,،،
تاريخ الرحلة
2011-sep-01 الى 2011-sep-13
الفكرة
بدأت فكرة السفر قبل الزواج وكان التخطيط لدول عدة من اقصى الشرق الى اقصى الغرب ,,
وكانت الافكار تراودني يمين ويسار ,, ولكن بما ان الهدف من الرحلة كان شهر عسل بدأت ادور واحووس في الدول اللي يرتاح فيها الشخص وخاصه بداية زواجة وبيسافر مع شخص اول مره يسافر معه ومسؤولية وزحمه و و و و الخ.
ويقولون خويك ماتعرفه الا في السفر
رحلتي الى ماليزيا
من يوم شفت هالجامعه تمنيت اني ادرس فيها
بعد الاستكشاف رجعنا للمطعم واخذنا فاكهه
,, بصراحه طعمها لذيذ جدا وانصح الي يروح ذيك الديار لايفوت فاكهتم ابد
بعدها طلعنا من الفندق واعجبتني هالحركة
وكانت فيه مشكله بصراحه ماحسبت حسابها ,, الي هي التكاسي ,,
نسيتها بصراحه ولكن مشت علينا
اول يوم حبينا نطلع ناخذ جولة في سلانجور ونستكشف معالمها او نتمشى في ارضها ولكن تفاجأنا ان اسعار التكاسي شي مو طبيعي
وخاصه انهم يشوفونا عرب ويستغلون الفرصه
اتفقت مع راعي تاكسي (هندي) ياخذنا في جولة على سلانجور وكان ارخص واحد لقيته وقيمته 180 رينجت
وبدأت جولتنا ,,
بدأنا ب العين الحارة ,,
بعدها توجهنا الى
شلالات سلانجور (Templar Park)
رسوم الدخول
5رينجت للشخص
شفت هالشي وتذكرت ايام وايام
من هنا البداية
هنا طبعا نبدأ المشي وصعود الجبل ,, وانت ونشاطك
وصلنا منطقة وسط الجبل
وكل ماطلعنا نشوف هالمناظر
واصلنا الصعود وبصراحه التعب سيطر علينا ولكن المشكله انك كل ماطلعت زيادة كل مااستمعت اكثر
وهنا اخر شي قدرنا نوصل له ورجعنا
طبعا بعدها طلعنا على مصنع الشوكولاته ,, والمشكلة اني وصلت هناك وكان في عرض مسرحي ومع الحماس ماقدرت اخذ صورة واضحه ,, لكن دخلنا اكلنا في هالشوكولاته واخذنا لنا مجموعه حلوه وطلعنا ,,,
بعد ماطلعنا بدأ السواق يقول اننا بنروح مصنع حجر وزجاج وخرابيط ماتلاقيها الا في ماليزيا ,, ودخلنا طبعا وكان في عرض اولي للسلع ومن هناك دخلنا للسوق حقهم وكانوا مسوين تخفيض 50% ومع هذا حسيت ان في استغلال مو طبيعي
,, وطلعنا بدون حتى اني اصور لان المكان مو بالشي الي يستاهل
جنبه على طول قال السواق بنروح مصنع رخيص يبيع نظارات وساعات وخرابيط ,, والنفس من الداخل تقول ياشيخ هذا نصاب ويبي بس يمشي الوقت ,,
قلنا مو مشكله نروح نشوف مصنعكم ودخلنا وللاسف ماعرفت الا ماركة وحدة بس الي هي اديداس
؟؟؟؟ ونظارات بعد
وانا اقول وش جاب اديداس للنظارات ,, وتشوف انواع الماركات والاسعار الخيالية الي ماتقل عن 1000 رينجت وانت طالع ؟؟
قلنا ياحبيبي مايستاهل حتى المكان انه يتصور