عليكم السلام ورحمة الله وبركاته
حياك الله أخي الكريم والحمد لله علي السلامه
وشكرا لذكر تجربتك اللي تكللت بالنجاح
ولكن حبذا لو كانت شامله ويكون تقرير مختصر لو حتي بدون صور
وشكرا

1. الصباح ذهبنا الى الشلالات وانبسطنا فيها وعدنا بعد الظهر


2. العصر نزلنا للملاهي المائيه وكانت بجوار الفندق الى المغرب


3. وصلنا بيننق الساعه 4 العصر وكانت اقامتنا فيها 4 ايام

تقرير رحلتنا مختصر:
طرنا من مطار الملك خالد بالرياض يوم الخميس 1/9 المغرب على طيران الخليج مرورنا بالبحرين
وصلنا البحرين 7.15 المغرب والطعنا في مطار البحرين تقريبا 7 ساعات00 طيران الخليج جدا رائع بس عيبه الوحيد اللطعه بالمطار
وصلنا مطار كوالالنبور والحمد لله الامور كانت جدا رائعه بس شويت تعب مع سهر
اخذنا تاكسي من مكتب بالمطار (تسجيل ) ب 65 رنجت الى صنواي لاجون الى فندق ( براميد ) كان الوقت عندهم 3 العصر ريحنا تقريبا 3 ساعات نزلنا تحت بالفندق وتمشينا بالمجمع (مول كبير ) بنفس الفندق وكان جدا رائع من خمسة ادوار وتحت فيه ساحة تزلج رائعه.
تعشينا في (كنتاكي) وعدنا للفندق

الصباح ذهبنا الى الشلالات وانبسطنا فيها وعدنا بعد الظهر

العصر نزلنا للملاهي المائيه وكانت بجوار الفندق الى المغرب

اليوم الثاني ذهبنا بالباص الى بيننق وكان اختيارنا للباص حسب توصية احد الاصدقاء والغرض اننا نشوف الطبيعه على الطريق000 وفعلا كانت المسافه تقريبا 3 ساعات الا اننا لم نحس فيها لان الطريق كان غابات ومناظر طبيعيه وامطار الى بيننق

