بيروت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
SoOoMeEe
16-12-2022 - 05:14 am
  1. على فلاي دبي .. وسعر التذكرة 1300 ريال عن طريق مطار البحرين


السلام عليكم ورحمة الله وبركاته ,,
أسعد الله أوقاتكم بكل خير ..
بداية اتمنى تعذروني على الصور الي قد لا تكون وافية لاني ما كنت مخطط اصور لوضع تقرير .. ولما قررت اخذت الصور الي صوروها الشباب ..
كانت الرحلة بتاريخ 2 8 2011 وحتى 8 8 2011
4 أشخاص .. الميزانية كاملة 18 الف ريال ( شاملة كل شي من طلعتنا من البيت الين كل واحد رجع بيتهم )

على فلاي دبي .. وسعر التذكرة 1300 ريال عن طريق مطار البحرين

  • ملاحظة : عند الحجز على طيران دبي يجب انك تدفع لشناط الشحن مع التذكرة والشنطة الي معاك بالطياره يجب الا تزيد عن 7 كيلو , الرحلة عبر تيرمينال 2 ( صغير وخدماته متوسطه خصوصا المطاعم وللصعود الى الطائرة يجي باص ياخذك من التيرمينال ويروح للطياره )

طبعا الكلام هذا خلال الترانزيت في مطار دبي فقط ..
اليوم الاول
التوجه الى مطار البحرين .. وكانت الرحلة الساعه 7 ونص الصباح ..
في انتظار الطائرة .. بوينغ 747
تمام الساعه ال 7 توجهنا الى بوابة الصعود .. وركبنا الطياره
مدة الرحلة ساعة تقريبا الى دبي ..
الوصول الى مطار دبي ..
وكنا مخططين نجلس في دبي فترة لأكثر من شغلة ف اخترنا رحلة تكون متأخرة شوي وكانت الساعه 11 بالليل بتوقيت دبي
ف توجهنا اولا الى دبي مول
وهذا نص السبب الي خلانا نجلس في دبي المدة هذي عشان هالمكان .. وله تقرير خاص في قسم الامارات
وجات الساعه 10 بالليل وتوجهنا للمطار وطلعت رحلتنا 11:45
انتظرنا لين موعد طيارتنا وركبنا الطياره وتأخرت في الاقلاع يمكن نص ساعه
اليوم الثاني دخل علينا ب نص الرحلة !!
المهم وصلنا بيروت الساعه 3 الفجر تقريبا .. خلصنا جوازاتنا وكل امورنا ..
وتوجهت للمكتب ( بدجت ) الي كنت حاجز منه السيارة وكلفتني تقريبا 1600 ريال مع التأمين وكل شي للمدة كاملة من نوع رينو
طلعنا من المطار
واسلتمنا السيارة ..
وفي واحد من الشباب خلاص تعب لان الرحلة كانت متعبه بجد لكن ممتعة جداا ..
المهم ما ركبنا السيارة الا الساعه 4 ونص تقريبا
وكان تسجيل الوصول للفندق الساعه 9 الصباح حسب الاتفاق معهم ..
ف قررنا نروح نفطر .. ورحنا فطرنا وتمشينا ع الصباح ..
وتوجهنا بعدها للاوتيل
الي هو سويت هوتيل ب جل الديب .. وكان اختيار موفق بالنسبة لي لانه كان في منطقة هادية وباردة بالليل والصباح والفندق نظيف مره وسعره مررة حلوو .. و عشر دقايق وانت بالسوليدير ربع ساعه وانت بالروشة
وكنا ماخذين غرفة وسويت ..
كلفتنا تقريبا 3500 ريال للمدة كاملة مع الافطار عن طريق مواقع الحجوزات
منظر الغرفة من الغرب
منظر الغرفة من الشرق
صورة الغرفة وكانت بالجوال وماعندي غيرها !!
ودخلنا غرفنا نزلنا عفشنا ونمنا الين المغرب تقريبا .. لان كنا مررة تعبانين
صحينا المغرب .. واول ما طلعنا مرينا على محل بالطريق ولزموا الشباب يبون ياخذون من عنده ههه
وبعدين رحنا شرينا خفايف نخليها بالاوتيل نطقطق عليها ..
وبيني وبينكم كنت مررة مشتهي مطعم بربر بالحمرا ف توجهنا له وتعشينا وملينا البطون ..
كان حسابنا تقريبا 60 دولار ..
وبعدين جلسنا في
بعدها طلعنا ورحنا تمشينا شوي ع الروشة
غلبنا الوقت وصارت الساعه 1 بالليل واحنا نبي ننام عشان نصحى بدري ..
قبل ما نرجع الاوتيل عبينا بنزين تقريبا ب 25 دولار مع العلم اني مستلم السيارة وفيها نص
رجعنا للاوتيل واول شي سوينااه ههه
بعدين نمنا ..
اليوم الثالث
صحينا وتوجهنا للافطار .. وهذا صحن واحد من الشباب ..
فطرنا وخلصنا ..
وبعدين طلعنا نتمشى وننبسط بجو بيروت الرواق ..
تمشينا بكل بيروت وبعدين قلنا نطلع الجبل ..
وطلعنا الجبل
واحنا نتمشى قررنا نروح مطعم منير .. ( وانا ما ادله ) كل الي اعرفه انه بمنطقة برمانا
واتجهنا الى برمانا
في الطريق الى برمانا
وسألنا الين وصلناه
المهم دخلنا المطعم الساعه 3 تقريبا ..
واترككم مع صور المطعم
وكان المطعم شبه فاضي ماعدا انه في عائليتين سعوديين وعائلة اماراتية !!
وكانت هذي طلباتنا مع الحساب .. الحمد لله مانقص ولا زاد ..
طلعنا من المطعم وماباقي شي ع الغروب
وتوجهنا ع السوليدير ..
تمشينا وجلسنا في ساتربكس .. وسولفنا ونشوف الرايح والجاي ..
طلعنا وحسابنا كان 20 دولار قيمة 3 كوفي مع واحد موية لان مافيه الا اثنين من الشباب الي جلسوا معي وواحد كان رايح يصور ويتمشى
وهذي بعض الصور من السوليدير
الشباب الظاهر تأخرت شناطهم ههه
فكرنا وين نتعشى .. وطرا على بالي محل كنت احبه لاني كنت ساكن جنبه يسوي شاورما وبطاطا ولا احلى ..
اسمه ملك البطاطا بشارع الحمرا
ومكانه مقابل فندق كراون بلازا الحمرا
وطلبنا شاورما وبطاطا ..
وكان حسابنا 100 الف ليرة .. 75 دولار ..
بعدها توجهنا للاوتيل ونمنا ..
اليوم الرابع
صحيت الصباح انا وخويي وباقي الشباب ما صحوا من النوم !!
المهم صحيناهم مايبون يقومون رحنا فطرنا وطلعنا نتمشى قلنا متى ماصحوا يتصلون ..
جا الظهر وما اتصلوا ربعنا ..
رجعنا الاوتيل وصحيناهم بالقوه ..
المهم طلعنا من الاوتيل بعد العصر تقريبا وكلنا ميتين جوع
توجهنا السوليدير .. ورحنا مطعم كرمنا اللي اوصى فيه اكثر من عضو واهنيهم على الاختيار ..
جلسنا واخذنا المنيو وطلبنا ..
مافيه صورة للفاتورة لكن كانت طلباتنا مثل منير بالضبط
وهذي بعض الطلبات
وكان حسابنا تقريبا 60 - 70 دولار
طبعنا احب اقول انه عندنا سياسة في الاكل .. لما نطلب ما نطلب الي نشتهيه .. نطلب الي راح ناكله فعلا
لان ما نحب الاكل يزيد ويروح للزباله ونخسر اكثر من اللي المفروض ندفع
وهذي أرجيلة بيروت ..
طلعنا من المطعم الساعه 11 تقريبا ..
توجهنا للروشة تمشينا شوي وبعدها ع البيتي كافيه ,,
كوفي وعصير وشيشة و روآآآآق الين جات الساعه 2 ونص تقريبا ..
قمنا حاسبنا وكان حسابنا 54 دولار ..
وتوجهنا للاوتيل .. ونمنا ..
وتعبت انا الحين بكرة اكمل لكم باقي الايام ..


