Emirates Air
15-10-2022 - 10:54 am
السلام عليكم جميعا ...
احب ادخل بالموضوع على طول بدون مقدمات
الموضوع يخص التجار العرب بالدرجة الاولى المستوردين من الصين ...
الي لاحظتة من بداية العام و ان الصينيين
لا يلتزمون بمواعيد تسليم البضائع
+
لا يلتزمون بالجوده المتففق عليها
+
لا يقدمون الخدمات ما بعد شراء المنتج من عندهم
+
لا يطلعونك على الجديد
بالرفم انه بالماضي كانت هذه النقاط من اولياتهم و يحافظون عليها ..
مجالي متنوع و ما اكتب هالكلام الا من بعد تجربه عده مصانع من مختلف البضائع و مختلف المحافظات
بالفعل حاليا صرت افكر جديا بالنظر الى بلد انتاجي اخر بدلا من الصين ..
ماادري اذا شبعوا و خلاص ما يبون يشتغلون اكثر
او تبطروا ، و هل هالمعاملة مع منطقة الشرق الاوسط او ما العالم كله ؟؟
الموضوع لكم ..
تحياتي
اخي العزيز طيران الامارات ...
فالواقع ... هذه ملاحظه في غاية الاهمية ... وتعكس الخلفية الحضارية للشعب الصيني ...
انا اتوقع ان الكبت اللي شافوه خلال القرون السابقة ... صراحة اثرت على الشعب الصيني ...
الصيني ... اذا شبع وشاف النعمة الحين ... يبطر ....
تذكرون اول مافتح السوق الصيني في دبي ... سوق التنين ... تذكرون كيف كان ... ؟؟؟
والحين شلون صار ؟؟؟
الشي الوحيد فالصين ... انهم بالملايين ... يعني اذا شفت واحد شبع ... وبدأ يبطر ... وقام يهتم ...
على طول غيره ... وشوف غيره ... بتحصل بالراحة ...
المشكله اذا كان متخصص في الشغلة اللي هو فيها .. وكانت هالشغلة مش منتشرة ...
اقصد الصناعة نفسها ...
مرات الواحد يحب يتعامل مع المحلات الكبرى .. وذلك لضمان الجودة والالتزام بمواعيد التسليم وخلافه ...
وحتى مع هالمحلات الكبرى .. مرات نتعرض الى تلك الامور اللي ذكرتها ...
هل هذا الامر فقط مع اهل الشرق الاوسط ولا مع الكل ... ؟؟
الله اعلم ...