مكة المكرمة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عبدالله .
27-10-2022 - 12:57 am
بسم الله الرحمن الرحيم
السلام عليكم ورحمة الله وبركاته
كيف الحال يا اخوان
بدايةً انا كان لدي حجز في فندق فيرمونت مكة المكرمة في شهر ديسمبر وبالتحديد 15 ديسمبر وكان الحجز مرن اي الإلغاء مجاني وآخر موعد للإلغاء في نفس يوم الحجز تقريبا ً ,, وهاذي حركة انا متعود اني اسويها اني احجز مسبقاً وبفترة طويلة لإستغلال الاسعار المناسبة خاصة أن الإلغاء مجاني
عموماً ما اطول عليكم تفاجأت بيوم 15/8 بخصم كافة المبالغ من الفيزا وهي تقريباً 5850 ريال سعودي
مصيبة بصراحة خاصة ان عندي سفرة بعد 11 يوم لماليزيا وعندي حجوزات في 3 فنادق وانا على الله وثم على هالمبلغ اللي حاطه بالفيزا والمخصص لفنادق ماليزيا
اتصلت على الفندق وقالي يومين وبعد هاليومين اعتذر وقال المسألة راح تطول اكثر من المتوقع وانا استعجلت لما قلت لك يومين انا موظف بنك واعرف بأن الإجراء سهل جداً وهي عملية عكس قيد وترجع الامور مثل ماكانت بس الله يهديك يماطل وخايف اني اقدم شكوى
رحت للبنك الخاص فيني وقالي نسويلك مطالبة تاخذ 60 يوم
موقع بوكنغ ارسلت لهم ايميل وناطر الإجابة بس اعتقد بأن اجراءهم روتيني على نمط اتصلنا بهم واتصلوا بنا وكتابهم وكتابنا لين ما يجي وقت سفرتي لماليزيا
شالحل يالربع ومنو فيكم مر بهالمشكلة


التعليقات (9)
zeezo11
zeezo11
كثير فنادق يسوونها وإذا كلمت خدمة العملاء في بوكينق يقولون الإتفاقية بيننا وبين الفندق أنهم مايخصمون بس بعض الفنادق يخلون بالإتفاق أتصل بخدمة العملاء وقل لهم أنا أحتاج للمبلغ خلال يومين وأنتم كاتبين في موقعكم أنه لايخصم من البطاقة وكلمهم بلغة حادة ويمكن تنفع معهم
بس اللي أعرفه أن القيد يجلس من 12 يوم وطالع حتى لو فك الفندق عن المبلغ وأنت موظف بنك وأبخص بس أعتقد هذا الشيء من فيزا نفسها

هجرتي بلغاريا
هجرتي بلغاريا
طيب أيش رايك بواحد له مطالبة مالية بحجز ملغي مع الخطوط العربية الجوية منذ سنة لم يرجع المبلغ إلى بطاقة الفيزا علماً أول كان يرجع المبلغ إلى بطاقة الفيزا خلال 72 ساعة فقط
قال أيش قال عكس قيد
لا أنت الصادق عكس سير مرور
كان الله في عونك في مراسلة الفندق و العم بوكينج
و شكراً,,,,

عبدالله .
عبدالله .
zeezo11
يعطيك العافية عالرد
والله شكل المسألة راح تاخذ 14 يوم اتصل فيني موظف بوكنغ وقالي لازم تنتظر 14 يوم قلت له المسألة سهلة ومن هالامور قالي اتصل عالفندق وبلغهم
اتصلت عالفندق ماحصلت الموظف المختص راح اتصل بعد الفطور وراح يكون موجود وإن شاء الله خير
شكراً عالرد مرة ثانية

عبدالله .
عبدالله .
هجرتي بلغاريا
الله يعينك إذا صارلك سنة المفروض تروح تسوي مطالبة بالبنك
مو معقول تنتظر سنة كاملة !!!
العفو وشاكر لك الرد ياخوي

zeezo11
zeezo11
الله يكون بعونك ومعوض خير

عبدالله .
عبدالله .
zeezo11
الله يجزاك خير ياخوي

هدد 4500
هدد 4500
فيرمونت مكة و رافلز مكة

عبدالله .
عبدالله .
هدد 4500
ياساتر خرعتني زيادة
انا سفرتي الثلاثا والفيزا تقريباً خاليه وعندي حجوزات في سفرتي القادمة الله يستر
اليوم بدق عليهم

اسيرالدوحه
اسيرالدوحه
السلام عليكم ..
اخوي .. لما تتصل .. لا تكلم موظفين ...
اطلب الرأس الكبيرة ... المدير العام ...
او اللي في مكانه ...
وقوله السالفة ... واطلب منه رد المبلغ في اسرع وقت ....
ونبهه الى الفندق يحمل اسم فندق فيرمونت ...
فندق عالمي ... وانك راح ترفع الموضوع للشركة الام ...
واذا مانحلت المشكله خلال يومين .. راح يصعد الموضوع وماراح يتنازل ابد ...
ومن هذا الكلام ...
اهم شي انك تكون لبق معاه فالكلام ..
وادخل على الموقع العام للفندق ... مش الفندق اللي حجزت فيه ...
الموقع العام ... واكتب شكوى ... واذكر لهم ظروفك وحاجتك للمبلغ في اسرع وقت ...
واذكر انك راح تصعد الموضوع ... ومراح تسكت وقتها ..
فمن الافضل ارجاع المبلغ في اسرع وقت ...
وحدد الوقت اللي تبيه ...
وانطر الرد ...
والله يكون في عونك اخوي


خصم يصل إلى 25%