رحلتي الى لبنان
التعليقات (8)
نواف وبس
نواف وبس
الف حمدلله عالسلامه
الصور ما طلعت
اخوك نواف

SoOoMeEe
SoOoMeEe
نواف وبس
الله يسلمك اخوي نوااف ..
والله ما ادري ايش المشكلة .. لكن بشوف يمكن فيه خطأ من عندي مع انها طالعه عندي !!
طيب انا حاط صورة في الرد اللي طالعه عنده يعلمنا

محمد زيدان86
محمد زيدان86
تقرير لذيذ
بس مافيش صور

ولد بابا وماما
ولد بابا وماما
SoOoMeEe
كانت الرحلة بتاريخ 2 8 2011 وحتى 8 8 2011
وعليكم السلام ورحمة الله وبركاته ،،،
بس إذا هذا تاريخ الرحلة وتفطرون والله مشكلة وبرمضان
شكلك تقصد 02/07/2011 المصادف 01/08/1432
إذا كذا مافيه مشكلة
تقريرك مختصر ما شاء الله عليك وياحلوه لو كان مصور
بس الرحلة حرام عليكم تعب توقيتها متعب جداً ..
ناطرينك ببقية التقرير
ولك تقديري

نواف وبس
نواف وبس
تو الحين طلعت الصور يالغلا
ماشاء الله عليكم ، احس انكم استمتعتوا على قصر مده الرحله
صور جميله والله ذكرتني بجمال بيروت وجمال كل شي فيها
حمدلله عالسلامه انت وصحابك
ان شاء الله بعد العيد أبدا ارتب مواعيد سفرتي
تعبت بجد خاصه مع صوره الآرجيله اللي في السوليدير
اخوك نواف

SoOoMeEe
SoOoMeEe
المعذرة ..
التاريخ كان 2 7 2011 وحتى 8 7 2011
والتصحيح كان في عنوان الموضوع ( يوليو 2011 )
والصور عالجنا مشكلتها ..

dl3 $hrgawy
dl3 $hrgawy
يعطيك العافية ..... حلو و مختصر... متابعين

ولد بابا وماما
ولد بابا وماما
SoOoMeEe
هيك حلو طلعت الصور
والاكل وحنا صايمين قاعدين نتفرج على تقريرك خلها على الله
كفي وحنا معاك للآخر ..
تقديري لك


خصم يصل إلى 25%