السلام عليكم
يكثر بالمنتديات الحديث عن الفنادق والغرف بحكم ان اغلب المسافرين يكونون شخصين او 3 اشخاص والعوايل يصعب عليهم ايجاد سكن مناسب يكون شقه تجمعهم فيضطرون ياخذون غرف بالفندق ولكن بحكم تجربتي تعذبت وانا ادور سكن مناسب لنا في كولالمبور واخير لقيت وجربت والشكر يعود لام عبدالعزيز قريت لها رد هنا بالمنتدى وتوكلت على الله وحجزت من بوكنغ
اسم الفندق : سمرست Somerset Seri Bukit Ceylon
في كولالمبور قريب من شارع العرب وتقدر تروح له مشي
https://www.booking.com/hotel/my/somerset-seri-bukit-ceylon.ar.html?aid=1300939
هو عباره عن شقق غرفتين وصاله وحمامين فيهم شطاف وانتو بكرامه ومطبخ وغساله وجرايد يوميه
الفطور بالطابق الاعلى وبالهوا الطلق ويوجد مسبح ونادي رياضي
الفندق امن جدا ماتقدر تدخل باب الفندق الا ببطاقة غرفتك حتى الاصنصير ماتقدر تركبه الا بالبطاقه
الموظفين تعاملهم راقي جدا لما يشوفونا جاين مشي وبيدنا اغراض يركضون يشيلونها وقبل ماتنزل اتصل واطلب تكسي منهم ويوفرونه بسرعه
بس طبعا الحلو مايكمل
مع ان العيب بسيط بالنسبه للمميزات بس لازم اذكره
فطورهم محدود جدا
واذا سكنتو فيه واعجبكم ادعولنا بظهر الغيب
وارجع اشكر ام عبدالعزيز جزاها الله الف خير