وصلنا بيننق الساعه 4 العصر وكانت اقامتنا فيها 4 ايام

وصلنا فندق (فيلمنقو) وريحنا والحقيقه من زين الجو ما قدرنا نصبر على الجلوس داخل الغرفه طلعنا على وتمشينا على الشاطي ومسبح الفندق واخذنا تاكسي الى السوق اليلي نبي نتعشاء في مطعم الطربوش اجرة التاكسي (10) رنجت تعشينا وبصراحه افضل مطعم (الطربوش) وتجولنا بالسوق الليلي ( الصيني)
اليوم الثاني: رحنا جوله الى
مصنع الملابس + مصنع الشوكولاته + مصنع القهوه+ مصنع القصدير+ مصنع الذهب والالماس واللي ميزانيته مو مره لايمر على الذهب والالماس لان عندهم لؤلؤ اصلي ويعجب الحريم وخسرتني المدام ههه
بعد المصانع رحنا للقطار وطلع فينا الى قمة هضبة بيننق فوق الضباب والجو جدا رائع
اليوم الثالث رحنا جزيرة القرود وبصارحه ما اعجبتنا يقولون جزيره وهي شاطي وفيها كم قرد ههه
اليوم الرابع رحنا لسوق (قيثار) مجمع كبير واسعاره رخيصه
الصباح من بكرا ركبنا بالسفينه الى لنكاوي مدة ساعتين وكانت الرحله جدا رائعه
وصلنا الساعه تقريبا 11 الصباح000 اخذنا تاكسي الى فندق (مترايا) ب 40 رنجت لان الفندق بعيد شوي وداخل غابات وهو عباره عن غرف معزوله داخل الغابات على البحر وكان جدا رائع
تجولنا العصر على البحر والمحلات المجاوره للفندق ونمنا بالليل
الصباح ذهبنا جوله الى النهر والكهوف ومن ضمنها كهف الخفافيش جولة النهر ممتعه جدا
بعدها ذهبنا الى الشلالات (وزحلقت فيها بس الحمد لله تمسكت بشجره والا تصير علوم ) وبعدها الى حديقة التماسيح تم الى عالم تحت البحار وتغدينا فيها
عدنا العصر مهدودين الحيل ونمنا وبالليل سبحنا بالبحر والصباح الساعه 10 سويت (شيك اوت ) ونسيت التامين 200رنجت لاننا تاخرنا ع الرحله
الحمد لله لحقنا ع الطياره ووصلنا كوالالنبور الظهر
ريحنا في الفندق ( ميليا ) بس تفاجأت ان الفندق مافيه شطاف بالحمام اعزكم الله وربي توهقنا (جابولنا كشكول بلاستك) سالتهم اشلون الناس تنظف نفسها انتم مو بشر ..... قالوا هذا نظام الفندق
طبعا سألت عن النت قالوا بفلوس (24ساعه ) ب 58 رينجت قلت فندق 4 نجوم مافيه نت فري
تكلمت مع المدير قلتله الكوفيهات والمطاعم فيها واي فاي مجاني وانتم فندق بفلوس
قال النت ماله دخل بالفندق شركه مستقله قلت الشركه هذي تسيئ الى سمعت الفندق
كان شارع العرب خلف الفندق والقطار يمر من امام الفنق طبعا قطار (المونوريل)داخل كوالا 000 يمكن اللي ماراح يفهم انو قطار خارجي
بالصباح رحنا الى قمة جبال ( جنتنق ) مرينا على حديقة الفراوله واخذنا عسل وطلعنا بالتلفريك الشخص ب ( بعشره رنجت ) ذهاب وعوده وكانت رائع بكل معاني الكلمات فيها فوق فنادق واسواق وملاهي كبيره جدا غير الملاهي الداخليه
عدنا بعد المغرب
اليوم الثاني زرنا البرجين وحديقة الفواكه
باقي يومين تسوقنا فيهم وفي يوم 14 عدنا الى السعوديه مرورا بالبحرين
ملاحظه: السوق اللي في بيننق اسمه (قيثار) بصراحه تندمنا اننا ما تسوقنا كل اغراضنا منه لاني قلت لزوجتي لاتاخذين شي كثير وجهنا على كوالالنبور واكيد ارخص ويوم جينا اسواق كوالا الا اسعارهم غاليه جدا
ولهذا السبب لامتني زوجتي اني ماخليتها تاخذ الي نفسها فيه خاصه ( الشنط والجزم اعزكم الله)
المعذره ماعندي وقت انزل الصور وان شاء الله بحاول انزلها باقرب وقت
آآسف على الاطاله

الحمدلله على السلامة
ماشاء الله ترتيب وتخطيط
وإن شاء الله تعيدونها مرات ومرات
عندك بكوالا السوق الصيني فيه كل ماتحتاجه الحريم

ربي يسلمك
السوق الصيني اغراضهم مو مره ويتعبونك وانت تكاسر معهم

جميل جدا
مشكور اخي الكريم

ماشاءالله رحله حلوه وممتعه اهم شي انبسطتوا انت والمدام وتستاهل الذهب واللؤلؤ مايغلى عالمدام....
ننتظر الصور اخوي والحمدلله على سلامتكم .....

ماشاء الله ان شاء الله بسكن في براميد ومتيارا وشكرا لك على تاكيد ثنائك للفندقين واني لن اندم ان شاء الله في اختيارهما

عزيزي اذا ممكن تقولي من وين سويت حجوزات اباصات والعبارة قبل السفر او من هناك وهل تنصحني بالسفر بالباص والعباره ولك الشكر

abu_reem
بالنسبه للباص اول ما توصل سلاجون خذ تاكسي ورح لمحطت الباص وانت واقف تاخذ التذاكر الشخص 66رنجت
والسفينه نفس الطريقه اذا وصلت بيننق احجز وترا مو عباره سفينه دورين
تاكد انك بتسافر بالسفينه دورين لان في سفينه صغيره والكل يسبها وسعرها رخيص.
بالنسبه لي حجزت السفينه من مكتب بالرياض
وع فكره اعتقد حجز الطيران 150رنجت من بيننق الى لنكاوي
بالباص السفر ممتع كل الطريق غابات وامطار بس المسافه 4 ساعات حاول تروح بدري عشان تشوف الطبيعه
مشينا 12 الظهر وصلنا 4 العصر
السفينه 3 ساعات
انتبه خذ معك ملابس كم طويل لان داخل السفينه برد