fahad_0500
05-12-2022 - 10:15 am
بخصوص الطيران الاوربي الاقتصادي هناك امور مهمه لابد من معرفتها قبل الحجز
بعض شركات الطيران تحاول الاقلاع والهبوط من ارخص المطارات بالتالي بعضها يطير من مطارات ابعد عن المطارات الرئيسيه
مثلا في باريس هناك المطار المشهور شارل ديقول واغلب شركات الطيران الاقتصادي لاتهبط به انما تتجه الى مطار اورلي
والمطاران مافيهم مشكله لأنهم مربوطين بشبكة الرير (القطار ) واللي يوديك لباريس واطراف العاصمه
وهناك مطار ابعد اسمه بوفيه ويقع شمال باريس وهو الابعد تقريبا ساعه وربع بالباص ب15 يورو وينزلك بساحة الكونكورد
بخصوص الحجز كلما حجزت مبكرا لقيت السعر الارخص وكلما تأخرت بتلاقي السعر الاعلى
بخصوص الامتعه او الحقائب لازم تكون عارف وش معاك وكم حقيبه معاك
اغلب شركات الطيران تسمح لك بحقيبه يد صغيره بشرط مايزيد وزنها عن10 كيلو وبعضهم يشترط ماتزيد عن7 كيلو
ومسموح مع هالحقيبه الصغيره حقيبه للابتوب
اما الحقائب فلكل وزن سعر
يعني على كل حقيبه لها سعر
وغالبا الحقيبه 20 كيلو فأقل لها سعر 20 يورو-30 يورو
وتذكر انك تبين ذلك بحجزك لانه من المطار بيكون السعر الاعلى
بخصوص بطاقة صعود الطائرة = البوردينق لابد من التأكد من موقع الشركه لأن بعضهم يدفعك 40 يورو لكل حجز لو ماقصيت البوردينق من النت
مثال طيران ريان اير الارلندي
يشترط طباعة البوردينق قبل الرحله ب4 ساعات على الاقل او قبلها ب10 ايام
اما ايزي جت ماتحتاج لطباعة البوردينق
وتختلف سياسة الشركات
اغلب شركات الطيران مافيها اكل بل تبيع بالطائره وقليل منها يقدم وجبات خفيفه
يعني الله لايهينك خذ معاك اكلك من بساكيت ولا غيره
بخصوص الرحلات هناك تأمين على الرحلات والبعض يدفعه والبعض الاخر مايدفعه يقول الحامي الله
طبعا مافيه وسائل ترفيه من تلفزيون وغيره لذلك الايباد وسيلة جيدة للمتعه او الابتوب الصغير ..
جزاك الله خير اخي الكريم ..