فكروني
04-12-2022 - 06:08 pm
سكنت اسبوع فيها تشوف ناس في قمة الهدوء والطبيعه الخلابه والنهر المتدفق والجبال الخضراء رايقه ومنظمه بكل معني الكلمه تبعد عنهاكشتاد 10 كم وقريه سنان 20 كم وقريه جغمواه 30 كم اول ما وصلت فى الليل الساعة 11 مطر وضباب الجي بي اس يوصلني لشارع مسكر وارجع والف ادور الشقه القريه نايمين مافيه لمبات والله تقول ما فيها سكان وقفت وقدام نور السياره ابتاكد من العنوان طلت على عجوز من الدور الثاني وتكلمني بالفرنسي ولعت لمبة الباب ولمبه البلكونه ونزلت وعطيتها عنوان الشقه وتلفون صاحبة الشقه اسم صاحبة الشقة كارولين وتكلمها وتجي وتاخذني للشقه وقالت كارولين اي شي تحتاجه تشر على سكن قبالنا انا موجوده هنا لما اصبحنا وافطرنا قالت بنتى الانترنت مايفتح نزلت ومعي الابتوب ورحت لصاحبة الشقة وقرعت الباب ولقيت شايب وعجوز دخلوني عندهم انا اتكلم انجليزي على خفيف وهم يتكلمون فرنسي وسالتهم ليش مابفتح الانترنت قال الشايب اجلس هنايقصد صالته قمت خذت لفه في بيتهم ابختار المكان اللي فيه قوي الارسال وتصفح الانترنت قلت معى بنتى قال خلها تجي العجوز جابت لي قهوه ونا جالس على بالي انه بيت كارولين استدركت خطاي وسالتهم وين بيت كارولين واشرو لي بيت جنبهم قمة الادب والرقي في المعامله اذا اصبحت خذت لفه والله قرى كانهاحلم ماتسمع الا اجراس ايقارهم واغنامهم تمنحك شعور كم الدنيا جميله والبشر اللي فيها كم هم منظمين اعتقد بانهم ارقي شعوب الارض .
تمنيت ان لو حاط كم صوره للمدينه ..
شكرا على نقل التجربه ..