1. ثانياً ...

السلام عليكم ... كيفكم يا شباب
اولا اشكر كل القائمين على هذا المنتدى الرائع والذي تصفحه بحد ذاته متعه ... فكيف بمن يبحث فيه عن تجارب الاخرين للاستفاده منها ...

ثانياً ...

انا عندي دوره في بيروت لمده 5 ايام من يوم 17 الى 21 سبتمبر .. وسويت حجزي الحمد لله من 15 الى 22 في فندق ماي فلاور و بحكم اني اول مره ازور بيروت ... قلت تكون دوره وتمشيه في وقت واحد وكمان احتفل انا والمدام بعيد زواجنا الاول هناك ... لكن انا عندي بعض الاستفسارات وياليت تفيدوني يا شباب ولا تبخلوا علي .....
1- كم اسعار التنقل بالتاكسي تقريبا داخل بيروت ... ولو كنت بروح جونيه او مغاره جعيتا كم تكلفني تقريباً ... ؟؟؟ فكرت اخذ سياره بالايجار مع السواق ولكن انا ما راح افضى الا بعد الساعه 5 كل يوم ... يعني نصف اليوم حيروح علي من غير ما استفيد من السواق والا وش رايكم ؟؟؟
2- انا افكر اغير الفندق من ماي فلاور الى امبياسي ... فيه احد سمع عن فندق امبياسي وكيف موقعه والخدمه فيه ؟؟؟
3- بحكم اني ما راح ابدأ اصرف الا من بعد الساعه 5 حسب خبرتكم كم يكفيني مصروف يومي شامل الغداء والعشاء والتنقلات ؟؟؟
4- هل شارع الحمراء القريب جداً من فندق ماي فلاور ( دقيقتين مشي فقط) حسب ماهو مكتوب في موقع booking فيه محلات لبيع الملابس اللبنانيه الصنع او لا .... ولو لا ... وين ممكن الاقي المحلات اللي تبيع لي منتجات لبنانيه ؟؟؟
5- هل يوجد برنامج يومي تنصحوني به ... لو افترضنا اني راح اوصل الخميس الساعه 6 المغرب ... والجمعه ما عندي شي يعني اوف ... والسبت ما راح تبدأ دورتي الا الساعه 4 العصر لمده ساعه واحده فقط ... ومن الاحد الى الاربعاء من الساعه 9 الى 2 دوره وبعدين فري .... والخميس رحلتي حتكون الساعه 8 المساء ... يعني وش تقترحوا يكون برنامجي ....
هذي استفساراتي في الوقت الحالي ولو فيه شي جديد راح اكتبه ... اتمنى ما تبخلوا علي يا شباب ويا شابات ... واللي راح يساعدني له دعووه في ظهر الغيب .... وعد مني .... عادي لو احد ممكن يفيدني عن اي نقطه من اللي فوق مو مشكله ... يعني مو ضروري يجاوبني عن كل النقاط ....
والسلام عليكم ...