السلام عليكم ورحمة الله وبركاتة
اسعد الله كل اوقاتكم بكل خير
بيننغ جمال البيتفرنجي اعجبني بقوة
جلسه على البحر وقهوه ام احمد والحب والجلكسي شي جميل والاولاد لعب بالرمل
جلست افكر (طبعا ربان السفينه ) بروحة المطار
طلعت من الفندق على االتكاسي قالو لى 70 ويبيلك فان لشناطك وعيالك
قلت الشكوى لله
وانا راجع الا اشوف محطة الباص واتذكر تقرير قريته عن الباص من المطار الى الباتو فرنجي
قلت نشوف من الباتو فرنجي الى المطار
الا امر واشوف الهوت لاين حقهم (الخط الساخن )
واتصل فيهم قلت له ابي اروح للمطار كيف ومعاي شناط كبار
قالي نوصلك انت وعفشك الى المطار بكل ود
قالي وينك
قلت له بي فيو بيتش
قالي 4 رنغت الى المطار والمحطه جنبك
طبعاً اكون صريح وصادق حتى الفندق لم يرحب بالفكرة لافادة التكاسي
طيب جاء اليوم الى بروح للمطار فطرت وسويت شيك اوت الساعة 1115
وسحبت الشنط معاي (3 شنط كبار ووحده سبير للرجعة في داخلها شنطة ثانية )
المهم طلعت من بوابة الفندق الساعة 1140 دقيقة
لفيت يسار المحطة امامك لا تاخذ 50 متر
والوصف من الهاد روك اطلع من البوابة لف يمين المطة امامك لا تاخذ 80 متر
المهم وصل الباص مكتوب علية فوق AIR PORT رقمة 102
نزل السواق وشال معاي العفش وقصيت التذكرة
انا وزوجتي والاولاد لا
الباص يلمع من النظافة
البص حلو حركته (طبعا كل الباصات فيها كذا )
وهو جرس يرن انو الباص يوقف في المحطة الى بعدها
رحلتي الساعة 1 الظهر
وصل الباص 1220 تقريبا وركض الى قص البوردينغ وشحن العفش
الرحلة الى المطار تاخذ ساعة ونص
رحلات الباص كل ساعة
مثلا 845
51045
51245
وكذا
وصلت المطار وسويت البوردينغ ورحت الى صالة المغادرة ولم تاخذ امورى 10 دقائق (اسمع ياربعنا )
وطرنا الى لنكاوي ووصلنا بالسلامة
ملاحظتى المهمة جدا جدا
اتكلم من بيفيو بيتش وبعده هارد روك
وليس من الهارد روك الى البي فيو
الاتجاة يكون باتجاة السوق اليلي وليس عكسه
لان لو اخطيت بأتجاة المحطة ضاع وقتك وضاعت طيارتك
احرص اين تقف واسئل
واحرص قبلها بوقت لتفادي اى طارئ يحصل لك
حفظكم الله في حلكم وترحالكم