عيدكم مبارك اخي ابابيل
ودائما تتحفنا بمواضيع عن فرانكفورت ... مجهود رائع
تقبل تحياتي

تقبل الله طاعتكم
وعيدكم مبارك
والله انا كنت متاكد انى بضيع بمطار فرانكفورت من كبره
بس الحمد الله والله مايضيع
عندي سؤال
ابي مكان تسليم السياره في تيرمنل 1 شركه سكست
وين مكانه بل ظبط
يعنى اروح للمكتب اول شي او انزل الجناط وبعدين اروحله لان يمكن يكون بعيد ومشكله الجنط

1. اخوي كنكون وعيدك مبارك يا رب

اخوي علي مبارك عليك العيد واعاده الله علينا وعليكم باليمن والبركه وتقبل الطاعات

اخوي كنكون وعيدك مبارك يا رب

في خارطه المطار ان فتحنها بتشوف رمز لمفتاح والمفتاح هذا هو مكاتب تاجير السيارات في المطار تقريبا كلها مجتمعه في منطقه وحده وهي عباره عن صاله كبيره انا وامامها كراسي بصراحه فاتني اخر مره اني اخذ صوره للمكاتب والصاله الكبيره هذي ولكنها لو شفتها بالخارطه بتكون اسهلك بكثير بتعرف باي طابع وبالضبط وين باي جزء لان المطار من يمينه لشماله مقسم لاجزاء حسب الحروف الاتينيه a b c d وهذا التصنيف يكون افقي اما العمودي فهو الطوابق وبهالطريقه اتكون عمليه الوصول لهدفك جدا سهله ويسره اللي اتصوره
بالنسبه لموقف سيارات سكست لما تقرب من ترمينال واحد وانت في الطريق الخارجي هاي وي وتدخل الترمينال بتجيك اشارت على جانبي الطريق او اعلى الطريق انتبه لها وبتشوف علامه سكست اتبعها وبتلاقي الموقف ان شاء الله انتبه لهالشي وما بتضيع بس ابوصك على شغله مهمه استجدت في المطار هذي السنه عربات نقل الامتعه والشنط زمان كانت مجانيه وهي للان مجانيه وولكن الان يجب ان تدخل في العربه قطعه معدنيه واحد يورو او اثنين يورو لكي تاخذ العربه تنقل امتعتك بيها وبعديم اتردها لمكان صف العربات وتسترجع الفلوس اللي وضعتها وبهالطريقه المطار وفر اعداد العمال الكبير اللي كانو مسوولين عن لم العربات وارجاعهم لمكان صف عربات الدفع اصبح المسافر هو يروح يخلي اليورو في العربه ساعتها تتحرر وممكن يحركها وينقل فيها اغراضه وشنطه وبعدين قبل ما يدخل لاخر صاله قبل المعادره لازم يرجعها لمكان رصف العربات بنفسه ان بغى يسترجع فلوسه فالافضل اخوي وهذا اللي انا اسويه شخصيا دائما اختار شنط من نوع جيد اللي فيها عجلات وممكن سحبها والافضل اتكون فيها اربع عجلات وخصوصا الشنط الكبيره والثقيله وخصوصا انها سعرها مرتفع شوي ولكنها بتريحك كثير في المطارات لاني بصراحه مساله البحث عن موقف العربات وبعدين جيبها للسياره وعمل شنطك وروح سلم الشنط في البوردنك وبعدها دور مكان رصف العربات عشان ترجها لان ما يصير تتركها في صاله المطار هذا كله ياخذ جهد ووقت طويل
فالافصل اتكون الحقائب والشنه من نوعيه سهله الحركه مهما كانت كبيره
هذا النظام بداء مطار فرانكفورت العمل فيه من شهرين ثلاثه تقريبا ولاحضته اخر مرتين زرت فيه المطار

جزاك الله خير وكثر الله من امثالك

موضوع مميز
ومعلومات مفيدة جدا وشاملة لكل ما يحتاجه المسافر
شكرا جزيلا

جزاك الله خير
سؤال: لمن انزل في ترمنال 2 واحتاج اروح لتاجير السيارات في ترمنال 1 كيف الطريقة ؟

الكاسر
اخوي العزيز مثل ما باين عندك في الخارطه لما تكون في ترمينال اثنين وتكمل اجرائات الدخول بتطلع للطابق العلوي وباين عندك في الخارطه وايضا بتشوفها في المطار ان شاء الله بالارشادات بتطلع فوق بتلاقي بوابه وناس تنتضر قطار معلق جميل جديا لانه قطار اتكون السكه فيه فوق القطار وليس تحته تركب فيه وطبعا هو مجانا تستقله وتنزل باخر محطه فيه واللي راح تكون ترمينال واحد طبعا القطار هذا احد معالم مطار فرانكفورت لروعه المناظر اللي بتشاعدها وانت فوق بالقطار خصوصا اذا كان الجو صحو طبعا توجد طريقه الباصات ولكنها اكثر تعقيدا القطار انصحك فيه ويسمى السكاي لاين او خط السماء

ابابيل
لك جزيل الشكر على الافادة والله يوفقك
ان شاء الله رحلتي بعد عدة ايام واستاجرت من سكست ورحلتي على الخطوط السعودية