سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
احلى من العقد
07-12-2022 - 05:10 am
  1. و أول مدينة في سويسرا هي ..

  2. St. Moritz


في كل عام اذهب فيه لمعشوقتي ومعشوقة الكثير سويسرا اقرر ان تكون اجازة الصيف القادم في بلد اخر غير سويسرا ... لكن مجرد ان يمر شهر بعد انقضاء الاجازه في سويسرا ارجع بذاكرتي الى الاماكن الجميله والراحه النفسيه والهواء اللطيف ... فأعيد وجهة النظر واقول ... بروح مكان ثاني بس لازم سويسرا تكون من ضمن السفره ...
في هالجزء راح اكمل معاكم مشوار رحلتي الصيفيه والتي بدأت من اسبانيا (( اضغط هنا عشان تطير الى اسبانيا )) https://artravelers.com/p/re/601842

و أول مدينة في سويسرا هي ..

St. Moritz

سانت موريتز وكما تلقب ب ((The Ritzi town )) حيث تعتبر افخم واغلى منتجعات التزلق في العالم ويرتادها اغنى المهووسين برياضة التزلج و طبعا السكن فيها في الشتاء جدا مكلف ... بينما في الصيف فالاسعار معقوله جدا جدا ...
هذه المدينة او بالاصح القرية الفارهه تقع على احد مرتفعات جبال الالب وبها بحيره جميله .. وتمتاز بالجو البارد الي نحبه ... حيث ان اعلى درجة حراره صادفتنا فيها كانت 9 درجات مؤية واقل درجة 4 درجات ورما نزلت اكثر في الليل ... فخلو جاكيتاتكم معاكم ...
سكنا في فندق كريستال هوتيل ... والفندق رائع من كل النواحي .. من حيث الموقع والخدمات والسبا و الغرف ودورات المياه كلشي فيه رائع ومصمم على الطراز السويسري طبعا مافيه مكيف لان المدينة ابدا ماتحتاج مكيف اذا كنتو من النوع الي يحتر بسرعه ففتح الشباك جدير بان يخليكم تتلكوتون باللحاف زين مازين و طبعا المدينة جدا هادئه نهارا وليلا ... فلاتخافون من الازعاج ... خلونا نشوف الفندق ..
هاي الشكل الخارجي
وهاي الرسبشن
والحين نروح نشوف الغرف ... وللعلم الغرفه حجمها كبير
هاي غرفة الملابس .. اول مره في فندق في اوربا و غرفة ملابس داخل الغرفه
وهاي باب الغرفه من الداخل ...
مكتب صغير وحلو والكرسي جدا لطيف ..
شوفو السقف .. عليه خشب منقوش وايد حلو
هاي باب غرفتنا من الخارج
الممر المؤدي للغرفه
خلونا نتمشى الحين في وسط القريه حيث المحلات الفارهه والبنايات الجميله و الاجواء الاجمل ..
لو ملاحظين الكثير من الطرقات تعتبر شوارع مشاه .. وشبه خاليه من السيارات
احس بالحنين لسويسرا ... ماتلقون لي وظيفه هناك ؟؟؟؟
شوفو هالمبنى الي كانه قصر هاي فندق ... وجمبه في سلم متحرك ينزلك للبحيره ..
نزلنا نتمشى حول الفندق ...
في هالشارع لمحبي التسوق .. كل ماركات الملابس موجوده هنا
يتبع ...


التعليقات (9)
احلى من العقد
احلى من العقد
St. Moritz
مازلنا في سانت موريتز ... ومازالت جولتنا مستمره .. توجهنا جهة المبنى الي فيه سلم متحرك حتى ننزل الى البحيرة ..

و قفنا على المنصه نشوف البحيره والمنطقه من فوق ..

اخذنا اللفت ونزلنا الى البحيره .... فعلا البحيره رائعه مثل الجو

وهاي هو المبنى الي فيه السلم واللفت بس من تحت

تعالو نتمشى حول البحيره ...

شوفو شلون الماي صافي

وهاي كافتيريا بجانب البحيره بس مسكره ويمكنكم تأجرون مراكب

شوفو البحيره وعيشو الجو معاي

متخيلين شلون الاجواء حلوه مع قطرات المطر الخفيفه الي ماتبلل ملابسك من خفتها

(( اشوفك مطر هتان لابرق لا رعاد ))

تعبت نفسياً .. لازم تشوفون لي واسطه في سويسرا

شوفو لون العشب صاير اخضر على بنفسجي بسبب زهور الافندق ويا سلام على الافندر وريحته .. معروف انه زين لتهدئة الاعصاب ..

خلاص ... بروح تعذبت من الصور الي صورتها معقوله انا كنت بهالمكان .... القاكم في جزء قادم

شارلوك هولمز
شارلوك هولمز
اختي احلى من العقد يشرفني اكون اول من يرد على موضوعك تسلم الانامل اللي تكتب
اما العذاب كل اللي تعلق بسويسرا الله يعينه اما عن الواسطه الشعب الخليجي كله يبي يروح لمهم اشكرك مرة اخرى
هولمز
وش ذي الشجرة

احلى من العقد
احلى من العقد
شارلوك هولمز
وانا الي يزيدني شرفاً انك تكون من ضمن المتابعين الله يسلمك ...

عيد824
عيد824
ما شاء الله ، اماكن ترد الروح ، الله يهنيكم ويسعدكم ومشكورة على الصور الرائعة .

ابوناصر 22
ابوناصر 22

هنا الصفاء ... هنا النقاء ... هنا الجمال ...
تسلم يدين من صورها
وهل بالأمكان معرفة مكان المنطقة من سويسرا

الكعبي15
الكعبي15
شو هالعذاب ..؟
انا بعدني ما رحتها ومتعذب اجل شلون لو رحتها ....؟؟؟؟
تقرير رائع وجميل ...
واصلي فما زلت في انتظار بقية التقرير ..

UAE0
UAE0
ماشاء الله اجواء خياليه ..
متابعين كاتبتنا القديره ..

najla31
najla31
اذا حصلتي واسطه خذيني معك عشقتها قبل اروح لها
متابعه لك بقوه
لاتاخرين علينا

FuNnY GiRL
FuNnY GiRL
عش عش طرتي سويسرا خ مادريت حبيبتي انتي والله انج تبردين قلبي اقولج في تشابه كبير بيني وبينج
تدرين تقريرج ذبحني اقول حق زوجي صج النمسا تشبه سويسرا بس سويسرا اجمل وزوجي يقولي النمسا اريح من سويسرا وشعبها اطيب وطول الرحله واحنا مختلفين هو يقول النمسا احلى وانا اقول سويسرا خ
بس سويسرا صج غاليه واجد اغلى من اي مكان بس طبيعتها خياليه هيضتي مشاعري بكره مفروض نرجع بس ماودي ارجع للحين احس ماشبعت
وصورج عذاب بكره ان شاءالله بتابع تقريرج من ديارنا


خصم يصل إلى 25%