FuNnY GiRL
17-12-2022 - 07:11 pm
بسم الله الرحمن الرحيم
مرحبا اخواني وخواتي انا توني البارحه راده من النمسا وفي كابرون تعرفت على صاحبة هذا المطعم البوسنية اللي جد قمه بالاخلاق ومن كثر ماحبيتها وعدتها اني اكتب عن مطعمها وعطتني ايميلها قالت اذا حطيتي الموضوع ارسلي لي اللنك علشان اشوف ردود الناس وقلت لها ابشري ولايهمج
رحلتي كانت في اخر رمضان وفطرنا مرتين عندها ما تتخيلون لأي درجه كانت متعاونه معانا تخيلو وزوجي نسى بالضبط متى الاذان مع انه شاف بالنت بس الظاهر تاثير الجوع خ .. قامت مسكينه تركض وجابت جريده وافتحتها علشان تشوف وقت الغروب متى جد قمه بالاخلاق من انسانه غير مسلمه
وقامت هي تشرح لنا الاكل ونوعه وتقول لنا شنو الحلو وشنو اللي يناسبنا كانت حدها حدها متعاونه وخدومه معانا
الحين بتكلم عن المطعم وهو مكسيكي ايطالي .. وان شاءالله اني اقدر افيدكم وتكون الصوره واضحه قدامكم واسمحولي على تصويري المتواضع
هذا المطعم من برا
وهذا المدخل
وهذا المطعم من داخل
وهاذي طاولات المطعم
عجبني هالمكان في المطعم
وهاذي جلسان خارجيه للي يحب يقعد برا
يتبع
مطاعم النمسا
واحد الله يجزاه خير قبل لاروح لما كنت اسال عن المطاعم هو دلني وقال لازم اتجربون شوربة الخضار وفعلا اختيار موفق كانت روعه وانصحكم اتجربونها
وهاذي الباستا وكان طعمها جيد
البيتزا كان طعمها يجنن
وهذا الطبق عذاب طعمه خيالي عباره عن بطاطس مع كريمه وجبن مازاريلا انصحكم فيه
وهاذي الشيشه للي يحبون يشيشون
وهاذي عاد صاحبة المطعم الخلوقه جد عمري ماشفت انسانه تشتغل في اوروبا نفس اخلاقها ... من كثر ماحبيتها اتمنى يارب انها تدخل الاسلام والله يهديها ان شاءالله
وصدق من قال الخلق ماله خص بالدين مرات تحصل مسيحي احسن باخلاقه من مسلمين كثار
وراح اكتب لكم عنوان المطعم
schloss strasse 208
0kaprun
واتمنى من الاعضاء اللي ماجربوه يجربونه واذا عجبهم ماينسوني بالدعاء
أختكم بنت أوروبا